týsdagur 23. juli 2013síða 56

Sosialurin · juli 24 Ólavsøkan 2013 M angir ólavsøkugestir munnu kátir kenna til í fríggingarmyrkrinum, sum legst yvir Havnina náttar­tímarnar. Í øllum førum verð­ ur væl drukkið av tí rúsandi drykki um ólavsøkuna, av veikum og av sterkum. Men drekkingarlag før­oy­ inga broytist eisini, vísa sølutøl Rús­ unnar. Hagtølini, vit hava fingið frá Rús­drekkasølunu eru fyri juli mán­ að, fram til ólavsøku. Tískil telur eitt nú G!-festivalurin eisini við í sølu­ tølunum, og fyrivarni skal sjálvandi takast fyri tí. Akvavitt fyri allar pengarnar Sigast má, at nógvir snapsar verða skonktir á ólavsøku. Er tú ein teirra, ið smakkar tær á onkuntíð, kemst illa uttanum at tær verður bjóð­að ein snaps ella báðar tveir ólav­søku­ dagarnar. Vanligasti snapsurin plagar at vera ein danskur Aalborg Akvatitt, tó at føroyingar eisini eru farin at bjóða seg fram við sterkum løgi og snapsi. Tað fara eisini rættiliga nógvar fløskur av akvatitt um borðið hjá Rúsdrekkasølu Landsins upp undir ólavsøku. Seinastu tvey árini hevur Rúsan selt umleið 22.000 til 24.000 litrar av spiritus í juli mánaði fram til ólavsøku. Herav eru einir 10.000 litrar av vodka og 4.500 litrar av akvavitt. Umrokna vit hetta til stórar snapsafløskur, fara heilar 6400 stórar fløskur av akvavitt um søludiskin hjá Rúsuni upp undir ólavsøku. Samsvarandi er talan um einar 14.280 fløskur av vodka. Meira vín og minni øl Drekkingarmynstur føroyinga broyt­ist eisini spakuliga. Aðrir og nýgg­ir siðir taka seg upp, og so er eis­ini viðvíkjandi ólavsøkuni, sum fyri mong annars er merkt av traditiónum. Eitt nýtt fyribrigdi er, at vín í dag er meira vælumtókt aftur­ við ólavsøkudøgurðanum. – Tað er blivið nógv meira van­ligt at síggja vín á borðunum á ólav­søku, sigur Rúni Herup Olsen, Inn­keyps­ leiðari hjá Rúsdrekkasølu Landsins, og greiðir víðari frá, at sølan av víni er støðugt vaksandi. Hagtølini frá Rúsuni vísa, at seinastu tvey árini hava tey selt um­ leið 35.000 litrar av víni, og at sølan er støðugt vaksandi. Samstundis verður minni selt av øli. Í øllum førum frá Rúsdrekkasølu Landsins, hagani hesi hagtølini stava. Seinastu tvey árini hevur Rúsan selt millum 110.000 og 120.000 litrar av øli, svarandi til góðar 12.000 kassar ella kartengur við 30 fløskum ella dósum í hvørjum. Tað hongur tó eisini saman við, at tað nú er vorðið meira vanligt at fólk keypa sær øl og cider niðri í býnum, har tað er møguleiki at fáa skonkt sær eitt glas á nøkrum útisølustøðum. – Tú sær jú næstan ongan ganga við einari ølfløsku niðri í býnum á ólavsøku longur. Tey flestu keypa sær upp í eitt plastikkbikar á teimum støðum, har hetta er møguligt, og tað sæst sjálvandi aftur á okk­ ara sølu­tøl­um, sum eru støðugt minkandi við­ víkjandi útsøluni av øli, greiðir Rúni Herup Olsen frá. Leggjast skal tó afturat, at sølan av øl og cider úr sølu­støð­unum hjá Føroya Bjór og Okkara er ikki við í hes­um tølunum. Ein annað jaligt hjá­ árin av hesum er, at tað er vorðið alsamt longri ímill­um tær brotnu øl­ fløsk­urnar, sum mangan hava dálkað vegir, tún og garð­ar í Havn á ólav­ søku. Á ólavsøku kemst sjáldan á gátt ella til borðs uttan at tú fær bjóðað ein snaps. Tilsamans fara 4.500 litrar av akvavitti um søludiskin í Rúsuni upp til ólavsøku. Samstundis keypa vit meira vín og minni spiritus 6400 fløskur við snapsi Rógvi Nybo, rogvi@sosialurin.fo Sølan Juli 2011 og 2012 Vín: 35.000 litrar (vaksandi) Spiritus: 22.000 – 24.000 litrar (minkandi) Øl: uml. 110.000 – 120.000 litrar (minkandi) Mangur snapsur verður skonktur á ólavsøku. Leysliga mett er talan um 225.000 smáar snapsar (2 cl) av akvavitti, sum verða skolaðir niður á ólavsøku