hósdagur 1. august 2013síða 31

31 Fríggjadagur 2. august 2013 · Nr. 87 Sosialurin Hugskot og viðmerkingar – send sms til 225000 Jóannes Hansen Tá ið hetta vikuskiftið er av, verður triðingurin eftir av árs­ins landskapping, tá ið sæð verður burtur frá, at tveir dystir bíða inntil 18. sep­tember. Ólavsøkuumfarið broytti einki í toppinum. HB og ÍF vunnu, og harvið eru tað framvegis sjey stig millum tvey tey ovastu. Hóast tap á Argjum leygarkvøldið er EB/ Streymur enn á bronsuplássi, men stóra fjarstøðan til topp­ in – 15 stig eru fram til HB – ber boð um, at tað ikki ber til at endurvinna FM heitið, hóast teir í Sundalagnum fram­vegis hava 33 stig at kapp­ast um. Heðin Askham hevði fyri fyrstu ferð ábyrgdina av NSÍ, sum ólavsøkudag rættuliga bjóðaði HB av í Gundadali. HB vann 3-2, men NSÍ avrikið var miðvíst og skilagott. – Vit vita, at tað er á teirra hálvu, at teir skulu takast, tí frammanfyri mótstøðumálið eru teir vandamiklir. Eg eri nøgdur við liðavrikið, og eg haldi, at vit spældu væl. Trupulleikin var persónligu mistøkini, sum HB sektaði, vísti NSÍ venjarin á og sipaði harvið til støðurnar, tá ið sera væl upplagdi Símun Samuelsen skoraði trý mál. Tað fyrsta var eftir kiksaða afturlegging, tað næsta var eftir soloavrik í vinstru, og tað triðja var við frísparki tíggju metrar uttanvert brots­teigin. Bólturin tók í mann­garðin og snýtti Kristian Joensen. Næsta avbjóðingin hjá Heðini og NSÍ verður, tá ið ÍF sunnu­dagin kemur at vitja. ÍF fagnaðurin var stórur eftir 2-1 sigurin á B36. Tað var væl skiljandi, og tað var einki at siga til, at teir í B36 fyri aðru ferð í eina viku vóru ógvuliga vónbrotnir. Á Argjum mistu teir 2-0 leiðslu og taptu 3-2, og ímóti ÍF vóru teir á odda í ein tíma við ein­um máli, og B36 hevði fleiri risa møguleikar at økja um leiðsl­una. Men Jákup Mikkelsen bjargaði fleiri ferðir, tá ið B36 menn vóru púra leysir. Dánjal á Lakjuni kom á vøllin, tá ið ein hálvur tími var eftir, og hann var ógvuliga eyðsýndur í ÍF álops­spælinum, samstundis sum ágrýtni hjá honum lyfti hinar upp í verjupartinum. B36 og NSÍ hava ávikavíst 21 og 20 stig, og harvið skulu tað í hvussu so er tvey umfør til, áðrenn tey kunnu kenna vandan av niðurflyting. Hini fimm liðini – KÍ, Víkingur, AB, TB og 07Vestur eru øll í vanda. Tór-Ingar heldur lív í Størsta vandanum er 07 Vestur í, tí tað eru sjey stig fram til bjargingina. At vága­ liðið ikki heilt skal avskrivast, varð staðfest leyarkvøldið, tá ið KÍ varð sent til hús við 2-1 tapi. Liðformaðurin og super­veteranurin Tór-Ingar Akselsen skoraði bæði málini. Tað fyrra eftir KÍ bólttap í uppspælinum og við skoti av brotsteigarmarkinum, og tað seinna við beinleiðis frí­sparki, tá ið KÍ málverjin flutti seg aftur um mann­ garðin og bólturin fór í hand­ ara hornið. – Seinastu ferðirnar hev­ ur tað ikki sæð so galið út hjá okkum. Vit hava tapt tep­urt, móti B36 megnaðu vit mál­ leysan javnleik, og hesa ferð vunnu vit. Tað gevur mót og sjálvsálit, og vit hava avgjøri ikki givið skarin yvir. Sunnudagin skulu vága­ menn á Argir, og tá verður talan um lyklauppgerð. AB á toppinum Sekstan stig burturúr seks teimum seinastu umfør- unum boðar frá, at AB – saman við ÍF – er liðið, ið burt­urúr seks teimum sein­ astu umførunum hevur vunn­ið størst úrtøku. 