týsdagur 23. juli 2013síða 18

Mikudagur 24. juli 2013 · Nr. 84 18 Sosialurin Hugskot og viðmerkingar – send sms til 225000 ítróttur fótbóltur 32 flytingar – Flytingarvindeygað er nú latið aftur og 32 spælarar hava flutt felag í hesum fýra vikunum flytingarvindeygað hevur verið opið Tróndur Arge Tað var ongin spælari ella felag, sum leyp hvøkk á før­oyska fót­bóltsheimin á sein­asta degnum fyri at flyt­ingar­vindeygað lat aftur mána­kvøldið á midnátt. Fyri uttan KÍ, sum stríddist við at fáa útlendskan styrk til verju­partin, so hendi millum lítið og einki, sum er komið fram í ljósið. At kalla øll skiftini, sum kunnu teljast sum týdningar­ mikil, vóru framd tíðliga í flytingar­vind­eyg­anum. Tað var tíðliga greitt, at Sølvi Vatnhamar flutti til Víking, eftir útlegd í Dan­ mark. Argjamenn gjørdu eis­ini skjótt av og tryggjaðu sær Kára Nielsen og Dmitrije Jankovic. Evrard Ble og Trygvi Askham er komnir til B36. ÍF hevur fingið tilgongd av Dánjali á Lakjuni og Fritleifi í Lambanum. NSÍ hevur fingið tveir ungar mans afturat í hópin í Haraldi R. Højgaard og Andras Brixen Vágsheyg, meðan HB hevur fingið Páll Mohr Joensen aftur. Tvey onnur kend nøvn hava flutt spælaraloyvið aft­ur til HB. Talan er um Ólav í Ólavstovu og Pætur Jørgensen, sum báðir hava drúgvar royndir á besta lið­ num hjá felagnum. Her er tal­ an tó bara um, at teir koma heim í feriu og hjálpa til á næst­besta liðnum hjá HB. Hvat er eitt flytingareyga Tvær ferðir um árið er flyt­ ing­arvindeygað opið. Hetta eru tíðarskeiðini, tá føroysk feløg kunnu flyta spælarar sína millum. Um summarið er flytingarvindeygað opið frá 24. juni til 22 juli. Stutt fyri nýggjárið letur flytingar­ vind­eygað upp aftur. Tá verð­ ur møguligt at flyta millum feløg í Føroyum til um hálvan mars mánað. Tað er ymiskt hvussu flyt­ ingarvindeyguni hava opið kring heimin. eitt nú kann ein føroyskur spælari flyta til danskt felag fram til 31. august, tá flytingarvindeygað í Dan­mark letur aftur. Fyrr var onki flytingar­ vindeygað og spælarar kundu til eina og hvørja tíð skifta til annað felag. Hetta var mett at órógva feløgini so nógv, at flytingarvindeygað varð skipað. Onkur hevur hildið fyri, at tað er sum at seta mark fyri, nær ein fyritøka kann keypa maskinir. Serliga er tað sein­asti dag­ urin fyri at flytingar­vind­eyg­ að, sum hevur stór­an áhuga. Útlendskir fjøl­miðlar gera nógv burtur og spenn­ing­ur­ in millum við­halds­fókini er í topp. Hesa ferð má tó stað­fest­ ast, at so kallaði »Transfer deadline day« í Føroyum ikki var nakað serliga spennandi, tí tey flestu feløgini høvdu longu framt síni skifti. trondur@sosialurin.fo HB: Tilgongd: Páll Mohr Joensen (ÍF Føroyar), Ólavur Í Ólavstovu (ÍF Føroyar), Pætur Jørgensen (ÍF Føroyar) og Poul Thomas Dam (AB) Frágongd: Kári Nielsen (AB) Hóast fleiri av nøvnunum eru kend, so er tað bara Páll Mohr Joensen, sum av álvara kemur at gera seg galdandi á besta liðnum hjá HB. Ólavur í Ólavstou og Pætur Jørgensen eru bara komnir heim í feriu at hjálpa næstbesta