hósdagur 29. apríl 2004síða 11

Nr. 81 - 29. apríl 2004 21 Burtur við javnleikum Forsetin fyri altjóða fót- bóltssambandið FIFA vil gera enda á dystum, sum enda við javnleiki. Sepp Blatter sigur við týsku tíðindastovuna SID, at eftir hansara hugsan skulu allir fót- bóltsdystir í framtíðini avgerast. – Allir dystir eiga at hava ein vinnara. Tí eiga vit at finna eina skipan, sum allir fótbóltsdystir skulu avgerast eftir. Tað besta hevði kanska verið at havt brotssparkskapp- ing eftir vanliga leiktíð, men eg er tilreiðar at lurta eftir øllum hug- skotum, sigur Sepp Blatter. ek FCK nógvar skaðar FC Keypmannahavn er rakt av nógvum skað- um, nú endaspurturin í superliguni verður sett- ur inn. Thomas Røll, sum hevur trupulleikar við hælsinuni, kann eftir øllum at døma ikki spæla aftur í hesum k a p p i n g a r á r i n u m . Christian Lønstrup er aftur skaddur, Michael Silberbauer hevur eisini fingið ein snudd, og álopsspælararnir Martin Bergvold, Peter Møller og Sibusisu Zuma stríð- ast eisini við ymsar skaðar. Líkt er tí til, at FCK av álvara fær brúk fyri sínum breiða hópi, og Todi Jónsson kann rokna við at sleppa at spæla í seinastu umfør- unum. ek Giftast í brots- teignum Álopsspælarin hjá Vi- borg, Søren Frederik- sen, skal 5. juni giftast. Tað er kanska ikki so ó- vanligt fyri ein fótbólts- spælara, men hann ætlar sær at giftast í brotsteig- inum á Viborg Stadion. Hetta hevur hann fingið loyvi til frá borgarstjór- anum í Viborg, og eini 80 fólk eru boðin til vígsluna. Eisini í Týsklandi hevur ein fótbóltsspæl- ari líknandi ætlanir. Toppskjúttin í bundes- liguni, brasilski Ailton, hevur sagt, at hann ætlar sær at giftast á leikvøll- inum hjá Werder Brem- en, um felagið vinnur týska meistaraheitið. Og har sleppa øll viðhalds- fólkini hjá felagnum til vígsluna, hava tey hug til tað. ek Malta kemur í august mánaði til Føroya at spæla fótbóltslands- dyst ímóti Føroyum. Hetta verður seinasti partur av føroysku fyrireikingini til EM- undanspælið, har Føroyar millum ann- að skulu hitta Frak- land FÓTBÓLTUR Eyðun Klakstein Tann 18. august verður landsdystur millum Før- oyar og Malta spældur í Føroyum. Hetta hava fót- bóltssambondini í Føroyum og á Malta avtalað. Føroyingar skulu næstu mánaðirnar fyrireikað seg til EM-undankappingina í fótbólti, sum byrjar í heyst, og tað skal millum annað gerast við einum dysti ímóti Hollandi, sum verður spældur fyrsta dagin í juni. Seinasti parturin av fyri- reikingini verður venjing- ardystur ímóti Malta tann 18. august. Ynsktu javnan dyst Áhugin fyri at spæla venj- ingardystir ímóti Føroyum er vaksandi, men tað er nógv, sum skal fáast at passa saman, áðrenn ein dystur kann spælast. Hesaferð eydnaðist tað við Malta, og tað var ikki bara tilvildarligt, at tað gjørdist júst Malta. Lands- liðsvenjarararnir ynsktu sær ein dyst ímóti einum landi við hesi styrki, so at bæði Føroyar og mótstøðu- liðið kunnu vinna dystin. Hetta verður mett sum góð avbjóðing áðrenn EM- undankappingina, har Før- oyar skulu spæla ímóti sterkum fótbóltstjóðum sum Fraklandi og Írlandi. Um vikuskiftið vóru 16 bogaskjúttar á ferð í Hetlandi, har teir luttóku í einari av fyrstu kappingunum, síðan Føroyar og Het- land skrivaðu undir mentunnaravtalu í fjør BOGASKJÓTING Tíðindaskriv North Atlantic Archery Tournament varð skotin á Clickimin Sport Center í Lerwick leygardagin 24. apríl við luttøku úr Før- oyum, Hetlandi og Orkn- oyggjunum - íalt 28 boga- skjúttar. Í bólkinum compound fyri menn vóru 15 luttak- arar, í recurve fyri menn 9 luttakarar, í compound fyri kvinnur vóru 2 luttakarar og í recurve fyri kvinnur vóru 2 luttakarar. Tíverri varð luttøkan av kvinnum ikki serliga stór. Skotið bleiv eitt Olymp- iskt umfar, sum umfatar tvey umfør á 70 metrum sum innleiðandi, áðrenn raðfestingin til fjórðings- finalurnar varð staðfest. 