mánadagur 15. juli 2013síða 9

9 Mánadagur 15. juli 2013 · Nr. 80 Sosialurin Hugskot og viðmerkingar – send sms til 225000 drápsroynd Knívurin ikki funnin Politiið hevur havt froskmenn niðri at leita eftir knívinum, sum 18 ára gamli maðurin nýtti at stinga tey fýra fólkini við Leo Poulsen Sjálvandi hevði tað verið best, um vit funnu knívin, men sakin stendur og fellur ikki við knívinum, tí har er so nógv annað at ganga eftir. Tað sigur Bergleif Brim­ vík, kriminalovasti. Teir hava havt froskmenn at leita fram við landi, og teir hava leita við hundum uppi á landi, men enn er knívurin so ikki funnin. Tað bleiv sett referat­for­ boð í rættinum til grund­ lógaravhoyringina, og av tí sama fær Bergleif Brimvík ikki sagt so nógv um kann­ ingnarnar. Vit hava góðar vónir um at finna knívin, tí tað eru nógv støð enn at leita, sigur Bergleif Brimvík. Politiið ger framhaldandi sínar kanningar, og nøkur fólk eru eftir at avhoyra. Vit hava ikki fingið av­ hoyrt offrini enn, so tað verður gjørt í dag ella ein av komandi døgunum. Tað bar jú ikki til at avhoyra fólkini í gjár. Tað eru eisini onnur vitni, ið ikki eru avhoyrd enn, sigur Bergleif Brimvík. Biðið er um eina mental­ kanning, og hon tekur sína tíð at fáa avgreitt. Tað ber ikki til at siga, nær kanningarnar verða lidnar. Men tá vit eru lidnir at kanna málið, verður tað lagt fyri juristarnar til víðari av­ greiðslu, sigur Bergleif Brim­- vík. Ókent motiv Ungi maðurin hevði eftir øllum at døma sæð seg illan inn á ungu gentuna í húsunum, tí hann var farin innar í hennara kamar fyrst Leo Poulsen 18 ára gamli maðurin, sum tíðliga sunnumorgunin fór inn í eini hús í Norðdepli, hevði eitthvørt mál at taka upp við ungu gentuna. Í somu húsum lá eisini svágurin hjá gentuni og svav, og tað var hann, ið kom henni til hjálpar. Tað er ikki heilt greitt, hví ungi maðurin válaði í einum slíkum blóðrúsi hendan sunnumorgunin, men sum skilst fleyt alt í blóði. Tað er ikki greitt, hvat ungi maðurin segði í grundlógaravhoyrinum, tí dóm­ arin setti referatforboð. Tað ber tí heldur ikki til hjá verjanum hjá unga manninum, at gera viðmerkingar til hvørki motiv ella annað. Álopna gentan er ógvuliga ung, helst á nakað sama aldri, sum 18 ára gamli maðurin, ið nú er skuldsettur fyri drápsroynd. Ungi maðurin, sum var álopin, er bróður at unnustanum hjá gentuni, og altso svágur hennara.