týsdagur 23. juli 2013síða 4

Mikudagur 24. juli 2013 · Nr. 84 4 Sosialurin Hugskot og viðmerkingar – send sms til 225000 Barbara Holm Tað vóru ræðulig tíðindi, sum sunnudagin frættist úr Vág­um. Ávegis til Havnar av flogvøllinum fór taxa bilurin hjá Hans Mortensen útav, og tríggir mans lótu lív í van­ lukkuni. Hans Mortensen arbeiddi hjá Auto í Havn, og vanlukkan hevur av álvara merkt ar­ beiðs­plássið. Seinastu dagar­ nar hava sálarfrøðingar og fólk frá Frelsunarherinum vitjað starvsfólkini í Auto. – Stemningurin er í botni. Vit hava roynt at fáa hjálp, men tað er so ringt at tosa um hetta. Vit eru øll so ávirkað av tí, tí hetta er tað mest ræðu­ liga, sum kann henda, sigur Siggvard Joensen. Arbeiðsplássið hjá bil­før­ arunum í Auto eru føroysku vegirnar, og tá farast skuldi aftur á flogvøllinum eftir hesa hending sunnudagin, var tað ein tungur teinur. Men starvsfólkini á Auto vita, at Hans Mortensen ikki hevði brotið nakrar reglur hjá fyri­tøkuni, tá ið hann koyrdi suður eftir til Havnar. Hjá Auto eru strangar reglur eitt nú um, hvussu nógv ein bilførari sleppur at koyra uttan hvíld. – Vit síggja, nær hann hev­ur koyrt, og hann hevur ikki koyrt ov leingi, ella brot­ ið nakra aðrar reglur hjá okk­ um, sigur Siggvard. Løgreglan boðar frá, at tað helst var høg ferð, sum var orsøk til vanlukkuna sunnu­ dagin. Siggvard Joensen vísir á, at Auto ongar regl­ur hevur um ferð, tí allir bil­før­arar vita, at tey skulu fylgja lógini. Er onkur kundi, sum klagar um ov høga ferð ella á ann­ an hátt kennir seg ótrygg­an í bilinum, so fær bil­før­arin og bilurin tríggjar mán­aðar karantenu. Hevur verið á støðini síðani Siggvard Joensen og hini á Auto vóru skelkað, tá ið tey frættu syrgiligu tíð­ind­ini sunnudagin. Fleiri av bil­ før­arunum hjá Auto vóru á flogvøllinum saman við Hans Mortensen løtuna áðrenn van­lukkuna. – Eg havi verið á støðini síðani hendingina og eygleitt. Um bilførararnir eru ov ávirk­aðir av hendingini, sleppa teir ikki til arbeiðis, men skulu hava hjálp, greiðir Siggvard frá. Hendan hendingin fer at merkja starvsfólkini í Auto mong ár, men Siggvard vónar, at fólk framvegis fara at hava álit á Auto. – Vit hava koyrt taxa í 61 ár, og vit hava millum 8.000 og 10.000 túrar vestur á flog­ vøllin hvørt ár, og hetta er fyrstu ferð, at nakað er hent av slíkum slag, vísir Siggvard á. Auto hevur millum strang­astu reglar á økinum í Evropa, og tí ivast stjórin Siggvard Joensen ikki í, at fólk framvegis kunnu kenna seg trygg í bilum frá Auto. barbara@sosialurin.fo tíðindi Hetta er størsta marran Sýnið var gott, hesa lagnu­ løtu stutt eftir klokkan 11 sunnu­morgunin. Hýri­vogns­førarin Hans Mortensen var á veg av flog­vøll­inum til Havnar. Í bil­inum vóru Vilhjálmur Gregoriussen og Høgni Carlsson, báðir júst afturkomnir av Oyggja­ leik­unum í Bermuda. Ferðslan er rímiliga nógv. Norðanfyri, Á Hálsi í Sandavági, yvirhálar hýru­ vognurin. Men bilurin kemur ov langt yvir í vinstru síðu, júst har autoverjan byrjar, har verjan skákar upp úr veg­num. – Bilurin kemur upp á auto­verjuna og slongist nið­an av vegnum, staðfestir Kristina Christiansen, vak­ havandi hjá politinum. Alarmsentralurin fekk fráboðanina klokkan 11.25 sunnudagin. Sjúkrabilur og løgregla fóru á van­ lukku­staðið, umfamt at boð vórðu send eftir klippi­útgerð at fáa fólkini úr bilinum. Men alt til fánýtis. Tveir doyggja á staðnum, með­an triði persónurin í bilinum doyr á Lands­sjúkra­hús­ inum. barbara@sosialurin.fo Vanlukka – Hetta er tað ringasta, ein kann ímynda sær. Eg veit ikki, hvussu vit skulu koma víðari frá hesum, sigur Siggvard Joensen, stjóri í Auto. Tað var Hans Mortensen, bilførari hjá Auto, sum sunnudagin koyrdi bilin, sum fór niðan av vegnum á Hálsi í Sandavági. Trý fólk doyðu í vanlukkuni Auto: Hetta hendi: Savnsmynd