8 teir bestu skjúttarnir komu víðari. Í finaluumførunum blivu skotnir 12 pílar. Kvinnur Í bólkinum recurve kvinnur vóru Annika Vang og Rakul Dam, báðar úr Føroyum. Annika vann bæði inn- leiðandi og í finaluskjót- ingina. Í bólkinum compound kvinnur vóru Sigrid Vang úr Føroyum og Sara Leith úr Hetlandi. Sara vann bæði innleiðandi og í finaluskjótingina. Menn recurve Í bólkinum recurve menn í innleiðandi umfarinum vóru føroysku luttakararnir Hans Jørn Nielsen nr. 5, Eirikur í Jákupsstovu nr. 7 og Bjarti F. Clementsen nr. 9. Eirikur skuldi skjóta fjórðingsfinalu móti nr. 2, sum var ein Hetlendingur. Úrslitið var 90-82 til het- lendingin, sum seinni vann bronsufinaluna. Hans Jørn skuldi skjóta móti nr. 4, sum var ein orknoyingur. Úrslitið var 90-79 til Hans Jørn, sum sostatt fór víðari til hálv- finaluna. Her skuldi hann møta hetlendinginum, sum vann innleiðandi kapping- ina. Hetta gjørdist ein sera javnur dystur, sum Hans Jørn vann 89-87. Í sjálvari finaluni møtti Hans Jørn enn einum hetlendingi, úrslitið var 101-94 til hetlendingin. Endaliga finaluúrslitið var, at Hans Jørn bleiv nr. 2 og Eirikur bleiv nr. 5. Menn compound Í bólkinum compound fyri menn vóru 10 føroyingar við í innleiðandi umfarin- um, og av teimum kom helmingurin víðari. Per Holm Andersen skeyt væl hendan dagin og lá á fyrsta plássi við sama stiga- tali, sum ein hetlendingur, men Per hevði færri 10-arar og bleiv hann tí nr. 2. Schandorff Vang bleiv nr. 4, Anders Jønsson og Albert Dam vóru javnir í stigum, men hevði Anders fleiri 10- arar og bleiv nr. 5, Albert nr. 6 og Jógvan Niclasen nr. 7. Henda støðan til fjórð- ingsfinalurnar viðførdi, at Per skuldi møta Jógvani í dysti, sum Per vann 106-99. Schandorff skuldi møta Anders í dysti, sum Schan- dorff vann 109-95. Albert skuldi møta hetlendingin- um, sum bleiv nr. 3 innleiðandi og vann Albert 112-104. Í semifinalunum møttust Schandorff og ein hetlend- ingur, hesin dysturin endaði 106-102 til Schandorff. Per skuldi skjóta móti Albert og endaði dysturin við sigri til Per 110-106. Í bronsufinaluni møtti Albert hetlendinginum, sum Schandorff júst hevði vunnið á og vann Albert trygt. Tíverri hava vit ikki fingið hetta dystarúrslitið við. Í sjálvari finaluni møttust Per og Schandorff í einum sera jøvnum og spennandi dysti, har tað ongantíð vóru meiri enn 2 stig á muni. Tá síðsti pílurin var skotin, var ivi um, um tað stóð á jøvnum, men tá dómarin fór fram til skivurnar saman við skjúttunum, vísti tað seg, at ein av pílunum hjá Per júst nerti strikuna til hægri stigatal. Við hesum vann Per kappingina við einum stigi - 108-107. Liðkapping Í dystarskjóting fyri lið verða skotnir 27 pílar - 3 umfør á 3 pílar fyri hvønn skjútta í 3 minuttir. Hetta setir stór krøv til skjúttar- nar, tí tað skal ganga skjótt. Talan er um helvtar tíð í mun til vanliga skjóting. Í recurve vóru øll um- boðaði og mannaðu