mánadagur 12. august 2013síða 55

vika 33 l 12. august 2013 Ókeypis lýsingarblað 23 Regatta & Ovastevna Vikutema Ovastevnan brýtur upp úr nýggjum - Eitt atgongugjald á 200 krónur merkir, at mest sum alt verður ókeypis á ovastevnu, samstundis sum tónleikurin fer at spæla ein nógv størri leiklut á stevnuni enn undanfarin ár, sigur Unn Sørinardóttir, forkvinna í Stuðulsnevndini fyri Svimjihyli í Nólsoy Leo Poulsen Ovastevna verður komandi vikuskifti, og hon fer at verða nakað ørvísi enn undanfarin ár. – Í høvuðsheitinum fara vit at krevja eitt atgongugjald fyri at sleppa á ovastevnu, og í øðrum lagi fara vit at leggja størri dent á tónleikin, sigur Unn Sørinardóttir. Tað merkir so hinvegin, at so at siga alt verður ókeypis á stevnuni. – Tað verða tvey stór barnalond, eitt á Flakavirkinum og eitt heima í bygdini, og tað einasta, ið neyugt verður at rinda fyri, er kabarettin, og so tað, ein etur og drekkur á stevnuni, sigur Unn Sørinardóttir. – Tað ber til at keypa atgongumerki á keiini í Havn, á keiini í Nólsoy og í tjaldinum á keiini har heima í bygini. – Orsakað av hesum verða munandi fleiri vaktir á ovastevnu í ár, í mun til undanfarin ár, sigur Unn Sørinar­dóttir. Kostnaðurin at sleppa á ovastevnu í ár verður 200 krónur fyri vaksin og 100 krónur fyri børn. – Men tá verður eisini tey bæði stóru barnalondini, tivoli og ikki minst dansurin ókeypis, sigur Unn Sørinar­ dóttir. Barnalondini hava hoppiborgir og annað undirhald, ið er ætlað børnum. – So verður ein pallur settur upp á Nýggjaveg, har skipað verður fyri undirhaldi fyri børn. Har fer eisini Finnur Jensen at spæla og Hilmar Jan Hansen fer at undirhalda í sambandi við felagssangin, sum í ár verður á pallinum á Nýggjaveg, sigur Unn Sørinardóttir. Trygdin í hásæti Eins og á øðrum stevnum verður stórur dentur lagur á tygdina. - Vit hava aftur í ár fingið samstarv við samarittarnar, sum fara at hava dagtilhaldið í Nólsoy sum støð. Har verður eisini møguleiki at taka fólk inn, um eitthvørt er á vási, tað verið seg brotin limur ella líknandi, sigur Unn Sørinardóttir. Samarittarnir fara at ganga í bygd­ ini og halda skil á, um okkurt óvæntað skuldi hent. – Vit hava jú eisini ein sjúkrabil í bygdini, sum kann traðka til, um okkurt óvanligt skuldi verið á vási, sigur Unn Sørinardóttir. Eisini í sambandi við eftirlit av bátunum, sum eru við í regattasiglingini hjá Hósvíkar Róðrarfelag, verða stig tikin til eftirlit og vaktarhald. – Tað er Nólsoyar Bjargingarfelag, sum fer at skipa fyri vaktarhaldi í sambandi við bátarnar í regattini, og tað verður gjørt langt út á náttina, sigur Unn Sørensen. Eisini í aðrar mátar verður bundið um heilan fingur, tá tað ræður um trygdina. – Lív Rescue fylgir við regattaini úr Hósvík og fer at liggja í Nólsoy til út á sunnudagin. Hann verður so eisini klárur at skipa fyri sjúkraflutningi til Havnar, um illa skuldi borið til, sigur Unn Sørinardóttir. Men trygdin steðgar ikki har. – Tað verða bæði brandmenn og politistar til staðar á ovastevnu, og eisini fara limir í H71 at hjálpa til við trygdini, tí tað er nakað, vit leggja stóran dent á, sigur Unn Sørensen. Nýtt og gott gamalt Nógv verður av tí góða gamla á ova­ stevnu, og har kunnu nevnast fót­ bóltsdystirnir. – Tað var upp á tal at seta dansi­ tjaldið upp á fótbóltsvøllinum, men vit hugsaðu, at tað fór at vera spell, um fótbóltsdystirnir ikki vóru við, so vit gjørdu av at seta tjaldið úti á Klivum, omanfyri Flakavirkið, sigur Unn Sørinardóttir. Seinastu árini hava B36 kvinnur skipað fyri einum kvinnudysti, stund­ um móti AB kvinnum, og stundum móti øðrum B36 kvinnum. – Í ár verður tað soleiðis, at kvinnu­ dysturin verður millum B36 old girls og B36 young girls. Og so verður traditiónsríki dysturin millum yngri og eldri tónleikarar, sum Terji Rasmussen skipar fyri, sigur Unn Sørinardóttir. Tivoli verður sum vanligt, og so verður barnalandið nógv størri enn udanfarin ár, og í tveimum støðum í ár. – Og so verður vælumtókti loppu­ marknaðuri aftur í ár. Hann verður í Avhaldshúsinum, og tað er nakað, sum verður sera væl vitjað á ovastvnu, sigur Unn Sørinardóttir. Annars verður tað mest vanliga aftur at síggja á ovastevnu í ár. – Framsýningin í ár í Missións­ húsinum verður hesaferð í sambandi við, at Nólsoyar kirkja hevur 150 ár á baki, og sýnt verður fram eitt breitt úrval av myndum og lutum, ið hoyra kirkjuni til, sigur Unn Sørinardóttir. Og tað verður borgarstjórin, Heðin Mortensen, sum fer at seta stevnuna undir Mikkjalsveggi klokkan 14 leygar­ dagin.