mánadagur 22. juli 2013síða 21

21 Mánadagur 22. juli 2013 · Nr. 83 Sosialurin Hugskot og viðmerkingar – send sms til 225000 ítróttur fótbóltur AB dumpar ikki aftur Álop er besta verjan Sigursrøðin hjá AB helt fram í gjár, tá ið gamla felagið hjá argjamonnum varð sent heim um aftur ánna við 3-2 tapi og stórum vónbroti, eftir at 2-0 leiðsla varð søplað burtur Dánjal á Lakjuni, sum fyri stuttum er komin aftur úr Íslandi, gjørdi orduliga hol í sjógvin í høgra borði, eftir at ÍF í eina løtu hevði ridlað í verjupartinum, og tað var við at koppa TB til fyrimunar Jóannes Hansen Vit flyta ikki niður. Soleiðis tók AB venjarin, Sámal Eril Hentze, upp í saman viku­ skifti eftir vikuskifti í vár, tá ið AB aftur og aftur fór av vøll­inum uttan at hava megn­að at vinna nakað stig. Seks tey fyrstu umførini vóru argjamenn krøktir. Ikki fyrrenn í 7. umfari, sum var í Gundadali ímóti B36 flaggdagin, eydnaðist tað at vinna fyrsta stigið. Ta ferðina var úrslitið 1-1. Út­ javn­andi málið hjá AB eitt korter undan leikloki skoraði Dion B. Splidt. Í dramatisku granna­uppgerðini í Vika í gjár, tá ið tað endaði við 3-2 heimasigri, átti Dion sín leik­ lut, sum vit venda aftur til um eina skamma stund. Miðskeiðis í 1. hálvleiki bendi einki á, at talan skuldi verða um spennandi uppgerð, hóast tað úti á vøllinum gekk javnt á. B36 veteranarnir Lukasz Cieslewicz og Jákup á Borg løgdu B36 framum 2-0, og tað vóru argjafólk ikki so fegin um, sum tey í søgu­ ligum høpi plagdu at vera, tá ið B36 skoraði. Árstalsfelagið var liðið hjá teimum flestu uttan­fyri ánna, har tað kendist vera langt til lokala um­boðan í fremstu røð. Soleiðis er tað ikki long­ ur. AB hevur strítt seg upp í bestu deildina, og nú gella orðini hjá Sámal Eriki Hentze við tyngd. Hóast AB framvegis er undir strikuni, so sigur gongdin nógvu tey sein­astu umførini, at AB ikki fer at flyta niður, og at tað verður okkurt av hinum feløgunum, sum fer at flyta niður, um tað yvirhøvur verð­ur neyðugt at finna ein ella tveir dumpikandidatar. Rættur hugburður og trúgv upp á, at tað skal bera til boygdu B36, sum mundi kenna seg tvær ferðir missa á stokk­inum. Dygst undan steðg­inum minkaði væl upp­ lagdi miðvallarin Dion B. Splidt um munin, tá ið hann eftir innlegg úr vinstru heil­ fluktaði bóltin í málið. Men hóast AB royndi, so gekk tað í 2. hálvleiki trekt at koma aftur í aftur. Heili­ vágurin fyri at fáa tað at eydnast var enn eina ferð at seta Karstin Højgaard inn í álopið. Hann varð skiftur inn í 68. minutti, og seks minuttir seinni javnaði hann eftir innlegg úr vinstru frá Bjarti Kjærbo. Sjey minuttir undan leik­loki varð Sorin Anghel vístur av vølli, tá ið hann hevði sæð gult fyri aðru ferð, og so tevjaði B36 aftur fulla úrtøku. Álopsbogin varð spent­ur, men tað slerdi ordu­ liga bakk, og tað var øgiliga dramatiskt. B36 málverjin Tórður Thomsen kendi seg noyddan uttanvert brotsteigarmarkið at steðga Karstini Højgaard. Tað sá málverjin reytt fyri. Tí noyddist innskifti Súni Olsen í málverjubúnan. Men hann megnaði einki at gera við frísparki hjá Dioni B. Splidt, sum harvið skor­aði sigursmálið og við triðja mál­ inum í ár ímóti B36 syrgdi fyri, at AB higartil hev­ur vunnið fýra stig ímóti grann­ unum. Fótbóltsliga er alt á gosi á Argjum. Eftir sigrar á Víkingi, TB, NSÍ og B36 og javnleik í Klaksvík standa meistararnir í EB/Streymi nú fyri tørnið. Tann dysturin verður á Argjum leygardagin 27. juli, og tað kann fara at vísa seg at verða vorðið sum fótbóltsligt ólav­søku­ preludium hjá AB, sum við 13 stigum í fimm teimum sein­astu umførunum við stór­um stigum tekur seg inn á Víking og TB, og tey longri uppi á talvuni skulu heldur ikki kenna seg so trygg. Í B36 var vónbrotið stórt. Hetta var enn eina ferð staðfesting av, at tað er torført hjá árstalsfelagnum at vinna á útivølli. Einastu sigr­ar­nir higartil í ár aðra staðni enn í Gundadali hava verið í Sørvági og í Klaks­vík. Ólavsøkuaftan verður aftur stór avbjóðing á skránni, tá ið væl uppløgdu fugl­firð­ing­ arnir koma í Gundadal. joannes@sosialurin.fo Jóannes Hansen Veðrið var framúr. Sólin skein oman og niðan, og hvítklæddu áskoðararnir fingu fult fyri atgongugjaldið – ikki minst í 2. hálvleiki. ÍF og TB vóru í sera