liðnum, meðan Poul Thomas Dam hevur skift frá AB, eftir drúgvan skaða. HB leitaði í vetur eftir einum málslúki. Teir vóru eftir Arnbirni Hansen og árið fyri vóru teir eisini eftir Klæminti A. Olsen. Í ár hava teir havt eyguni við støðuni hjá Jóan Símuni Edmundsson í norska Viking. Tað var eitt skifti upp á tal, at Jóan Símun vendi nøsina heim til føroyskan fótbólt, men tann støðan er broytt. ÍF: Tilgongd: Fritleif Í Lambanum (Dk) og Dánjal á Lakjuni (Leiknir) Frágongd: Jákup Johansen (Skála) Tað varð tíðliga greitt, at Fritleif Í Lambanum kom aftur til ÍF. Meiri óvæntað var tað, at Dánjal á Lakjuni valdi at koma aftur til Føroyar frá íslendska Leiknir, eftir bara eitt lítið hálvt ár. Tað var stutt fyri dystirnar móti Linfield, at ÍF brádliga kundi avdúka, at orkuríki vongurin var komin aftur til felagið. Einasta frágongdin er ungi framherjin, Jákup Johansen, sum verður útleigaður til Skála. Hann hevur sáttmála til endan av árinum við ÍF, men sambært formanninum í ÍF, Magnusi Jørmundsson, so er ikki óhugsaði, at Jákup Johansen aftur verður at síggja í ÍF komandi kappingarár. EB/Streymur: Tilgongd: Dánjal Davidsen (Dk) Frágongd: Ongin Hjá EB/Streymi er bara ein spælari komin til felagið. Tað er verjuspælarin Dánjal Davidsen, ið sum skilst ikki verður tøkur allan seinnu hálvu. Í Sunda­lagnum fegnast tey um gongdina í hesum kappingarárinum. Tí er heldur ikki neyðugt við styrki til hópin sambært formanninum í felagnum. – Vit eru nøgd við gongdina í hesum kappingarárinum og tí eru vit heldur ikki út um okkum, sigur Sigvald Zachariasen, formaður í EB/Streymi. Hópurin tann sami, sum við kapp­ingar­byrjan. Egil á Bø var iva­samur um hann fór at halda fram við at spæla. Hann valdi at taka gaggurnar fram aftur, tá EB/Streymur hevði mest brúk fyri honum. Eisini Andras Gango hevur spælt ein dyst við EB/Streymi í Champions League, men tað var bara eitt brá leigumál. Undan kappingini var ivamál um Arnbjørn Hansen og Hans Pauli Samuelsen hildu fram í felagnum, men teir hava gjørt nýggjar sáttmálar og einki hevur verið at hoyrt um framtíðina hjá teimum – annað enn at teir halda fram í sundalagnum, har teir altíð hava spælt. B36: Tilgongd: Evrard Ble (07 Vestur) og Trygvi Askham (ÍF Føroyar) Frágongd: Martin Pedersen (Dk) B36 hevur í Martini Pedersen mist ein fínan miðverja. Tað kemur óiva illa við í árstalsfelagnum, men nú hava teir í Evrard Ble fingið ein bóltsterkan miðvallara, sum gevur møguleika at flyta Súna Olsen í miðverjuna, sum á Argjum varð mannað við Hørðuri Askham og Robert Heðini Brockie. Teir eru báðir ungir og óroyndir, tí kundu hugsast, at B36 gjarna vil hava eina »plan B«, um teir fáa trupulleikar. Eisini Trygvi Askham er komin til felagið frá ÍF Føroyar. Hetta helst sum annar málmaður hjá Tórðuri Thomsen, sum fekk beinleiðis reytt kort á Argjum. Í summar var Gilli Sørensen í AaB og royndarvandi. Hetta ljóðar til at hava gingið væl, men óvist er um nakað er í ger viðvíkjandi hesum. Myndir: Álvur Haraldsen Fritleif í Lambanum Evrard Ble