Hans Jørn, Eirikur og Annika føroyska liðið, sum bleiv nr. 2 við 164 stigum. Het- land fekk 194 stig og Orknoyggjarnar 148 stig. Í compound vóru tað bert Hetland og Føroyar, sum kundu manna lið. Á før- oyska liðnum vóru Per, Schandorff og Sigrid. Føroyar vann henda javna dyst, sum endaði við 197- 194. Føroyska ferðalagið, sum taldi 19 fólk, kom aftur mánamorgunin við Norrønu. Smátjóð skal gera Føroyar klárar til dystir við risar Føroyar spæla í august mánaði fótbóltslandsdyst ímóti Malta. Stutt aftan á byrjar EM-undankappingini Føroyingar skutu í Hetlandi Nógvir skjúttar vóru við í kappingini hjá monnum, men hjá kvinnum var luttøkan lítil Per Holm Andersen vann kappingina í compound, eftir sera spennandi finalu ímóti Schandorff Vang Føroyska compound liðið - Sigrid Vang, Schandorff Vang og Per Holm Andersen 21 20 Nr. 81 - 29. apríl 2004 Tað ber til at spara fitt av pengum og at tryggja sær bestu áskoðaraplássini, um pakkaloysnin verður bíløgd innan hálvan mai LANDSLIÐIÐ Jóannes Hansen Tá ið Frakland 8. septemb- er fer at spæla HM undan- kappingardyst í Føroyum, er tað rættuliga sannlíkt, at nakrir av bestu spælarunum í Europa fara at vera mót- støðumenn hjá føroysku landsliðsspælarunum. Einki er at ivast í, at áhugin fyri at vera eygna- vitni til leikin, tá ið Henry, Pires, Vieira og hinir fara at spæla ímóti Póli, Jákupi, Fróða og hinum, ella tá ið Dávid fer at stríðast ímóti risanum Goliati, verður rættuliga stórur. Nú er tað víst, at tað henda dagin fer at kosta meiri, enn tað nakrantíð áður hevur gjørt at fara til fótbólt í Føroyum, um ætl- anin er at keypa atgongu- merki við inngongdina. Á heimasíðu síni, football.fo, boðar FSF frá, at prísurin við inngongdina fer at vera 270 krónur fyri vaksin og 100 krónur fyri børn upp til og við 16 ára gomlum. Í HM undankappingini skulu Føroyar spæla fimm heimadystir. Prísirnir tykj- ast vera ásettir eftir, hvussu stórur áhugin verður rokn- aður at vera. Ímóti Írlandi verður prísurin við inn- gongdina 250 krónur, og ímóti Sveis, Kypros og Ísrael er hann ásettur at vera 200 krónur. Pakkaloysn Men tað er ikki neyðugt at punga út við so stórum upphæddum. Á heimasíð- uni hjá FSF ber nú til at keypa atgongumerkir til allar dystirnar í senn og fyri ein lægri prís enn tann, sum er nevndur omanfyri. Til- boðið stendur við til 15. mai, og tað eru túsund av bestu plássunum á lang- síðunum, sum eru til sølu á henda hátt. Fyri atgongumerkir til allar fimm heimadystirnar í HM undankappingini er prísurin 750 krónur fyri vaksin og 250 krónur fyri børn upp til og við 16 ára gomul. Um ikki so langa tíð verður farið undir at selja atgongumerki til einstøku dystirnar í forsølu. Tá verð- ur prísurin fyri dystin ímóti Fraklandi 220 krónur, með- an tað, sum tað er nevnt omanfyri, fer at kosta 270 krónur at keypa atgongu- merki við inngongdina – um øll plássini ikki framm- anundan fara at verða seld. Sambært FSF heima- síðuni verður dysturin 8. september í ár ímóti Frak- landi spældur á Tórsvølli. Á heimasíðuni sæst ikki, hvar hinir fýra dystirnir verða spældir. Teir eru hesir: Sveis 4. juni 2005, Írland 8. juni 2005, Kypros 17. august 2005 og Ísrael 7. september 2005. Tað verður kanska ikki so stórur trupul- leiki at fáa flestu útisetarnar við til Sveis at spæla ímóti Hollandi, sum tað eina ferð tóktist at fara at verða LANDSLIÐIÐ Jóannes