týsdagur 6. august 2013síða 7

7 Mikudagur 7. august 2013 · Nr. 89 Sosialurin Hugskot og viðmerkingar – send sms til 225000 um, at vit ætla at koma á tað staðið eisini, staðfestir Livar Nysted. Kona Livar, Svanna Ny­ sted, var farin alla ta longu leið til Mauritius at taka ímóti manninum. – Tað var fantastiskt at síggja hana standa har. Nú var tað myrkt, tá vit komu til lands og tað var á einari strond, har vit máttu vassa í land, og nógv fólk var har. So tað var eitt sindur serligt, sigur Livar Nysted. Teir slappaðu av mána­ kvøldið, men fóru so aftur í bátin týsmorgunin. – Bara fyri at rógva tað seinasta strekkið, fyri okkara egnu skuld eisini, so eingin skal seta spurnartekin við, um vit hava róð allan vegin ella ikki. Men Ocean Rowing Society hevur ringt til okkum og ynskt okkum tillukku við heimsmetinum, sigur Livar Nysted. Tað krevst góður kostur at rógva ein so langan tein. – Tað var eitt sindur keði­ ligt, men eg kann siga tær, at vit høvdu 2000 sjokoláta­ stengur við okkum, mars og snickers. Og vit høvdu rokna tað út at skula vara í tríggjar mánaðir, men tað er alt etið upp við rubb og stubb, vit ótu tað síðsta í dag, sigur Livar Nysted. Hin føðin hevur verið turrfóður, sum teir hava blandað upp við vatn, og teir hava etið rættiliga nógv á ferðini. – Vit hava etið eitt hálvt kilo av sjokolátu um dagin, og fleiri døgurðar, so vit hava etið nógv, sigur Livar Nysted. Men tú forbrennur nógv undir einum slíkum túri, og tí er eisini neyðugt at eta nógv. Saknað føroyskan mat Tað eru ikki tær villu ætl­ anirnar, ið liggja fremst í huganum hjá hvanna­sunds­ manninum. – Fremsta ætlanin hjá mær er at koma aftur til Føroya. Beint nú hugsi eg als ikki um rógving, men bara um at slappa av. Í morgin skal eg so hava seinasta strekkið upp á pláss, og síðani er ætlanin at njóta nakrar dagar her niðri, áðrenn leiðin verður løgd heim til Føroya aftur, sigur Livar Nysted. Hann hevur saknað før­ oyskan mat á ferðini. – Eg havi saknað grind og ræstan fisk á ferðini, so tað verður okkurt sovorðið, eg fari at forlanga, tá eg komi heim, sigur Livar Nysted. Hann takkaði eisini fyri lukkuynskini, ið Heri Sim­ onsen sendi vegna Miðla­ húsið og Rás2. – Eg má takka tykkum fyri, at tit hava tímað at varpa ljós á hesa ferðina, sigur Livar Nysted. Hann nýtti eisini høvið at senda eina heilsan heim til mammu sína, systkinini og ikki minst til børnini. – Eg gleði meg ótrúliga nógv at síggja øll aftur, og um nakrar dagar verði eg so eisini heima í Føroyum aftur, sigur Livar Nysted, sum hevur sett nýtt heimsmet við at rógva frá Australia til Mauritius eftir 57 døgum, sum er tveir dagar minni, enn ein manning upp á átta setti í 2009. Túrurin um Indiska Havið Túrurin byrjaði á vestur síðuni av Australia í býnum Geraldtonm, sum liggur smáar 400 kilometrar norðanfyri Perth. Málið var Port Luis á oynni Mauritius, ein teinur uppá 6500 kilometrar á opnum havið. Umframt Livar taldi manningin umborð á bátinum RIO, ið er 29 føtur, eisini Maxime Chaya úr Libanon, sum var skipari á túrinun, og Stewart í ein 33 ára gamal bretið og Livar. Teir báðir Stewart og Livar hava áður róð um høv, men tað hevur Maxime ikki. Hann hevur hinvegin verið á øllum teimum hægstu tindunum í teimum sjey heimspørtunum, umframt at hann hevur verið á bæði suður- og norðurpólin. Um Livar Livar Nysted (1970) býr í Hvannasundi, er giftur Svannu og tey eiga fýra børn, Jónu, Joan, Tóru og Ronju. Livar hevur róð kapp í mong ár og hevur millum annað vunnið trý Føroyameistaraheiti. Men tað er fyri túrarnar á víðopnum havi, at Livar er vorðið eitt kent andlit í Føroyum. Í 2005 royndu hann og tríggir vinmenn at rógva til Hetlands. Henda royndin miseydnaðist, tí teir máttu gevast vegna veður bara 18 fjórðingar frá málinum. Í dag, átta ár seinni, hevur Livar róð tvær ferðir um Atlantshavið. Fyrra ferðin var umborð á Artemis Investments frá New York til Scilly Oygjarnar í 2010, har teir settu tvey heimsmet. Seinni túrurin var fyrr í ár, tá hann saman við sjey øðrum róði av Kanarisku oyggjunum til Barbados. Nú hevur hann so róð tvørtur um Indiska Havið – eisini her var Livar við at seta heimsmet. RIO á víðopnum havi Maxime, Livar og Stewart