týsdagur 16. juli 2013síða 33

2013 Útlit eru til nógv fólk á G! Á G! Festivalinum í fjør hendi tað, at nøkur stór nøvn ikki sluppu heim til Føroya, tí flogferðslan legðist lamin av ringum líkindum í Vágum. Tað er ikki fyrstu ferð, at slíkt hendir, og soleiðis hevur eisini verið okkurt árið, tá skipað hevur verið fyri Summarfestivali í Klaksvík. Tað er næstan ógjørligt at byrgja upp fyri, at slíkt hendir, tí veðrið má sær sjálvum ráða. – Vit fegnast um tey góðu veðurútlit, sum eru til vikuskifti við lýggjum, turrum og góðum sólveðri - ja, tað ljóðar mest at kalla, sum vit fara at fáa eina hitabylgju, har hitastigini fara at nærkast teimum 20. Betri skotbráð Jón Tyril sigur, at tey eisini hava roynt at skipað soleiðis fyri í ár, at kendastu nøvnini, sum koma úr útlandinum, koma í betri tíð enn onkuntíð áður. – Vit kunnu siga, at tað er betri ”luft” í skránni í ár enn undanfarin ár, og saman við góðu veðurútlitunum eru øll tekin í sól og mána um, at vit - og allir gestir okkara - hesaferð fara at hava eydnuna við okkum. Jón vísir á, at G! Festivalurin hevði sína bestu forsølu í fjør, men forsølan í ár táttar í søluni í fjør. – Jú, hetta teknar seg sera væl, og vit gleða okkum til stóra tiltakið, sum eisini hevur fleiri nýggj ting við í ár, sum ikki hava verið áður. Hjartaliga vælkomin Jón Tyril sigur, at talið av gestum á G! Festivalinum plagar at liggja um eini 5.000-6.000, tá øll eru tald við, og hann ivast onga løtu í, at soleiðis verður eisini hesaferð. – Nú veðurútlitini eru so serstakliga góð, vænta vit, at nógv atgongumerki verða seld við dyrnar, og vit bjóða øllum - bæði nær og fjar - hjartaliga vælkomnum til bygdar, sigur Jón Tyril, sum leggur aftrat, at fyrireikingarnar til G! Festivalin ganga upp á stás. Jón Tyril fegnast um, at veðurútlitini eru serstakliga góð til festivalin í vikuskiftinum. – Hesaferð verður tað eisini soleiðis, at kendastu nøvnini úr útlandinum koma fyrr heim til Føroya, soleiðis at vandin fyri broyt­ingum í skránni verður munandi minni Sosialurin Juli 2013 18.-20. juli Fotografur Kristfríð Tyril/ momo