hósdagur 1. august 2013síða 37

nr. 87 · 2. august 2013 5 Klokkan 14:36 leygardagin 11. februar í 1984 fikk løgreglan í Aarhus eina syrgiliga uppringing. Í hinum endanum av horninum var ein kvinna, sum segði, at hon júst hevði dripið barn sítt við einum knívi. Hvat motivið var, segði hon einki um. Kvinnan æt Marianna Tromholt og var 33 ára gomul. Hon var gift við Nils Malmros, filmsleikstjóra og mamma felags barn teirra, Anne, sum bert gjørdist níggju mánaðir gomul. Eftir drápið varð hon innløgd á Psykiatrisk Hospital í Risskov, har hon longu var innskrivað. Um vikuskiftið hevði hon tó verið heima. Dagin eftir varð hon varðhaldsfongslað »in absentia«, tá hon sambært læknunum á sálarsjúkrahúsinum var so merkt av hendingini, at hon ikki kundi møta upp í rættinum, har hon varð skuldsett fyri manndráp. Vegna støðu hennara kravdi ákærin, at hon var afturhildin á sjúkrahúsinum, til hon kundi setast fyri ein dómara. Tað skuldu so verða í seinasta lagi 29. februar. Rætturin setti fram navnaforboð, sum merkti, at hvørki navnið hjá Marianne Tromholt ella hjá barninum kundi nevnast, ella at samleikin hjá familjuni varð avdúkaður. Seinni varð hon dømd í viðgerð – og var í viðgerð í hálvtannað ár. Marianna varð skuldsett fyri morð Nýggjasti filmurin hjá danska filmsleikstjóranum Nils Malmros, »Sorg og glæde«, snýr seg um ræðuliga sorgarleikin, tá kona hansara í 1984 drap níggju mánaðir gomlu dóttir teirra