Hansen Ivin ella óttin fyri at mann- fallið millum útisetarnar skal gerast stórt, tá ið landsliðið 1. juni skal spæla ímóti Hollandi í Sveis, tykist nú ikki at nýtast at verða so stórur, sum hann higartil hevur tókst at verið. Nógv bendir á, at teir tríggir landsliðsspælararnir, sum eru í íslendskum fót- bólti, kortini fara at fáa frí til at fara við landsliðnum til Sveis. Fyrsta umfarið í ís- lendsku landskappingini er á skránni 15. mai. 1. juni ella triðja hvítusunnudag skulu sambært løgdu skránni bæði feløgini, sum hava føroyskar landsliðs- spælarar í hópinum, spæla landskappingardystir. Akranes, sum hevur Julian Johnsson á miðvøllinum, skal henda dagin spæla á heimavølli ímóti KA av Akureyri, og Fram, sum hevur Fróða Benjaminsen og Hans Fróða Hansen á liðnum, skal sambært løgdu skránni spæla í Grindavík týsdagin 1. juni. Útilokar ikki luttøku Julian Johnsson og liðfe- lagarnir í ÍA komu mána- dagin aftur til Íslands. Teir høvdu í átta dagar verið á venjingarlegu í Týsklandi. Eitt nú spældu teir venj- ingardyst ímóti Bochum. Úrslitið var 1–1. Tá ið vit spyrja Julian, um hann roknar við at fara við landsliðnum til Sveis um ein mánað, so vísir hann fyrst til skrivið, sum felagið og hann sjálvur fyri fleiri vikum síðani fingu frá FSF. – Einki er heilt víst her í verðini og als ikki, tá ið tað hevur við fótbólt at gera. Men felagið hjá mær hevur ongantíð fjalt yvir, at teim- um dámar væl, at teir hava ein føroyskan landsliðs- spælara á liðnum. Tá ið skrivið kom frá FSF, sum boðaði frá landsdystinum 1. juni og at eg møguliga fór at verða úttikin, nevndu teir møguleikan, at dysturin ímóti KA kanska kundi flytast orsaka av hesum. Sum eg havi skilt á Hans Fróða og Fróða, so er tað eisini møguleiki fyri, at dysturin hjá Fram verður fluttur, tí vit verða burtur- staddir við landsliðnum. Um tað verður soleiðis, so verður eingin trupulleiki. Hugburðurin hjá ÍA er so mikið positivur fyri lands- liðsfótbólti, at tað væl kundi hent, at eg slapp av- stað, sjálvt um dysturin ímóti KA ikki hevði verið fluttur, sigur Julian Johns- son, sum altso heldur tað vera sera sannlíkt, at hann um ein mánað fer saman við liðfeløgunum á lands- liðnum suður til Sveis at dystast við hollendsku heimsstjørnurnar. Ikki stórvegis trupulleikar Umframt teir tríggjar í Ís- landi er talan um fimm aðrar útisetar, sum mugu roknast at hoyra til lands- liðsferðalagið. Teir eru Johan B. Hansen í Horsens, Jákup á Borg í OB og so teir tríggir í Fremad Amag- er – Hjalgrím Elttør, An- drew av Fløtum og Jann Ingi Petersen. 2. hvítusunnudag, 31. mai, sum er dagin undan landsdystinum í Sveis, skal Horsens spæla landskapp- ingardyst á heimavølli ímóti Silkeborg. Í løtuni eru tað júst hesi bæði fe- løgini, sum eru á tveimum teimum ovastu plássunum í 1. deild. Fremad Amager skal hvítusunnudag spæla á heimavølli ímóti Randers FC. Meðan Fremad Amag- er stríðist fyri at sleppa undan niðurflyting, stríðist Randers FC um at fáa annað uppflytingarplássið frá Horsens. Johan B. Hansen er fastur maður á Horsens liðnum. Tí er tað ivasamt, um tað fer at bera til hjá honum at fara burturfrá, tá ið so týdningarmikil landskapp- ingardystur verður á skránni. Hjá hinum spælar- unum í donsku kappingini verður talan ikki um trupulleikar. Jákup á Borg og OB og superligan gera burturav sær mitt í mai, tí danska landsliðið skal