undirhaldandi uppgerð, har tað vórðu skorað sjey mál – seks eftir steðgin – og har pulsurin var høgur, inntil Petur Reinert hevði bríkslað fyri síðstu ferð. ÍF vann 4-3, eftir at hálv­ leiksstøðan var 1-0, og eftir at heimaliðið beinanvegin eftir hvíldina økti um leiðsl­una. Í fyrra førinum var tað Øssur Dalbúð, sum var eirindar­ leysur, tá ið rang­støðu­fellan kiksaði hjá annars royndu TB miðverjuni, og í seinna førinum var tað miðvallarin Ari Ó. Ellingsgaard, sum í ár rættuliga hevur fingið høvdið fyri seg, ið setti bóltin í málið aftanfyri Ivan Stojkovic. Hetta var vorðin sum pøs av vatni hjá TB at fáa í andlitið beinanvegin eftir hvíldina. Men í staðin fyri at geva skarvin yvir og royna at avmarka tapið, so løgdu tvøra­menn hondina á knæið og fóru í holtur við at bjóða mótbrekkuni av. Miðvallarin Ndende, sum tykist trívast serliga væl, tá ið veðrið er so gott, sum tað var í Fuglafirði í gjár, minkaði um munin, tá ið ein tími var farin, og bara tveir minuttir seinni var javnt. Ragnar Tausen, sum longu eftir eitt korter varð skiftur inn í staðin fyri skadda Chris H. Craib, var meistari fyri út­ javn­andi málinum. So var spenningur, og tað var ikki frítt, at Poul Ingason og hinir í framrættaða part­ inum hjá TB høvdu fatur á rætta endanum og aðrar ferð­ir vóru um at spæla seg í vanda­miklar støður. Tað komst eisini av, at heimaliðið ikki var serliga sannførandi í verjupartinum. Bartal Eliasen var ikki tøkur, og undir upphitingini noydd­ ist Poul N. Mikkelsen at geva avboð orsaka av skaða. Heri Nesá og Høgni Zachariasen vóru í miðverjuni frá fyrsta bríksli, og tað megnaðu teir væl. Men tíggju minuttir eft­ir steðgin noyddist Høgni Zachariasen skaddur av vøll­ inum, og tað darvaði verju­ spæl­inum hjá ÍF heilt nógv, eis­ini tí út­skiftingin bar roker­ingar á mið­vøllinum við sær. Lítla løtu seinni var 2-2, og ÍF var um ein háls. Men so var tað, at vápnið, sum oft­ast verður sagt at vera tað besta til verju, varð nýtt. Dánjal á Lakjuni, sum fyri fáum vikum síðani flutti aftur úr ís­lendskum fótbólti og til barn­dómsfelagið, varð settur inn í framrættaða partin í høgru. Nenad Saric hevði staðið seg væl, men tá ið Dánjal var komin á vøllin, kom av álvara ferð, tyngd og broddur í, tí Dánjal megnaði at bjóða av ein ímóti einum, og innleggini hjá honum vóru so serlliga neyv. Dánjal var meistari aftan­ fyri bæði málini, sum Clayton Soares skoraði síðstu tíggju minuttirnar, og hann átti eis­ini innleggið, tá ið Øssur Dalbúð við høvdinum sendi bóltin dygst framvið nærra stólp­anum. Síðstu løtuna spenti TB álopsbogan. Óli Johannesen varð fluttur fram í álopið, og við rimmar fluktara minkaði hann um munin. Tí var spenn­ingur í, inntil síðsta bríkslið ljóðaði. Heimamenninir fegn­að­ ust, og ÍF venjarin, Albert Ellefsen, kundi staðfesta, at hann í Dánjali á Lakjuni hev­ur fingið eitt álopsvápn aftrat. Í fjør átti Dánjal á Lakjuni næstsíðsta fótin á, tá ið Clayton Soares skor­aði fleiri mál. Í gjár sást, at sam­ starvið millum Lakju­mannin og Clayton fram­veg­is kann bera mál og stig og har­við møgu­leika fyri heiðurs­ merkj­um við sær. Tað er neyv­an nakar ivi í, at Dánjal á Lakjuni verður millum teir fyrstu ellivu, tá ið ÍF ólav­ søku­aftan fer í Gundadal at spæla ímóti B36. Ólavsøkudag skal TB enn eina ferð norður í Eysturoy at spæla. Klokkan 15 henda dagin verður fyrsta bríkslið í Sarpugerði, tá ið Víkingur fær vitjan av TB. Hesi bæði lið­ini stríðast fyri at sleppa av triði aftasta plássinum. Effodeildin støðan nr. lið dystir vunni javnt tapt + mál - mál +/- stig 1 HB 16 11 4 1 39 14 +25 37 2 ÍF 16 8 6 2 34 26 +8 30 3 EB/Streymur 15 7 4 4 30 18 +12 25 4 B36 16 4 9 3 25 19 +6 21 5 NSÍ 15 5 5 5 21 23 -2 20 6 KÍ 16 4 7 5 30 30 0 19 7 TB 16 3 7 6 16 24 -8 16 8 Víkingur 15 4 4 7 17 27 -10 16 9 AB 16 4 3 9 20 34 -14 15 10 07 Vestur 15 1 5 9 14 31 -17 8 1-0: Øssur Dalbúð 30. 2-0: Ari Ó. Ellingsgaardv46. 2-1: Ndende Asama Guéye 60. 2-2: Ragnar Tausen 62. 3-2: Clayton Soares 81. 4-2: Clayton Soares 88. 4-3: Óli Johannesen 89. Dómari: Petur Reinert 0-1: Lukasz Cieslewicz 11. 0-2: Jákup á Borg 15. 1-2: Dion B. Splidt 45. 2-2: Karstin Højgaard 74. 2-3: Dion B. Splidt 90.+2. Dómari: Lars Múller ÍF 4 (1) TB 3 (0) AB 3 (1) B36 2 (2)