týsdagur 16. juli 2013síða 44

Sosialurin Juli 2013 12 18.-20. juli Barna G! - Ókeypis barnafestivalur øll børn, ið eru tólv ár ella yngri, sleppa ókeypis á G! Festival í ár. Tey fáa eitt vovið armband og fulla atgongd uttan at gjalda. Angela hevur aftur í ár lagt eina spennandi barnaskrá til rættis leygardagin á G! frá kl 12.00. Ponnyríðing er á skrá allar festivaldagarnar, meðan leygardagurin er serliga barnavinarligur. Eitt nú vera vera barnafilmar og verkstøð fyri børn. Eisini vera Beinir,  Jan og Ásbjørn, Rógvi og Vinurin og sjálvandi eisini Angela og Hannibal á Barna G! Spildurnýggir pottar og hitahjallur At renna beint út í frískan sjógv, spela niðan aftur í glóðheita saunatjaldið og síðani seta seg í ein heitan pott. Hetta er mestsum vorðið fast ritual á G! festivalinum. Og festivalgestir kunnu gleðast, tí fýra spildurnýggjar pottar koma at standa á Gøtusandi ístaðin fyri hinar tríggjar, ið fórust í brimi fyri jól. Og í staðin fyri saunatjaldið,  verður tað í ár ein rættilig sauna úr viði, sum fyrireikararnir hava latið byggja. Hitahjall, hava tey valt at kalla nýggju saununa, tí skapið minnir um ein siðbundan föroyskan hjall. Torgið - nýggjur pallur Fyrireikararnir hava lagt stóran dent á at gera ökið hugnaligari at vera á í ár. Hetta er partvíst gjørt við at leggja økið til rættis av nýggjum, flyta sølubásarnar soleiðis at eitt nýtt torg verður skapt millum Estra og hoyggjhúsið við Húsgarð. Á torginum verður ein lítil pallur við ymiskum framførslum, mest við fólkatónleiki. Beduintjaldið - at sleingjast í Eitt annað nýtt tiltak á G! í ár, er Beduin­ tjaldið, sum festivalurin og Hotel Føroyar í felag hava arbeitt við at fáa hendur á. Tjaldið verður útgjørt við arabiskum pútum, teppum, sofum og bæði hóskandi og óhóskandi tónleiki á skránni. Inni og uttanfyri tjaldið er lagað manni at sita ella sleingjast, og útsýni er yvir sandin, pottarnar og nýggja torgið framanfyri Estra. Biografur á G! - Watch that Film Watch that Film er festivalbiografurin, sum sá dagsins ljós á G! seinasta ár. Í ár er mangt forvitnisligt á skránni. Frumsýningar av føroyskum filmum og videoløgum. Sýningar av experi­ menterandi filmum í samstarvi við altjóða filmsfestivali úr Orknoyum Papay Gyro Nights . Arkitektar og handverkarar - Detours Eitt lið av arkitektum og handverkarum er komið til Føroya at byggja festivaløkið har við Torgið og Beduintjaldið. Arbeiðs­ setningurin er at gera tað hugnaligt og skapa sitipláss undir taki og opnum himli. Talan er um Art Detours, sum eisini bygdu ymiskt uttanfyri Grundina í fjør. Hesuferð eru tey enn betur mannað, og komu til landið í betri tíð. Tey byggja innstalatiónir við Beduintjaldið og Torgið. Karmakanonen - vistfrøðiligur tónleikur á hjólum Tað er í sama andanum, at Karmakano­ nen er við á festivalinum. Karmakanonen er eitt DJ kollektiv, sum hava tikið eina umbygda Christiania-súkklu við sær til Føroya. Súkklan er riggað soleiðis til, at hon verður drivin av sólorku og trað­ kiorku. Soleiðis nýtist henni ikki annan streym, enn tað, sum kemur frá sól­panel­ inum og av at traðka í pedalirnar. Tískil kann hendan rullandi ljóðskipanin ella annleggið ferðast runt á festivalinum - frá beduintjaldinum til tjaldingarøkið osfr. Umframt tilhoyrandi DJ-arnar verða eisini forkunnugir føroyskir DJ-ar á skránni sum eitt nú Áðrenn Elvis o.a. Festivalkirkja, drekkamuður og fótatváttur Maria Jørðdal Niclasen, Theodor Eli Dam Olsen, Arni Zachariassen og onnur hava tikið stig til at endurreisa festivalkirkjuna, sum einaferð var fastur táttur á G! Kirkjan, ið er eitt tvörkirkjuligt samstarv, heldur til í hoyggjhúsinum á Dunga. Kirkjan á G! bjóðar m.a. fótatvátt, kaffi, eitt gott prát ella bara at frið og náðir at lata tankarnar reika uppeftir ella inneftir eina lötu. Gudstænasta og kingosangur umborð á Norðlýsinum Leygardagin kl 11 skipar festivalkirkjan fyri fullflaggaðari gudstænastu við altargongd og kingosangi umborð á Norðlýsinum, ið liggur beint útfyri sandin. Öll eru vælkomin til guds­ tænastuna, eisini tey sum ikki hava festival­armband. Bókmentur á G! - Read that Book Kim Simonsen skipar fyri bókmentatiltaki á G! við navnframum føroyskum rit­ høvundum og yrkjarum. Tey, ið lesa upp, eru: Jóanes Nielsen - Alexandur Kristiansen - Sissal Kampmann - Arnbjørn Ólavsson Dalsgarð - Vónbjørt Vang - Oddfríður M. Rasmussen - Daniella Andreassen Onnur tiltök á G!