týsdagur 6. august 2013síða 10

Mikudagur 7. august 2013 · Nr. 89 10 Sosialurin Hugskot og viðmerkingar – send sms til 225000 tøkni Eitt ættarliðsskifti er ávegis. Ungfólk keypa plátur og plátuspælarar við fullari ferð. Fleiri handlar hava trupult við at nøkta eftirspurningin, og hjá fleiri innflytarum er eingin plátuspælari á goymslu. Hetta hóast úrvalið ongan tíð hevur verið størri enn tað sama. Í Bretlandi stríðast tey av øllum alvi at gera nóg nógvar spælarar til støðugt vaksandi marknaðin, og nógva staðni eru fólk á bíðilista, tí tey vilja hava RP3, sum er metseljarin hjá Rega. Okkurt sigur mær, at hetta eisini verður støðan við RP8, sum ikki bara er dýrasti spælarin hjá Rega, men sum eisini hevur eitt tað mest nýskapandi sniðið, sum vit hava sæð. Roy Gandy hjá Vega hevur altíð verið forsprákari fyri, at ein plátuspælari ikki nýtist at viga 30 kilo ella at hava framkomna fjaðraskipan fyri at ljóðið skal verða tað besta. Ein stívur kassi við lágum massa er ofta betri. Saman við einum góðum tónaarmi er grundin til eitt kostnaðarnyttugt og væl ljóðandi sniði lagað. Og fleiri Planar- grammofonir frá Rega hava prógvað, at uppskriftin riggar. Og hetta sæst betur enn nakrantíð við nýggja Rega RP8. Her er plátuspælarin býttur upp í innara og ytra chassis. Sum so ikki serliga originalt, men loysnin hjá Rega er sjálvandi ikki tann sama, sum onnur nýta. Serstøk loysn Tey bæði chassis’ini hava einki samband við hvørt annað, og tey hava hvør sína uppgávu. Ytri kassin hevur bert eittan endamál, og tað er halda dustlokinum upp á pláss. Hartil er hann sniðgivin, so hann líkist einum svørtum RP6. Lyftur tú lokinum sæst alt fyri eitt, at hetta er nakað serligt. Innan er ein ramma, ið er skorin til, so hon líkist tveimum trianglum, ið liggja oman á hvørjari aðrari. Massin er sera lágur. Ikki bert tí Rega hevur skorið alt óneyðugt burtur, men eisini tí ramman er gjørd úr serliga løttum tilfari. Ein skúmkjarna av polyolefin er klødd við fenol og styrkt við eini fenl- og magnesiumrammu í erva og í neðra. Hetta sandwich-sniðið vigar bert 1/7 av tí, sum ramman í einum Rega P3, og hon er samstundis stívari og meira deyð. Resonansir – eisini av ljóðbylgjum – verða doyvdir betur, og tá dustlokið ikki nertir við innaru konstruktiónina, kann tað nýtast alla tíðina, uttan at hetta ávirkar ljóðið. Plátuspælarin kann nýtast uttan ytru rammuna, men tá er nálin ikki vard. Við í kassanum er eisini ein TT PSU løðari við 33 1/3 og 45 ferðskiftara, sum rekur ein 24 volt motor uttan bustir. Plátuspælarin hevur nyggja RB808 tónaarmin hjá Rega, sum er ein víðarimenning av nýggju konstruktióninii við góðari tolerancu og betraðum upphangi. Ein serligur kaðal, sum Rega hevur ment, hongur í endanum á armstøðini. Ein lamineraður glasdiskur, har massin í miðuni er so lágur, sum til ber – meðan massin ytst á diskinum er so høgur, sum gjørligt – hvílir á einum reimdrivnum innara diski úr lættmetali. Upploysn og dynamikkur Plátuspælarin sjálvur kostar á leið 17.000 krónur. Ein sera kappingarførur prísur, um sammett verður við onnur í sama flokki. Hann fæst eisini við framúr góðu Apheta MC-pickup. Hesa hevði okkara test-eintak, og tá er prísurin á leið 24.000 krónur, og tað er framvegis sera kappingarført. Til sammeting kostar in Linn Majik KP12 25.000 krónur, og er pickup’in munandi verri, eins og tónaarmurin er væl einfaldari. Vit settu plátuspælarin til somu útgerð, sum vit nýttu til tríggjar ferðir so dýra McIntosh