mánadagur 22. juli 2013síða 10

Mánadagur 22. juli 2013 · Nr. 83 10 Sosialurin Hugskot og viðmerkingar – send sms til 225000 Festivalurin Gøtusandur var eitt G! 2013 er nú farið aftur um bak, og eftir standa minni, sum neyvan vera gloymd við bræði. Í 2007 var bakandi sól í Gøtu, og tað ber næstan ikki til at nevna G!, uttan at fólk minnast aftur á 2007. Soleiðis verður ivaleyst eisini við 2013 – í øllum førum tá hugsað verður um veðrið. Sandurin í Gøtu var fríggjadagin og leygardagin stúvaður við lættklæddum fólkum, sum runnu ímillum sjógvin og hitapottarnar og úti á vánni sóust bátar í hópatali. Børn og vaksin hugnaðu sær í góðveðrinum, og umstøðurnar á sandinum í Gøtu vóru avbera góðar til júst slíkt veður. Okkurt árið hevur veðrið verið so vánaligt, at ein nærmast noyddist at samla sær mót fyri at fara oman á sandin, fyri ikki at tosa um hitapottarnir. Men í ár gekk alt upp í eina hægri eind, og við yvir 20 hitastigum bleiv gøtusandur til eitt satt paradís. Veðrið hevur mangan sett sín neiliga dám á G! festivalin, men í ár vóru veðurgudarnir parti við gøtufólkunum, og heildarupplivingin gjørdist har eftir. Barbara Holm Umrøða av G! 2013 Fagnaðu tónleikin Í fjør blivu nærum øll høv­ uðsnøvnini avlýst í síðstu løtu, men soleiðis skuldi tíbetur ikki vera í ár. Ein avlýsing var á skránni hós­ kvøldið, tá ið Reptile Youth ikki fingu lent til tíðina. Men eingin neyð var kortini í Gøtu, tí punkbólkurin 200 traðkaði til í evstu løtu, og megnaðu at geva fjøldini eitt brak á sandinum. Seinni hetta kvøldið var tað svenska Alina Devecerski, sum legði fyri við tí fyrsta útlendska á G! í ár. Fríggjakvøldið vóru tað tey føroysku høvuðsnøvnini, sum áttu pallin. Eivør og Teitur framførdu bæði hetta kvøldið á sandinum, og til báðar konsertirnar var stúva á sandinum. Eivør hevur sítt høvuðssæti í Gøtu, og tað merktist. Fólk í øllum aldri leitaðu sær oman á sandin at uppliva Eivør í sínum heimaumhvørvi. Ásgeir Trausti fangaði føroyingar Eitt av høvuðsnøvnunum á G! í ár var íslendarin Ásgeir Trausti. 21 ára gamli sangarin gav í fjør út sína fyrstu fløgu, og beinan vegin gjørdist hann kendur í Íslandi og kring Evropa. Eisini í Før­ oyum er íslendarin fagnaður, og fyri mong var hann tað mest áhugaverda navnið á G! í ár. Tað var leygarkvøldið klokkan 22.55, at Ásgeir trein á pallin á spæliplássinum í Gøtu, og saman við sínum tónleikarum, har ímillum bróður hansara var, megnaði hann at rúnabinda áhoyrar­ arnir við sínum vakra ís­ lendska tónleiki. Ásgeir hevur bæði enskar og ís­ lendskar útgávur av løgum sínum, men eingin ivi kann vera um, at hann tók røttu avgerðina leygarkvøldið, tá ið hann valdi at framføra síni løg á íslendskum. Fyri einum fullum spæliplássi framførdi hann í okkurt um ein tíma, og var tað fløga hansara í fullum líki og onkur stakløg aftrat, sum vóru á skránni, og sigast má, at huglagið á spæliplássinum var av tí besta hesa løtu. Sangskattar í bossanova útgávu Í besta veðrið varð skipað fyri einari stórari sangløtu leygarkvøldið, og sangskattar sum 1001 nátt, Eitt dýpi av dýrari tíð, Forelskaður sjón­ leikari og fleiri onnur løg vóru framførd á stóra palli­ num á sandinum. Túsundtals festivalgestir høvdu leitað sær oman á sandin til hesa forkunnugu løtu, og saman við Eivør Pálsdóttir og Teiti Lassen framførdi bólkurin Konfekt hesi løg, og uppruna sangararnir komu út á pallin at syngja fyri, meðan teksturin til løgini stóð á einum stórskíggja á palli­ num. Nógv fólk høvdu leitað