3-2 og 3-1 heimasigrarnir á ávikavíst B36 og EB/Streymi bera boð um, at skikkur er komin á verjupartin, og at liðið er sera vandamikið í álops­spælinum. Ímóti EB/ Streymi var Sorin Anghel leik­bannaður, og tað er ikki verri hjá Sámal Erik Hentze, at tað er stór kapping um pláss­ini á liðnum. AB hevur væl og virðiliga tikið seg upp um strikuna, og góða gongdin sigur, at tað er sera sannlíkt, at tað eisini í 2014 verður sunnu­dags­fót­ bóltur í Argjum. KÍ á botninum Tølini siga, at KÍ er tað liðið, sum burturúr seks teimum seinastu umførunum hevur vunnið minstu úrtøkuna. Eitt stig og málmunurin 6-15 síð­ani á norðoyastevnu sigur, at klaksvíkingar eru í kreppu, og at kósin skal broytast og tað nógv, um liðið ikki skal enda undir strikuni. Tað gong­ur illa at skjóta mál, og í hinum endanum skola málini ígjøgnum. Í Vágum var Atli Danielsen miðverji, men tað verð­ur hann neyvan leingi. Sørmund Kalsø, sum fyri stuttum var heilt uttarlaga í hópinum, er orduliga komin aftur í hitan. Jógvan Isaksen er um at koma fyri seg aftur eftir langan skaðasteðg, og tað er meiri sannlíkt, at hann verður miðverji enn nakar annar, tá ið Víkingur kemur at vitja. KÍ hevur fýra tær seinastu ferðirnar verið á útivølli. Nú bíða fýra heimadystir Eyðuni Klakstein og hans­ ara monnum, og úrtøkan úr teimum verður rættuliga av­ ger­andi fyri, um dagsskráin í Klaksvík verður niðurflyting ella ikki. Víkingur væl fyri Tá ið TB ólavsøkudag var í Sarpugerð, var tað í 1. hálv­ leiki stórur munur á lið­ unum. TB luktaði av at hava verið í summarfrí, meðan kjalarvørrurin av euro­peisku lut­tøkuni væl sást á av­rik­ inum hjá Víkingi. Hanus Jacobsen, sum man vera kandidatur til ársins spæl­ ara í Eystur kommunu, setti hol á við brotssparki, og so skor­aði Jann Ingi Petersen tvær ferðir. Nú Sam Jacobsen og Sølvi Vatnhamar aftur eru tøkir, hevur Sigfríður Clementsen flutt Jann Inga Petersen í fremstu ódnina á mið­vøll­inum, og tað hevur víst seg at rigga væl. 3-1 sigurin á TB ber við sær, at Víkingur nú er omanfyri strikuna. Tað er bara mál­ mun­urin, sum skilir liðið frá sætta plássinum og KÍ. Víkingar fara undir fjørðin við stórum sjálvsáliti. TB í tronga Bill Jacobsen hevði ólav­søku­ dag fyrstu ferð ábyrgd­ina av TB liðnum. Um­støð­ur­nar loyvdu ikki stóru broy­ting­ unum, tí Bill og TB høvdu bara vant saman tríggjar ferðir, áðrenn ólavsøkutúrin norð­ur í Sarpugerð. Sunnudagin verður av­ bjóðingin hjá TB og Bill Jacobsen ikki minni, tí tá kemur oddaliðið HB suður: – Fyrri hálvleikur ímóti Víkingi var ikki góður. Í steðg­ inum tosaðu vit um tingini og justeraðu liðið nakað, og tað var nógv betri í 2. hálv­ leiki, tá ið vit kundu havt skor­að okkurt mál aftrat um­framt tað, sum innskifti Ragnar Tausen skoraði eftir innlegg úr vinstru, sigur Bill Jacobsen, sum í hvussu so er sunnu­dagin aftrat fer at hava ábyrgdina av TB. joannes@sosialurin.fo ítróttur fótbóltur effo-deildin upptakt Lagnuløta hjá klaksvíkingum Meðan tað mest sum er greitt, at HB og ÍF fara at taka sær av ovastu plássunum, so er tað væl tættari í botninum, har KÍ bara hevur vunnið eitt stig burtur úr seks teimum seinastu royndunum og tískil er fallið støðugt nærri strikuni Effodeildin støðan nr. lið dystir vunni javnt tapt + mál - mál +/- stig 1 HB 17 12 4 1 42 16 +26 40 2 ÍF 17 9 6 2 36 27 +9 33 3 EB/Streymur 16 7 4 5 31 21 +10 25 4 B36 17 4 9 4 26 21 +5 21 5 NSÍ 16 5 5 6 23 26 -3 20 6 KÍ 17 4 7 6 31 32 -1 19 7 Víkingur 16 5 4 7 20 28 -8 19 8 AB 17 5 3 9 23 35 -12 18 9 TB 17 3 7 7 17 27 -10 16 10 07 Vestur 16 2 5 9 16 32 -16 11