hósdagur 4. juli 2013síða 15

15 Fríggjadagur 5. juli 2013 · Nr. 76 Sosialurin Hugskot og viðmerkingar – send sms til 225000 nøvn Nú vit skulu festa nøkur orð á blað um ein góðan vin og Harrans vitni, so eru tað so nógv sum kemur fram. Serstakliga eru tað árini í Sørvági í Vágum, tá missi­ ónshúsið og Biohøllin vóru fullsett av fólki, sum komu til Guds orð. Tað var veking í oynni, nógv menniskju upp­ livdu broytingar í lívinum. Her kom heimið hjá Hjørdis og Jørgin Frants at hava stó­ ran týdning, Tað var eitt slag av eini miðstøð. Har var stórt gestablídni, har skaptist okk­ara vinalag. Mong vóru tey, sum leitaðu sær inn til húsmøtini hjá Hjørdis & Jørgin Frants. Ymist nýtt varð roynt í sambandi við páska­ stevnur, eitt nú at vit skuldi marsjera av Bakkanum heim til Biohøllina, har skuldi stevn­an setast. Sigast skal vit vóru ikki mong, sum byrj­aðu úti á Bakka hendan dagin. Flokkurin var rímuliga stórur tá vit komu heim til gamla missiónshúsið. Sum altíð tá nakað nýtt skal royn­ ast er støðan tann, at nøkur eru fyri og nøkur eru ímóti. Hjørdis var posi­tiv við tað sama, Jørgin Frants gjørdi plakatir og syrgdi fyri, at tað praktiska fun­geraði. Tá tú nevndi Hjørd­is, so lá tað í luftini, at tú nevndi Jørgin Frants eisini. Tey stóðu sam­an í at peika á Jesus og at virka fyri Hann. Tá ið heitt varð á tey um at luttaka við møtir og stevn­ ur var svarið játtandi. Vit minn­ast við tøkk teir mongu vitnis­burðar og teir sangir Hjørdis og ”Liba­non­syst­rar­ nar” góvu okkum við páska­ stevnur og møtir undir heit­inum “Kristus er Svarið” ymsa­staðni í landinum. Somu­leiðis vóru tey aktiv í tjald­møtinum við Leynavatn og Gøtueiði. Handilslívið kom at fylla nógv hjá Hjørdi. Jørgin Frants og hon vóru tey leið­arar á deildinum hjá Lita­val á Suðuroynni og í Eystur­oynni. Her brúktu tey nógv av sínum góðu evnum at umgang­ast fólk og at hava nøgdar kundar. Hjørdis var ikki bangin fyri at taka fatt, tá Valdmar byrjaði sum bakari og hand­ ils­maður í Vágunum í høli­ num hjá “Løve”Niclas. Í hes­u­m trongu umstøðum bleiv bæði bakað og handlað. Her var Hjørdis ein av teimum, sum tók fatt saman við fa­milj­uni hjá Valdemar Simon­sen. Ein góður vinur hjá okk­ um plagar at sitera við slík­ar løtu: Vin­ir fækkast Jesus livir. Av sonnum kann sigast og við afturlítan, at vinaflokkurin er minkaður. Tey eru mong, sum eru flutt inn í dýrdina til tann Jesus, sum hevur gjørt bústað til reiðar, Johs 14 1-2. Góðu Jørgin Frants, Jógv­ an, Regin og Annika við familj­um. Nú hevur hondin slept, sum mangan fjálgaði um tykkum. Røddin er tagn­ að, sum mangan uggaði og troystaði tykkum, og sum bar tykkum eitt orð um Jesus. Vit hava samkenslu við stóru sorg tykkara. Vit vilja við hesum orðum lýsa Guds frið yvir minnið um Hjørdis Jørgensen. Ingibjørg og Thomas Juul Minningarorð um Hjørdis Jørgensen, Sørvági f. 30. juni 1947 d. 21. juni 2013 Føðingar 10. juni fingu Borghild Simonsen og Robin Kjeld, Gøtugjógv, ein son. Hann var 55 langur og vigaði 3940 gr. 12. juni fingu Sigrid Olsen og Súni F. Olsen, Strondum, ein son. Hann var 53 cm langur og vigaði 3620 gr. 14. juni fingu Beinta Vasquez L-Rasmussen og Terji Hjaltalin á Kamarinum, Tórshavn, eina dóttur. Hon vigaði 3400 gr og var 51 cm long. 18. juni fingu Hanna og Lars Müller, Tórshavn, ein son. Hann vigaði 3590 gr og var 53 cm langur. 20. juni fingu Rannvá Thomsen og Knút Vesturtún. Kambs­ dali, ein son. Hann var 55 cm langur og vigaði 4470 gr. 21. juni fingu Anja Haraldsen og John Gudmundsen, Sør­ vági, hava fingið eina dóttur. Hon vigaði 3980 gr 53 cm long. 25. juni fingu Beinta Klakstein og Rani Baldursson ein son og Hóri ein lítlabeiggja. Hann vigaði 3430 gr og var 52 cm langur. Tey búgva í Klaksvík. Tøkk Vit takka hjartaliga øllum, sum sýndu samkenslu og hjálptu, tá okkara kæra mamma, omma og langomma Magna í Stórustovu andaðist og fór til gravar. Vit takka fyri kransar, blómur og køkur. Vit takka presti fyri eina sera vakra gravartalu. Vit takka eisini starvsfólkunum á Miðstovuni á Lágargarði fyri røkt og umsorgan tey trý árini, hon búði har. Oddvør, Herman og Carl Johannes við familjum Tøkk Stóra tøkk tit mongu,s um komu í mín 90 ára føðingardag, bæði í bygd og av bygd. Eisini stóra tøkk fyri allar heilsaninar og góða hjálp. Bestu ynski Óluva Durhuus Petersen á Mørk, Vestmanna Tøkk Eg vil takka øllum tykkum, sum við vitjan, gávum og á annan hátt, gleddu meg á mínum ferm­ingar­degi. Vinarliga Sonni Mikkelsen