hósdagur 18. juli 2013síða 23

23 Fríggjadagur 19. juli 2013 · Nr. 82 Sosialurin Hugskot og viðmerkingar – send sms til 225000 ítróttur fótbóltur effo-deildin upptakt Nógvar broytingar í miðverjunum Jóannes Hansen Síðani 28. juni hevur verið friður av landskappingini í fótbólti. Nú fer bólturin á rull aftur í heimligu kapp­ ingini. Seinastu vikurnar hava bestu liðini frá í fjør verið upptikin av europeisku avbjóðingunum. EB/Streymur og Víkingur eru framvegis partur av altjóða kappingunum. Tey skulu í næstu viku spæla á heimavølli – EB/Streymur týskvøldið á Tórsvølli og Vík­ ingur hóskvøldið á Svanga­ skarði. Fyri at geva møgu­ leikar hjá felagsliðunum at fyrireika seg so væl, sum tað á nakran hátt ber til, hevur Fótbóltssambandið gjørt av, at landskappingardystirnir, sum hesi bæði liðini skuldu verið partur av, verða fluttir. Orsaka av hálvfinalu og finalu í steypakappingini og landsdystum er skráin so mikið trong, at dystirnir eru fluttir til mikudagin 18. september. Talan er um EB/ Streym-NSÍ og 07Vestur Vík­ ing. Resta verjuspælarar Í Gundadali verður gamli klassikarin millum HB og KÍ á skránni. Tá ið HB flaggdagin síðstu løtuna vendi hóttandi tapi í Klaksvík í síðstu løtu til 4-3 sigur, kendist tað sum um, at luftin fór úr klaksvíkingum. Síðani tá hevur KÍ bara vunnið eina ferð – á heimavølli ímóti 07Vestur. Tá ið Eyðun Klakstein og hansara menn seinnapartin sunnudagin fara í Gundadal verður tað fyrst og fremst fyri at halda tætt í verjuni. Fyritreytirnar eru ikki tær bestu. Eitt er, at klaks­vík­ ingarnir, sum vóru í Gunda­ dali hóskvøldið, sóu, at HB er sera væl fyri, hóast tað endaði við 1-0 tapi ímóti íslendska ÍBV. Eitt annað er, at KÍ er illa fyri, tá ið tað ræður um miðverjar. Tað er greitt, at talan verður ikki um sáttmála við Andreas Damgaard Jensen, danska spælaran, sum hevur vant í Klaksvík og var við í venjingardystinum ímóti Skála síðsta leygardag (6-2). Jógvan Isaksen er framvegis plágaður av vøddaskaðanum, sum hann fekk undan sum­ marsteðginum, og John Ham­mer er ikki tøkur. Ein­ astu KÍ miðverjarnir eru Sørmund Kalsø og Oddmar Marsten. Hjá KÍ er málverjin Mein­ hard Joensen við aftur eftir leikbann. HB spældi framúr væl fyrsta hálva tíman ímóti ÍBV. Í síðstu løtu misti HB euro­ peiska plássið. Tað var stórt vónbrot, men hetta fer ikki at darva HB í lands­kapp­ ingini: -Vit hava hildið frí í nakrar dagar eftir sera stóra vón­ brotið hóskvøldið. Nú hava vit fokus fult og heilt á landskappingini, har vit fara at arbeiða hart fyri at varð­ veita fremsta plássið og harvið fyri at vinna FM heitið, sigur HB venjarin Oddbjørn Joensen. Hjá HB er Andrew av Fløt­ um tøkur aftur. Miðverjin Gunnar Haraldsen er leik­ bannaður. HB-KÍ: Anders Gjermshus sunnudagin kl. 15.00 Stór kapping í Fuglafirði Albert Ellefsen og ÍF hava ikki mist móti um, at tað skal eydnast at røkka toppinum og at vinna FM heitið. Tað eru sjey stig fram til HB, men tað er áður sæð, at oddaliðið er farið í aldudal. Sunnudagin fær ÍF vitjan av TB, og tað er stór kapping um plássini á ÍF liðnum, eftir at Dánjal á Lakjuni er komin úr Íslandi og Fritleif í Lambanum er komin úr Danmark. Ari Ó. Ellingsgaad er við aftur eftir leikbann, og Poul N. Mikkelsen verður miðverji í staðin fyri Bartal Eliasen, sum er á Bermuda. Jákup Johansen, sum fyri tað mesta hevur verið á beinkinum, er farin aftur til barndómsfelagið á Skála. Hjá TB er setningurin at varðveita plássið í deildini. Fýra tær seinstu ferðirnar hevur tað ikki eydnast at vinna fulla