týsdagur 16. juli 2013síða 29

29 Mikudagur 17. juli 2013 · Nr. 81 Sosialurin Hugskot og viðmerkingar – send sms til 225000 ítróttur Triathlon/badminton Silvur í tí nógva hitanum Sannførandi bronsusigur í badminton Talan gjørdist um eina norðuratlantiska sigursgongu í triathlon í tí nógva hitanum á Bermuda. Orknoyggjar, Føroyar og Hetland fóru avstað við heiðursmerkjunum í kappingini hjá monnunum. Guðmundur Joensen vann silvur, aftaná eitt megnaravrik Aftaná eina harða hálvfinalu ímóti Guernsey í badmintonkappingini fyri lið, megnaði føroyska liðið at vinna seg uppaftur í bronsudystinum, og harvið tryggja okkum fyrstu heiðursmerkini í badminton. Bæði spælararnir og venjarin ætla sær fleiri heiðursmerki Heri Simonsen Mangan hevur tað verið ein undanførsla hjá ítróttarfólki frá teimum norðaru lond­ unum, at tað er ringt at standa seg í nógvum hita. Men hetta gjørdu Bobby Oag úr Orknoyggjum, Guð­mund­ ur Joensen úr Føroyum og Peter Fenwick til skammar, tá teir á Clearwater Beach vunnu ávikavist gull, silvur og bronsu í triathlon. Hjá kvinnunum var tað Kerry McPhee úr Hebridunum, sum vann gull, Lynsey Hen­ derson úr Hetlandi vann silvur, og Laurie Orchard úr Bermuda vann bronsu. So­ statt vunnu teir “køldu” oyggja­bólkarnir í norður­ høvum fimm av teimum seks heiðursmerkjunum fyri ein­ staklingar, og tað er merkis­ vert. Men, sum ein áskoðara segði so klókt, tá kappingin var liðug: - Eingin ferðast so langt, bara fyri at tapa. Sá gott út tíðliga. Tað sá tíðliga gott út hjá Gudmundi Joensen. Longu aftan­á svimjingina í sjónum var hann nummar trý, og tað gekk væl at skifta yvir til súkklingina. Tó var tíðliga greitt, at Bobby Oag, sum hevur staðið seg væl í kappingum í Norður-Skot­ landi fór at gera ein ordans vørr. Bobby Oag helt eina góða frástøðu gjøgnum alla kappingina, men sigast má, at hann legði nógv fyri. Tá hann kom á mál var hann fullkomuliga fyrilagstur. Sjáld­an hevur ein sæð so fegnar áskoðarar, sum á­ skoðararnar hjá Orkn­oyggj­ um, tá Bobby Oag. Onkur teirra segði, at talan varð um ta størstu ítróttarhendingina á Orknoyggjum nakrantíð. Heiðursmerki var tíðliga víst Evald Rasmussen, venjari hjá Gudmundi Joensen og David Arge Klevang Pedersen gjørdi tíðliga greitt, at vit skuldu ikki droyma um gull, tí Bobby Oag var strokin undan hinum. Guðmundur og Peter Fenwick stríddust hinvegin rættiliga leingi hart um silvurheiðursmerki. Tó var rættiliga tíðliga víst, tá mennirnir høvdu skift súkkluteinin út við renniteinin, at Chris Walker úr Gibraltar, sum er vanur við nógvan hita fór ikki at standa monnunum úr norðurhøvum kurl, og tí vistu vit tíðliga í renningini, at Guðmundur fór at fáa eitt heiðursmerki. Seinastu løtuna megnaði Gudmundur at stríða seg framum Peter Fenwick, og endaði á øðrum plássi við tíðini 2 tímar, 1 minuttur og 17 sekund, 14 sekund framman fyri Peter Fenwick, men kortini 1 minutt og 13 sekund aftanfyri Bobby Oag, sum legði nógv fyri at vinna kappingina. Stór framgongd Evald Rasmussen helt fyri, aftaná lokna kapping, at ein kundi bara fegnast um ta stóru framgongdina hjá Gudmundi Joensen. Gud­ mundur hevur flutt seg frá einum 16. plássi á leikunum á Isle of Wight í 2011 til eitt annað pláss í 2013. Evald Rasmussen var eisini nøgdur við avrikið hjá Davidi Arge Klevang Pedersen, sum fekk eitt heiðurligt 25. pláss. 