til Portugal at luttaka í EM endaspælinum. Og tað verður um reppið, at teir í Fremad Amager vera lidnir at spæla, tá ið føroyska ferðalagið hvítusunnudag millumlendir í Kastrup – um teir tríggir fara at sleppa upp í part ímóti Randers. Orsakað av landsdystin- um í Sveis er føroyska landskappingin løgd so- leiðis, at eitt umfar í 1. deild er á skránni hvítu- sunnuaftan, meðan 2. deild spælir 2. hvítusunnudag. Hetta hevur við sær, at tað fer at bera til hjá lands- liðnum at fara av landinum hvítusunnudag. Einki hóvasták Tá ið vit tosaðu við Henrik Larsen, landsliðsvenjara, um henda spurningin, hevði hann ikki sett seg í samband við útisetafeløgini fyri at frætta, um tey vóru sinnað at lurta eftir ynskin- um, sum FSF hevði sett fram í brævinum, sum teir sendu fyri fleiri vikum síðani, og tað segði hann seg heldur ikki ætla at gera. Tá ið vit í fyrradagin spurdu okkum fyri á FSF umsitingini, hvat teir vistu um vánirnar fyri at fáa útisetarnar við til Sveis, upplýsti Ísak Mikladal, FSF aðalskrivari, at lands- liðsvenjarin hevði fingið boð um at fylgja skrivinum til útlendsku feløgini upp. Tað vil við øðrum orðum siga, at tað varð roknað við, at Henrik Larsen, soleiðis sum landsliðsvenjarar ofta plaga at gera, skuldi seta seg í samband við feløgini fyri at tosa við tey um at geva føroysku spælarunum loyvi at sleppa burturfrá. Venjarin ásannaði, at talan kundi gerast um ein trupulleika, men hann helt seg ikki kunna gera nakað annað, tí 1. juni er ikki dag- ur, sum av UEFA og FIFA er avsettur til landsdystir. Eftir at vit hava verið í sambandi við Julian Johns- son, kunnu vit staðfesta, at tað tykjast vera vánir fyri, at trupulleikin ikki verður so stórur. Um Henrik Lar- sen megnar at sannføra venjaran hjá AC Horsens, Kent Nielsen, sum hann hevur spælt saman við á danska landsliðnum um, at tað hevði verið eitt gott hugskot at latið Johan B. Hansen fara við føroyska landsliðnum suður í Alp- urnar at renna aftaná Nistelrooy, so eru vánir fyri, at føroyska manningin verður so fræg, sum tað ber til, tá ið Christian Høgni Jacobsen og Jón Rói Ja- cobsen ikki eru tøkir. At spælararnir í Fremad Amager ikki fáa so nógva dystarvenjing, sum teir áður hava fingið, heldur Henrik Larsen ikki vera so stóran trupulleika. – Eg havi áður sagt, at bestu liðini í føroysku kappingini ivaleyst høvdu megnað at hildið seg mið- skeiðis í næstbestu donsku deildini. Um Hjalgrím ikki fer at spæla meiri á besta liðnum, enn hann hevur gjørt síðstu tíðina, so verður hann ikki so væl fyri. Men eg haldi ikki, at hetta er so stórur trupul- leiki, at hann ikki skal við til Sveis. Hann og hinir í Fremad Amager venja ofta á grasi, og eg rokni við, at Jákup á Borg er betri fyri, enn hann nakrantíð hevur verið, nú hann einar sjey ferðir um vikuna venur saman við teimum bestu í OB og kanska fer at fáa møguleikan á besta liðnum, áðrenn kappingarárið verð- ur liðugt, sigur Henrik Larsen. Íslendingarnir rokna við at fáa frí 270 krónur fyri at síggja fronsku stjørnurnar Julian Johnsson heldur góðar møguleikar vera fyri, at hann og hinir útisetarnir í Íslandi vera við, tá ið Føroyar fara at spæla vinardyst ímóti Hollandi Um tað ber til nú beinanvegin at leggja 750 krónur á borðið, so ber til at rinda minni fyri hvønn EM undankappingardystin á heimavølli, enn tað skal gerast, um rindað verður við dyrnar C M Y K 20