mánadagur 15. juli 2013síða 8

Mánadagur 15. juli 2013 · Nr. 80 8 Sosialurin Hugskot og viðmerkingar – send sms til 225000 Skuldsettur fyri Tann 18 ára gamli maðurin, sum stakk fýra fólk við knívi í Norðdepli í gjáramorgunin, er skuldsettur fyri at hava roynt at drepa eitt ungt par, sum hann fór inn til sunnumorgunin. Áki Bertholdsen Maðurin var førdur fram í grundlógaravhoyring í Føroya Rætti í gjárkvøldið, har hann var varðhalds­ fongslaður í smáar fýra vikur fram til 9. august. 18 ára gamli maðurin hevði ballast alla náttina, og at ókendari orsøk var farin inn í eini hús, har hann eftir øllum at døma hevði ætlanir um at drepa eina unga kvinnu. Svágur hennara var eisini í húsinum og vaknaði av ganginum, men tá hann skuldi koma gentuni til hjálp­ ar, var hann eisini álopin av illa manninum. Hann stakk og skar tann unga mannin ikki færri enn 17 ferðir ymsastaðni á kroppi­num, eitt nú í hálsin, búkin, ryggin, pannuna, økslina og aðrastaðni við. Somuleiðis varð tann unga kvinnan stungin og skorin tvær ferðir í hálsin og í ryggin. Hann er nú skuldsettur fyri drápsroynd ímóti hesum báðum. Tey bæði tóku til rým­ ingar undan manninum og runnu einar 50 metrar yvir til ommu og abba tann unga mannin. Elti tey Men gerningsmaðurin elti tey heilt inn á kamarið, har omman og abbin lógu og svóvu. Hann legði eisini á tey við knívi og stakk og skar abban tríggjar ferðir í búkin og í síðuna og omman skorin í andlitið og í armin. Av tí sama er hann skuld­ settur fyri harðskap av ser­ liga grovum slagi ímóti abba­ num og ommuni. Tey vórðu øll fýra flutt á Klaksvíkar Sjúkrahús og eru uttanfyri lívsvanda, men tey høvdu mist nógv blóð. Gerningsmaðurin fór aftur av húsum og varð eina løtu seinni handtikin uttan hóvasták í Hvannasundi. Rætturin gjørdi av, at mað­urin skal varðhalds­ fongslast í slakar fýra vikur, til fríggjadagin 9. august. Hesa tíðina skal løgreglan brúka at kanna málið og at avhoyra fólkini, sum vórðu álopin og vitni í málinum.