týsdagur 16. juli 2013síða 34

Sosialurin Juli 2013 2 18.-20. juli Savna góð minnir saman Borgarstjórin í Eysturkommunu, Jóhan Christiansen, er leirvíkingur, men hevur ættarbond í Gøtu. Konan Elsubeth er úr Kunoy. Tey eiga tvær gentur, 6 og 9 ár, og familjan býr í Leirvík. – Jú, okkum dámar væl at vera á G!, og tað eru eisini bólkar við í ár, sum okkum dámar at hoyra. Tá festivalurin er, vitja vit fólk, sum vit kenna í Gøtu, og síða fara vit gjarna saman oman á festivaløkið, sigur hann. Mong tøk takast Jóhan Christiansen fegnast um góðu veður­útlitini, sum eru til festivalin hesa­ ferð, men hann fegnast ikki minni um, at kommunan eigur fólk, sum við hegni og áræði brúka nógva tíð og orku til tess at fáa hetta stóra tiltak á føtur ár undan ári - vitandi um, at tey eru mong, sum taka tøk, tá so stór tiltøku skulu fyrireikast og fyriskipast. – Vit, sum umboða Eysturkommunu, eru øll fegin um G! Festivalin, sum dregur nógv fólk til bygdar, sigur hann. Stuðla undir Borgarstjórin í Eysturkommunu sigur, at kommunan stuðlar undir G! Festivalin á ymiskan hátt. – Vit lata eisini bygningar til tiltakið, og eitt nú hava tónleikarar búð í dagstovninum við Gjáir í Gøtugjógv, eins og Valhøll í Syðrugøtu líka sum hevur verið ein miðstøð hjá fyriskiparunum, meðan festivalurin er. Jóhan Christiansen sigur, at kommun­ an annars ikki er ein aktivur partur av tiltakinum. – Vit gera tað, sum líka sum er okkara. Vit syrgja fyri fløggum og royna at halda bygdina í nossligum standi, tá teir mongu gestirnir koma, sigur hann. Hjartaliga vælkomin – Sum borgarstjóri vil eg vegna Eystur­ kommunu bjóða øllum hjartaliga væl­ komnum á G! Festivalin. Veðurútlitini eru góð, og vit gleða okkum at síggja gestir í stórum tali úr ymiskum heraðshornum, nú stóra tónleikatiltakið enn einaferð verður í bygdini, sigur Jóhan Christiansen, borgarstjóri. Vælkomin á G! Festivalin 2013 – Vit, sum umboða Eysturkommunu, eru øll fegin um G! Festivalin, sum dregur nógv fólk til bygdar, sigur borgarstjórin, Jóhan Christiansen, sum bjóðar øllum hjartaliga vælkomnum til bygdar Jóhan Christiansen, borgarstjóri