mánadagur 15. juli 2013síða 18

Mánadagur 15. juli 2013 · Nr. 80 18 Sosialurin Hugskot og viðmerkingar – send sms til 225000 kappróður Spógvin hjá Kappróðrarfelagnum NSÍ vann kappingina millum gentubátarnar í barnaróðrinum. Hetta var fyrsti sigurin hjá Spógvanum í ár, og hann er triði báturin, sum vinnur hesa kappingina. Títlingur vann á norðoyastevnu, Fípan Fagra vann á sundalagsstevnu, fjarðastevnu, jóansøku og varmakeldu, og nú vann Spógvin, sum var nummar tvey á varmakeldu. Spógvin var eina bátslongd frammanfyri Títling, ið vann sera tætta kapping um silvurplássið við Fípuna Føgru. Formaðurin í størsta felagnum heldur, at kappróðurin er við at avhøvda seg sjálvan, og formaðurin í Róðrarsambandinum ásannar, at gongdin síðstu tíðina er undirstriking av, at nú eigur tað at verða hugsað um sjálvan kappróðurin og ikki alt annað Jóannes Hansen Kappróðrarárið 2013 er komið so mikið langt, at nú er bara finalan á ólavsøku annan sunnudag eftir. Seinastu ferðirnar hevur tað ikki gingið væl við róðrunum. Tað var ikki gamalt at kapprógva um kvøldarnar, men soleiðis hevur tað verið tvær tær seinastu ferðirnar. Klokkan var farin av hálvgum níggju, tá ið 10-mannaførini fóru um málið á varmakeldustevnu í Fuglafirði næstsíðsta sunnu­ kvøld, og leygarkvøldið var tað eisini komið væl út á kvøldið, tá ið 10-mannaførini komu á mál í Sørvági. Eyðun Petersen er for­ maður í Kappróðrarfelagnum NSÍ. Hetta er felagið, sum hevur eina flest og kanska flestar manningar í hesum róðrarárinum. Formaðurin sigur seg hava eina greiða kenslu av, at um gongdin framvegis verður tann, sum hon hevur verið seinastu ferðirnar, so er kappróðurin við at avhøvda seg sjálvan. – Vit eru í kapping við aðrar ítróttargreinar og so nógv onnur frítíðartilboð. Um tey, sum brúka stór­an part av árinum at fyrireika seg til kappingar kenna, at karmarnir og fyrireik­ing­ar­ nar als ikki liva upp til tað, sum tað í dagsins samfelag eigur at verða roknað við, so tíma tey ikki meir, og sam­ stundis verður tað ógvuliga torført at fáa nýggjar rógv­ arar at bjóða seg fram. So her er neyðugt at taka annað skinn um bak og tað bein­ anvegin. Hvat hugsar tú um? – Eg hugsi um at fáa skil á karmunum soleiðis, at teir eru í samsvari við áhugan fyri at rógva, og eg hugsi um formligu ásetingarnar. Í tí fyrra førinum snýr tað seg um í hvørjum økjum kapp­ róðurin skal vera. Her er neyðugt at rætta upp á tingini. Í ár hevur tað verið soleiðis, at annar hvør róður hevur verið á plássum, har feløgini, sum hava havt ábyrgdina av at fyriskipa, als ikki hava luttikið í róðrinum. Fjarðastevna var á Skála, sundalagsstevna var í Hval­ vík og nú var vestanstevna í Sørvági. Felags fyri hesi trý plássini er, at tey ongan bát høvdu við í kappróðrinum. Tað sigur nakað um áhugan fyri róðrinum. Tey hava í fleiri ár vitað, at kappróðurin fór at vera hjá teimum í ár, men kortini hevur tað ikki borið teimum til at bjóða seg fram. Men tey kunnu vera eins góð at fyrireika fyri tað? – Tað er møguligt, men tíðir broytast, og í Sunda­ lagnum høvdu tey stóran bátafestival stutt framman­ undan sundalagsstevnuni, og í Sørvági hava tey fyri stuttum havt country­festi­ val. Leygardagin spældi veðr­ ið ikki við, men tað var heilt týðuligt, at felagið og bygdin als ikki vóru før fyri at taka ímóti FM kappróðri. Fasili­ tetirnir á landi vóru ikki, sum teir skuldu vera, fyrireik­ ingarnar vóru ikki sum tær skuldu vera á landi, og fasti starturin var ikki, sum hann skuldi vera. Veðurforsøgnin var ikki góð, men tíðliga seinnapartin var veðrið betri, enn tað var fráboðað. Tí átti tað at verið hildið fram við FM róðrunum beinanvegin, eftir at barnaróðurin var liðugur. At tað so var fasti starturin á 500 metrum, sum skuldi flytast út á 1000 metrar, og at tað so var neyðugt at leggja hann í tveimum umførum, var or­ søk til, at hetta var ein kapp­ róður, sum á ongan hátt kveikti undir áhugan millum rógvarar og áskoðarar, sigur Eyðun Petersen, formaður í Kappróðrarfelagnum NSÍ, sum leggur aftrat, at sør­v­ing­ ar løgdu ikki tað í fyri­reik­ ingarnar, sum tað eigur at vera væntað, og RSF livdi á ongan hátt upp til sínar skyldur, tá um eftirlit, fyri­ skipan og atgerðir ræður: – Vóru fyrireikingarnar upp á pláss, var róðurin liðugur, áðrenn illveðrið kom (tað var jú væntandi sambært forsøgnunum), og tá so illveðrið kom, so bleiv ikki tikið atlit til ítróttina, annað enn, at man fór ikki útum 1000 metrar. RSF má geva eina frágreiðing, so vit skilja, hvussu tað ber til at koma í hesa støðuna yvirhøvur, sigur Eyðun Pet­ ersen, sum rósar teimum báðum monnunum, sum í nógvar tímar royndu at fáa tað at bera til inni við dráttin Kappróðurin skal endavendast ítróttur