úrtøku. Tá ið ÍF flaggdagin var í Trongisvági, var TB framanfyri 2-0, inntil tað restaðu sjey minuttir. Úrslitið varð 2-2. Hetta er ein av fleiri javnleikum, sum teir í TB iðra seg um, tí teir kenna seg at hava mist á stokkinum. Fleiri av TB spælarunum hava verið burturstaddir í summarfrí, men teir eru tøkir aftur. Í summar hevur TB havt framrættaða Sea­ mus Bartholdy, sum hevur spælt við Brabrand IF í donsku 2. deild vestur, til royndarvenjingar, men tum­ mulin vendi niður hjá Hans Fróða Hansen og tískil er spælarin farin til hús aftur. ÍF-TB: Petur Reinert sunnudagin kl. 15.00 Gott lag á Argjum Eftir einki stig at hava fingið í seks teimum fyrstu um­ førunum, hevur AB rættuliga fóta sær. Burturúr fýra teimum síðstu umførunum undan summarsteðginum var úrtøkan tíggju stig, og nú er ikki so langt frá AB og upp um niðurflytingarstrikuna. Sunnudagin verður granna­ uppgerð uttanfyri ánna ímóti B36, sum AB flaggdagin vann fyrsta stigið ímóti við 1-1 javnleiki í Gundadali. Hesa ferð verður Dmitrije Jan­ kovic fyri fyrstu ferð í AB miðverjuni. Hann hevur áður m. a. spælt við B36. Leivur Holm Joensen er tøkur aftur eftir leikbann, og Kári Nielsen er evni til miðvallarpláss. Síðsta hálva tíman í 3-1 heimasigrinum ímóti NSÍ var hann fyrstu ferð á AB liðnum. Í B36 skal plássið tippast í miðverjuni eftir Martin Ped­ ersen, sum er farin aftur til Danmarkar. Hørður Askham hevur loyst uppgávuna væl, og ein annar av ungu B36 monnunum, Robert Heðin Brockie, hevur eisini staðið seg væl, tá ið hann hevur fingið møguleikan. Tí er sannlíkt, at tað verða teir báðir, sum skulu hava Keita og hinar framrættaðu AB spælararnar í stuttum tjóðri. Í fyrrakvøldið skrivaði Evrard Blé, sum higartil í ár hevur verið í 07Vestur, undir sáttmála við B36, og hann verður fyrstu ferð í hópinum sunnudagin. Rasmus Dan Sørensen hev­ur verið smáskaddur, men annars eru allir B36 spælararnir tøkir, nú teir fyrireika seg at fara út á Argir, har AB skal spæla tríggjar tær næstu ferðirnar. AB-B36: Lars Múller sunnu­dagin klokkan 17.00 AB hevur nýggjan miðverja, meðan B36, HB og KÍ eru uttan týdningar­ miklar miðverjar, tá ið lands­ kappingin sunnudagin eftir stuttan summarsteðg – og í skerdum líki – verður aftur á skránni Effodeildin støðan nr. lið dystir vunni javnt tapt + mál - mál +/- stig 1 HB 15 10 4 1 36 14 +22 34 2 ÍF 15 7 6 2 30 23 +7 27 3 EB/Streymur 15 7 4 4 30 18 +12 25 4 B36 15 4 9 2 23 16 +7 21 5 NSÍ 15 5 5 5 21 23 -2 20 6 KÍ 15 4 7 4 30 27 +3 19 7 TB 15 3 7 5 13 20 -7 16 8 Víkingur 15 4 4 7 17 27 -10 16 9 AB 15 3 3 9 17 32 -15 12 10 07 Vestur 15 1 5 9 14 31 -17 8 www.torshavn.fo tórshavnar kommuna Leys størv í Tórshavnar kommunu Tórshavnar kommuna søkir eftir avloysara til byggi- og umhvørvisdeildina, at viðgera um- hvørvismál. Starvið, verður sett skjótast til ber, er eitt fulltíðarstarv fram til 1. januar 2014, ella eftir nærri avtalu. Førleikakrøv • Hóskandi útbúgving og royndir innan økið • Góð samstarvsevni og kunna arbeiða sjálvstøðugt • Lætt at orða seg munnliga og skrivliga á føroyskum • Teldukunnleika á brúkarastigi • Royndir innan almenna fyrisiting er ein fyrimunur Setunarviðurskifti Starvið verður sett sambært sáttmála við avvarð- andi yrkisfelag. Umsókn Umsókn, saman við upplýsing um útbúgving, royndir og møgulig viðmæli, skal verða Tórshavnar kommunu í hendi í seinasta lagi 7. august 2013. Meira fæst at vita við at seta seg í samband við Marius Müller, deildarleiðara, ella Jákup Egholm Hansen, tekniska stjóra, á telefon 302010. MÁLSVIÐGERI