týsdagur 6. august 2013síða 6

Mikudagur 7. august 2013 · Nr. 89 6 Sosialurin Hugskot og viðmerkingar – send sms til 225000 tíðindi Ein ótrúliga góð kensla Tað sigur Livar Nysted, sum mánadagin seinnapart setti nýtt heimsmet við at rógva úr Australia til Mauritius eftir 57 døgum, sum er tveir dagar færri enn undanfarna metið. - Nú skal verða gott at slappa av í nakrar dagar, sigur Livar Nysted Leo Poulsen Tað var ein góð kensla, ið Livar Nysted sat við, tá hann var komin á land á Mauri­ tius. – Kenslan kann ikki sigast við orðum, men tað er ein ótrúliga góð kensla, sigur Livar Nysted. Tað hevur sett síni spor at rógva ein so langan tein. – Eg eri ógvuliga móður og troyttur, men tað er ein góð møði. Tú koyrir í einum slagi av rúsi beint í løtuni, men eg eri troyttur, tað eri eg, sigur Livar Nysted. Tað hevur verið útvið tveir mánaðir av konstantari rógving. – Vit hava róð meðan øll føroyska kapprógvingin hev­ ur staðið upp á, so tú kanst ætla, at tað hevur verið hart, sigur Livar Nysted. Talan hevur verið um 57 dagar á sjónum og 6500 kilometrar hjá Livari Ny­sted og hinum báðum monn­un­um. – Eg dugi ikki at siga, hvar styrkin kemur frá, men hetta er nakað, eg tími ógvuliga væl og nakað, sum mær dámar væl. Men styrkin at gera tað. Tú skal heilt vist vera rættiliga tvørur, men um tú tímir tað, tú fer í holt við, so skal tað nokk ganga, sigur Livar Nysted. Hann heldur, at talan er um eitt stórt ævintýr. – Tað hevur verið ógvuliga spennandi, og eg haldi, at hetta hevur verið akkurát nakað fyri meg, sigur Livar Nysted. Ivi var sáddur um Livar og hinir báðir veruliga høvdu sligið heimsmetið, men har er Livar ivaleysur. – Vit hava tosað við Ocean Rowing Society, og hava fingið at vita, at heimsmetið er góðtikið. Vit komu ikki á somu strond, har undanfarnu methaldararnir komu, men tað er bert fáar kilometrar haðani. Men tað er stórur munur á kortini, tí teir, sum settu metið í 2009, róðu tvørtur um eina linju, sum var sett millum tvær oyggjar, meðan tað varð kravt av okkum, at vit skuldu rógva heilt á land, sigur Livar Nysted. Hetta forðaði teimum tó ikki í at seta nýtt heimsmet. Hálvt kilo av sjokolátu Tað var mánakvøldið, at Heri Simonsen fekk orðið á Livar Nysted, og hann segði, at teir ætla sær at rógva hesar fáu kilometrar týsmorgunin. – Tað skal eingin ivi verða Livar Nysted var umborð á 8,8 metur langa bátinum Rio í góðar 57 dagar Her eru Livar og hinir báðir umborð á bátinum Trio júst komnir í land í Grande Baie á Mauritius, eftir at hava siglt slakar 7.000 km í góðar 57 dagar Myndir: trip.fo