hósdagur 1. august 2013síða 30

Fríggjadagur 2. august 2013 · Nr. 87 30 Sosialurin Hugskot og viðmerkingar – send sms til 225000 ítróttur svimjing Bragdið er at koma í finaluna Eftir eitt torført ár er størsta føroyska ítróttarnavnið nakrantíð við at koma seg. Hann vísir nú tekin um framgongd og kláraði at svimja seg í finaluna í 800 metra frí. Tað kundi gingið betri, men havandi í huga torføra árið og nógvu broytingarnar, so er tað ótrúliga flott at hann er komin í finaluna Tróndur Arge Um vikuskiftið verður 1.500 meturin, sum er stóra styrkin hjá Páli Joensen. Megnar hann enn eina ferð at koma í finaluna, so hevur hann enn eina ferð prógvað, at hann er millum teir allar bestu í heim­inum. Pál og hini HM kapping er í hesum døg­um í katalanska býnum Barcelona. Tað eru ikki færri enn fýra føroyskir svimjarar við. Umframt navnframa Pál Joensen, so eru Poula Ø. Mohr, Birita Debes og Bartal Hestoy eisini við. Pál Joensen hevur eina svimjing eftir. Hon verður leygardgin fyrrapart, tá inn­ leiðandi svimjingarnar í 1.500 metrum frí verða. Eydnast tað Páli at koma í finaluna, so skal hann svimja aftur seinna­partin sunnudagin 4. august. Poula Øssursdóttir Mohr skal í dag svimja 50 metra firvald, meðan Bartal Hestoy sunnumorgunin skal svimja 400 metra blandað. Styrkin hjá Páli Leygardagin 3. august klokkan 10.49 byrja inn­leið­ andi svimj­ingarnar til 1.500 metra frí svimjingina. Pál er í riðli 3. Tað er serliga í 1.500 metr­ inum, at Pál Joensen hevur sína styrki. Her er hann mill­ um teir bestu í heim­inum, tá hann rakar dagin. Hann luttekur javnan í 800 metr­ um frí og til tíðir eisini í 400 metra frí svimjing til størri kapp­ingar, meðan hann til smærri kappingar sum eitt nú Oyggjaleikir og FM lut­ tekur í upp aftur fleiri svimj­ ingum. – Klárar Pál at koma í final­una, so er væl sloppið, sigur Rókur í Jákupsstovu, ferða­leiðari hjá føroysku svimj­ar­unum, úr Barcelona. Nummar sjey á 400 metrum Pál Joensen svam miku­kvøld­ ið í finaluni í 800 metrum frí. Her bleiv Pál nummar sjey, eftir at hann nakað tíðliga í svimjingini datt niður í mill­ um. Pál avgjørdi at svimja tað, sum verður rópt fyri »pace«. Tað er tá svimjarin heldur seg til eina ávísa tíð heldur enn at fylgja við hinum. Men komin út á 400 metrar gerst greitt fyri Páli, at hinir eru ov langt frammi og tí kláraði hann ikki at hála inn á teir fremstu aftur. – Um vit hyggja eftir trim­ um teimum bestu, so svimja teir góðar tíðir. Sun Yang kemur á mál við tíðini 7.41, meðan besta tíðin hjá Páli er 7.45. Tú kanst siga, at um alt glapp hjá Páli, so hevði hann kom­ið at kempa um triðja ella fjórða pláss – og helst fing­ið fjórða plássið. Tað er nokk ikki so týdningarmikið um hann blívur nummar fýra ella sjey, sigur Rókur í Jákups­stovu umvegis svimjing.com. Rókur er ikki í iva um, at bæði venjarin, Shannon Rollason, og Pál hava lært av svimj­ingini mikukvøldið. – Eg vænti ikki, at hann fer at leggja seg eftir at svimja sína egnu tíð aftur. Sjálvs­áltið er upp á pláss aftur og hann hevur lært av svimjingini mikukvøldið, sigur Rókur víðari. Kunnu vera errin Hini hava øll sett føroyskt met og tað er eitt bragd í sær sjálvum, at tey klára tað undir tí trýstinum, sum er her. Pál Joensen hevur svom­ið tvær tíðir, ið eru í heims­flokki í 800 metrum og vónandi kemur hann í final­una í 1.500 metrum. Vit kunnu so avgjørt verða errin av okkara svimjarum, sigur Rókur í Jákupsstovu, sum eis­ini letur væl at HM kapp­ ing­ini í Barcelona. Skuldi havt lagt harðari út Tað sigur Pál Joensen, sum mikukvøldið endaði á ein­um sjeynda plássi í 800 metra frí svimmingini í HM kappingini í Barce­ lona. – Eg skuldi havt lagt harð­ari út, men teknist kendist tað væl at svimja, sigur Pál við svenska sjón­ varpið. – Tað hevur gingið væl í seinastuni. Men tað hevur verið eitt sindur upp og niður. Eg havi millum ann­að skift venjara tvær ferðir, sigur Pál Joensen víð­ari. Pál er ikki nøgdur við avrikið mikukvøldið, men nú fer hann at fyrireika seg til 1.500 meturin, sum er um tveir dagar. – Tað gekk ikki so væl sum eg ætlaði í dag, men nú havi eg tveir dagar at fyririka meg í til 1.500 meturin. Nú fari eg bara at halda formin og teknikkin við líka til tá, sigur Pál Joensen. trondur@sosialurin.fo