45 íðkarar vóru við til kapp­ing­ ina, og fimm teirra megnaðu ikki at fullføra teinin í tí nógva hitanum. Gudmundur sjálvur var fegin um ta stóru framgongdina, og hann úti­ hýsir ikki, at silvurheiðurs­ merki gevur honum brell at fara eftir gullheiðurs­merki­ num á oyggjaleikunum, sum verða á Jersey í 2015. Gud­ mundur undirstrikar, at utt­ an eitt gott bakland, konu, børn og familju annars, sum hava verið noydd at rætta seg eftir honum ið mati o.ø., so hevði tað ikki verið møguligt at rokkið einum so góðum úrsliti. Gudmundur undirstrikar eisini, at Evald Rasmussen hevur havt stóran týdning fyri, at hann nú hevur rokkið einum so flottum úrsliti. Gudmundur heldur ikki, at tað ikki er so óvæntað, at menn frá oyggj­ unum við teimum kaldaru veðurløgunum stóðu seg so væl í kappingini. Menn frá økjum við køldum veðurlagi eru eyka fyrireikaðir uppá at drekka nógv vatn, og laga seg til umstøðurnar, undirstrikar føroyski silvurvinnarin. Heri Simonsen Tað gekk rættiliga skjótt og væl í bronsudystinum ímóti vertstjóðini, Bermuda mána­ kvøldið. Rannvá Djurhuus Carlsson legði fyri í ein­ mansleiki hjá kvinnum, har Rannvá vann 2-0 ímóti Emmu Calow. Settmunurin var 21-13 og 21-9. Næstur á pallin var Niklas Eysturoy, sum í einmansleiki dystaðist ímóti Rohan Pai. Niklas var eisini sannførandi, og vann eisini 2-0. Settmunurin var 21-11 og 21-10. Fyrsta settið gjørdist spennandi Triðji dysturin var dysturin í tvímansleiki hjá monnum, har Niklas Eysturoy og Flóvin Skaalum Mikkelsen møttu Rohan Pai og Michael Palmer. Rohan Pai og Michael Palmer tóku Niklas og Flóvin á bóli í tí fyrra settinum. Støðan var bæði 19-19, 20- 20 og 21-21, og tað reið um snarið. Men lukkutíð koppaði settið til Niklas og Flóvin, sum vunnu fyrsta settið við 23-21. Niklas Eysturoy greiddi frá aftaná dystin, at teir fingu rætta uppá nøkur ting til tað seinna settið, og tað sást eisini aftur, tí seinna settið endaði 21-10 til Niklas og Flóvin, og harvið við var bronsan heima við einum sannførandi 3-0 sigri. Ætla sær fleiri heiðursmerki Landsliðsvenjarin, Nandi fegnaðist um bronsuna, serliga sæð í ljósinum av, at liðið hevði havt eina strævna hálvfinalu ímóti Guernsey. Nandi hevur góðar vónir um, at føroysku badminton spælararnir kunnu vinna heiðursmerki í einmansleiki og í tvímansleiki. Serliga góðar vónir hevur hann til Niklas Eysturoy og Rannvá Djurhuus Carlsson. Niklas Eysturoy helt fyri, aftaná dystin, at bronsa var í lagi, sæð í ljósinum av, at føroyska liðið hevði tapt nakrar tættar dystir ímóti Isle of Man og Guernsey. Sjálvur fer hann at gera sítt ítarsta fyri, at Føroyar kunnu vinna okkurt heiðursmerki aftrat í badminton. Myndir: Eydbii Myndir