mánadagur 15. juli 2013síða 15

15 Mánadagur 15. juli 2013 · Nr. 80 Sosialurin Hugskot og viðmerkingar – send sms til 225000 ítróttur fimleikur Fyrsta liðgull nakrantíð Bronsa til kvinnurnar Liðkappingin í mansfimleiki hevur aloftast staðið millum Isle of Man og Føroyar, men ikki fyrr enn í gjár eydnaðist føroysku fimleikarunum at gera bart og vinna gullið framman fyri Isle of Man Hilmar Jan Hansen – Aftan á gólvið vóru vit eitt sindur í iva um, um vit rukku allan vegin. Men eg haldi, at lopið trekti okkum upp, tí har gekk betur enn á gólvinum, og so kundu vit at enda fegnast um at vinna bronsu, sigur Fríðhild Reinert Norðgerð. Saman við Biritu Poulsen, Anitu Sigmarsdóttir Davidsen, Eydnu Eivindardóttir Danielsen og Katrin Sólrunardóttir Wardum vann hon í gjár bronsu í liðkappingini hjá kvinnum í fimleiki. Kappingin var á gólvi og í lopi, og føroysku kvinnurnar fingu 93,450 stig, sum gav bronsu. Isle of Man vann gull við 101,500 stigum og Bermuda vann silvur við 98,650 stigum. – Tað er púra vist, at vit eru fegnar um bronsuna, tí eftir at vit vunnu gull síðst, er støðið hækkað so nógv. Ein stór broyting er, at reglugerðin er broytt, so nú skal man gera alt tað, sum man klárar, og har eru vit ikki líka sterkar sum Isle of Man og Bermuda, ásannar Fríðhild. – Men vit fara so at royna at fáa onkur heiðursmerki í FIG-kappingini, tí har fara vit at satsa eitt sindur. Og í bundnu kappingini fingu vit fleiri heiðursmerki síðst, so tað vóna vit aftur hesaferð. hilmarjan@sosialurin.fo Hilmar Jan Hansen Bogi Berg, Øssur Debes Eiriks­foss, Olivur Debes Eiriks­foss og Jóni Brandsson Christiansen vóru við til at skriva fimleikasøgu, tá teir í gjár við 76,050 stigum megn­ aðu at tryggja Føroyum gullið í liðkappingini framm­ an fyri Isle of Man, sum aloft­ast er farið avstað við lið­gull­inum hjá monnunum, men hesaferð »bara« fekk 75,000 stig og silvur. – Tað gekk sum væntað, tí vit fingu gullið, og tað var tað, vit fóru eftir. Vit sóu, at teir frá Isle of Man, sum eru okkara størstu kapp­ingar­ neytar, vóru væl fyri, men vit gjørdu okkara besta og vóru tí betri enn teir, sigur Olivur Debes Eiriksfoss, sum enntá sjálvur annar av gull­ vinnarunum kemur úr sama húsi, tí hann og Øssur Debes Eiriksfoss eru beiggjar. – Alt gekk næstan perfekt hjá okkum, so einki var at seta fingurin á, og tað bleiv munurin á okkum og Isle of Man. Enn eru fleiri kappingar eftir, og eg síggi ljóst upp á næstu dagarnar. Vit vóna, at vit fáa onkur heiðursmerki aftrat, so hetta ikki verða tey einastu, vit nú hava vunnið. Eins og hjá kvinnunum, kappaðust menninir í lopi og gólvi, men her vóru marginal­ arnir á føroysku síðuni, so søguliga gullið kundi fáast til høldar í kók­andi heitu høllini í National Training Centre í St David’s har norðuri á Ber­ muda. Góðar vónir víðari – Hetta er gott at leggja út við, nú vit síggja, at íðkar­ ar­nir eru so væl fyri. Hetta er øgiliga gott, og vit eru øll ótrúliga glað fyri hetta gullið, sigur Rósing Dam, sum er ferðaleiðari hesaferð, men sjálvur fleiri ferðir hevur verið við á oyggjaleikum sum fim­leikari. – Menninir vóru ikki trygg­ir í at vinna, fyrr enn alt var liðugt, tí kappingin frá Isle of Man var hørð. Men tað var væl uppiborið, at Føroyar vunnu, tí tað gekk væl hjá fim­leikarunum, ið koyrdu tað heim. Rósing hevur sum heild góðar vónir fyri kappingini víðari hjá bæði kvinnum og monn­um, tí har eru nógvir góðir fimleikarar. – Eg vænti, at í FIG-kapp­ ingini, har einki mark er fyri, hvussu torført tað kann vera, fara at koma nógv heiðurs­ merki aftrat, ikki minst hjá monn­unum, sigur hann, meðan hann turkar sveittan av pannuni. – Nú havi eg ofta hoyrt, at tað er torført at sita á síðu­linjuni, og tað kann eg skriva undir uppá, tí hetta var øgiliga strævið. Eg havi siti fullur í nervum og hugt at, so hetta er garrvilt. hilmarjan@sosialurin.fo Mansliðið í fimleiki hevur millum ár og dag vunnið nógv heiðursmerki, men í gjár eydnaðist altso fyrstu ferð nakrantíð at vinna gull í liðkappingini Fimleikakvinnurnar fóru eftir bronsuni og fingu hana, men tær hava góðar vónir um at vinna enn fleiri heiðursmerki næstu dagarnar