mánadagur 15. juli 2013síða 16

Mánadagur 15. juli 2013 · Nr. 80 16 Sosialurin Hugskot og viðmerkingar – send sms til 225000 ítróttur setanin setanin skjótt avgreidd Hesaferð var Heri Simonsen Til mangar oyggjaleikir hev­ ur sjálv setanin verið alt í verðini ov lang, har alilangar røður skulu haldast. So­ leið­is gjørdist tíbetur ikki hesa­ferð, har røðarnir, altjóða oyggjaleikaforsetin, Jørgen Petterson, forsætis­ mála­ráðharrin á Bermuda, Craig Cannonier, og bretski guvernørurin á Bermuda, George Fergusson hildið stuttar, og til tíðir eisini stutt­ligar røður. Góðar trummu­framførslur, dansi­ fram­førslur og sangur gjørdu eisini sítt til at lívga ítróttar­fólkini og áskoð­ araranar, sum vóru komnir til setanina. Setanin endaði við einum sera hugtakandi og dundrandi fýrverki. Margit G. Joensen, flogbóltsspælari bar flaggið, og Aron Jacobsen, fimleikari bar krukkuna við tí føroyska sjógvinum, sum hesaferð skuldi stoytast í ein bermudianskan bát. Setanin fór fram á tjóðar­ leikvøllinum hjá Bermuda, har kappingarnar í frælsum ítrótti fara fram. Føroysku ítróttarfólkini sóast og hoyrd­ ust væl til setanina, sum vónandi verður ein fyrimynd fyri setanir framyvir, so ein sleppur undan ov nógvum og tungum røðum, sum merktu setaninar í farnum døgum. heris@sosialurin.fo