hósdagur 18. juli 2013síða 28

nr. 82 · 19. juli 2013 4 VIKUSKIFTI Samrøða Hilmar Jan Hansen hilmarjan@sosialurin.fo Marius F. Joensen og Lennart Åkerblom hittust fyrstu ferð á oyggjaleikunum í Hetlandi í 2005, har teir kappaðust í skeet, men annars eisini dugdu at hugna sær í fríløtunum og at hava tað stutt­ligt saman meðan skjótingin var á skránni, so teir blivu mestsum vinmenn og kendust væl. – Tá vit so hittust aftur á leikunum á Rhodos í 2007, sá eg, at hann hevði eina flotta damu við sær, sum eg helt vera øgiliga fitta, pena og góða. Eg byrj­aði at práta eitt sindur við hana, og tað var ikki frítt, at eg royndi at egna eitt sindur, sigur Lennart Åkerblom, tá vit hitta hann eftir finaluna í skeet, har hann endaði sum bronsuvinnari aftan fyri gullvinnaran og vinmannin úr Føroyum. – Tað lukkaðist eisini, tí vit blivu gift og hava nú okkara egna, lítla Marius, sum er uppkallaður eftir honum, vit nú rópa gamli Marius. Henda flotta daman, sum Lennart sipar til, var Rannvá Eiriksdóttir av Norð­skála, sum við giftuni eisini hevur fingið sær Åkerblom aftur at eftir­ navninum. – Ja, eg minnist væl agnið hjá Lennarti, tí hann spurdi øgiliga pent Marius, um eg var systir hansara. Hann tordi ikki at spyrja Marius, um eg var daman hjá honum, tí so visti hann, at har var eingin kjansur. Marius svaraði honum tá, at hetta bara var ein barndómsvinkona, fortelur Rannvá. – Hann skjeyt væl og sá gott út, og so bleiv tað til tað, at vit komu saman. Síðani flutti eg til Álands árið eftir leikirnar á Rhodos, og í 2009 blivu vit gift og búgva í Álandi. Skjýtur fyri Føroyar Sjálv er Rannvá ikki sør til skjóting, og hon var eisini við á oyggjaleikunum á Isle of Wight sum umboð fyri Føroyar. – Eg skjóti mest skeet, men eri eisini til kappingar í sporting og trap til stuttleikar viðhvørt. Ætlanin var, at eg skuldi skjóta í Álandi, tá leikirnir vóru har í 2009, men tá bleiv kappingin avlýst, og tað sama var í ár, tí tað var bara eg, sum var tilmeldað. Men eg var so við í Isle of Wight, sigur hon. – Vit mugu so bara vóna, at onkrar kvinnur koma við frá bretsku oyggj­ unum, tá leikirnir næstu ferð verða á Jersey. Eg veit ikki, hvussu tað er við føroyskum kvinnum, tí tá eg havi roynt at spurt, hevur tað ikki verið tann stóri áhugin, men kanska onkur kundi komið við allíkavæl. Tað hevði so verið stuttligari, um fleiri konufólk vóru. Til oyggjaleikirnar, sum nú eru á Gullvinnarin førdi tey saman Oyggjaleikir hava ført til annað enn sigrar og heiðursmerki, tí tað er meiri enn so komið fyri, at pør hava funnið saman, og eitt gott dømi um tað eru føroyska Rannvá Eiriksdóttir og álendski Lennart Åkerblom. Og so var tað enntá nýkosni gullvinnarin, Marius F. Joensen, ið førdi tey bæði saman á leikunum á Rhodos í 2007 Rannvá Eiriksdóttir Åkerblom, lítli Marius og Lennart Åkerblom eru lítla familjan, ið stóðst av, at Marius F. Joensen á oyggjaleikunum á Rhodos fyri seks árum síðani førdi Rannvá og Lennart saman Mynd: eydbii myndir