MT10. Japanska stoypingni av Love Over Gold hjá Dire Straits varð sett á, og skiftið millum MT10 og RP8 gav eina ikki so lítla aha-uppliving. Autoriteturin og fyllan hjá McIntosh hvarv, men ístaðin kom eitt hvassari fokus og betraðir smálutir í ljóðmyndini. Tað tykist, sum er ljóðmyndin hjá Rega nakað tynri. Hitin í guitarspælinum var burturi, og vokalurin var nakað ljósari, men tað munaði væl, tá trummuspælið kom fram. Dynamikkurin í ljóðinum var fantastiskur! Vektin handan trummutónarnar var munandi størri, og dynamikkurin var nógv betri enn á spælaranum hjá McIntosh. Tónala javnvágin er kanska løtt við fokus á innligt, smálutir og dýpi. Opna ljóðmyndin gevur ikki bert innlit, men eisini eina 3D-effekt, sum tú snøgt sagt kanst gloyma, tá talan er um MP3-fílur. Í diskantinum er pickup’in hjá Rega fínari og fjølbroyttari enn Clearaudio-klónan, sum McIntosh nýtir. Strúkarar ljóða klárari, meðan cello og kontrabassur tykjast lættari. Hetta tí Rega- spælarin ikki megnar somu fyllu og hita, sum MT10 klárar. Meðan lurtað verður eftir uppsamlingini Quit Winter Night frá 2L við Hoff Ensemble og øðrum listafólkum hugsaði eg um, hvussu nógv luft var undir tónunum frá lp’ini. Minstu frávikini gjørdust ein týðiligur partur av ljóðmyndini: Eg hoyrdi Helen Bøksle anda millum orðini, vokalurin hjá Sondre Bratland vóru sólarklárir, og eg svørji uppá, at eg hoyrdi, meðan dropar av spýtti raktu messingið á trompetini hjá Mathias Eick. Knallandi skjótt kemur frapperandi dynamikkurin til sjóndar. Vánaligar innspælingar gerast betri við RP8, tær góðu gerast fantastiskar. Hóast plátuspælarin altíð gevur eina kritiska og greinandi ljóðmynd, er hann samstundis nóg neutralur, soleiðis at tónleikurin eisini livur sítt egna lív. Hann gerst ikki tvørur og forðandi, bara tí lp’in er vánalig. Tónleikurin flýtur lætt. Eingin forðing tykist vera, og alt tykist sum eitt spæl hjá Rega-spælaranum. Trios Still Live hjá Keith Jarret verður ein sonn njótan. Smáu nertingarnar við whiskarunum eru metal- kendar og vektleysar í senn. Kontrabassurin togar væl í brøkurnar, og spælið hjá Jarret flýtur úr Steinway flyglinum sum heitur hunangur. Við tónleikinum í hásæti er tøknin ikki so týdningarmikil, og Rege RP8 er eitt dømi í so máta. Her er tøknin skapt fyri tónleikin, og ikki bert fyri tøknina sjálva. Væl givnir pengar Yvirskipaða málið, sum skal røkkast, minnir meg um eina Formel 1 kappkoyring. Alt snýr seg um at verða fyrstur á mál. Hvør smálutur hevur týdning. Soleiðis upplivi eg esini Rega RP8. Einki er av tilvild. Og so er hetta eisini ein tann best gjøgnumførdi plátuspælarin, sum eg havi roynt. Hetta er ikki ein grammofon til teirra, sum gerast heit av forkromaðum stáli, gjøgnumskygdum og blankum akryl og stórari vekt. RP8 er ein plátuspælari til brúkaran, sum einvíst hugsar um at fáa sum mest av tónleiki burtur úr rillunum, og sum fegin vil gjalda eyka fyri hetta – tó at hann ikki vil gjalda fleiri mánaðarlønir. Mált eftir hesum er Rega ein av teimum hig-end(-ish) spælarunum, sum avgjørt gevur tær størst virði fyri pengarnar. Minst til: Einki er av tilvild. Tað hoyrir tú alt fyri eitt. Formel 1 í menning Við merkisverdari og framúrskarandi sniðgeving hevur Rega ment ein plátuspælara, sum ljóðar fult so væl, sum hann sær út Lasse Svendsen SERLIGA VIÐMÆLT 22.995 kr. samsung.dk Meting ★★★★★★ + - Opin og fokuserað ljóðmynd. Høgur dynamiskur kontrastur Einastandandi tøkni Sær mest sum ov bíligur út Vegleiðandi prísur: