mánadagur 19. august 2013síða 21

21 Mánadagur 19. august 2013 · Nr. 94 Sosialurin Hugskot og viðmerkingar – send sms til 225000 ítróttur Víkingur 3 (1) 07Vestur 1 (1) Hilmar Jan Hansen Tað var ikki fyrr enn í allar­ seinastu minuttunum, at Víkingur fekk tryggjað sær sig­ur­in á heimavølli ímóti 07 Vestur, so ikki var tað sørt, at tað stóð eitt sindur á gomlum nøglum í Sarpugerði í gjár, tí fleiri mundu hava í huga, at fyrr í ár hevði 07 Vestur altso megnað ein 2-2 javnleik har. Men í evstu løtu komu for­ loysandi málini, og skuldi tað vísa seg, at Hanus Jacobsen bleiv lykilin til sigurin, tí tríggj­ar minuttir fyri tíð fekk hann lagt Víking á odda við einum langskoti, og tríggjar minuttir seinni sendi hann fríspark innfyri úr vinstru síðu, og har var Finnur Justinussen á blettinum, so heimafólkið kundi fáa rími­ liga vissu fyri, at nú var leyst og liðugt, eftir at tíðin bara hevði arbeitt ímóti. At tað ikki gekk so strúk­ andi hjá Víkingi, sum tað annars hevur gjørt síðstu tíðina, hekk kanska saman við, at liðið ikki var heilt tað sama, sum tað hevur verið. Kaj Leo í Bartalsstovu var ikki við, tí hann var niðri til royndarvenjing í Lyngby, og somuleiðis er Sam Jacobsen farin niðuraftur og Dánjal Pauli Lervig hevði karantenu. Hin­vegin er Sverri Jacobsen komin við aftur. Fult uppiborið – Sigurin var fult uppiborin, tí vit vóru betri enn teir á øllum økjum, sjálvt um 07 Vestur spældi væl. Men tað bleiv kanska ríkiliga spenn­ andi fyri okkum, segði lið­ for­maðurin hjá Víkingi, Atli Gregersen, og sipaði til tey bæði seinu málini, ið blivu for­loys­andi fyri teir ljósa­ bláu. – Tað var nokk so nógv kríggj á miðjuni, men hin­ vegin var eingin ivi um, hvør skuldi vinna dystin. Teir høvdu nakrar øgiliga treiskar verju­spælarar, sum øgiliga leingi megnaðu at hanga í okk­um. Liðformaðurin hjá 07 Vestur, Tór-Ingar Akselsen, var tó ikki heilt samdur, tí hann helt ikki, at dysturin bara lá til Víking. – Eg helt, at innsatsurin var øgiliga góður, og at vit til tíðir spældu væl. Vit komu á odda, men so skoraðu teir eitt heppið mál beint aftaná, so teir kundu koma afturíaftur, hóast teir høvdu eitt sindur av pressi tá. Men eftir steðgin royndu vit at halda fram upp á sama máta, og sjálvur hevði eg ein øgiliga stóran kjans, segði hann. – Teir spældu nokk so primitivt, tí teir fóru út á kantin og løgdu innfyri alla tíðina, men vit vardu væl fyri. Og ímóti endanum var tað upp á eitt langskot, at teir skoraðu aftur. Eg haldi, at vit gjørdu ein góðan innsats, men sum ikki einaferð, so vóru vit óhepnir at fáa mál ímóti okkum. Mugu bara verja Tað var eina løtu fyri steðgin, at 07 Vestur legði seg á odda í Sarpugerði. Hetta hendi eftir eitt stutt tikið hornaspark, og so var bólturin sendur innfyri, har Gunleif Olsen stóð púra leysur við aftaru stong og bara skuldi seta høvdið á. Hetta var ein øgi­ ligur hvøkkur fyri gøtu­fólk og leirvíkingar, tí nú kundi dysturin brádliga farið at mint um tann fyrra millum lið­ini, sum jú endaði við javn­ leiki. Men bara fýra minuttir fyri hálvleik kom Víkingur afturí­aftur, tá Magnus Jarnskor vísti, at tað var klókt av venjaranum at geva sær kjansin, nú fleiri ikki vóru við. Hann breyt ígjøgn­ um og royndi seg við skoti, sum Andras Gango bara fekk hálvbjargað, og so var Sølvi Vatnhamar klárur at koyra leysa bóltin inn til 1-1. – Okkara uppgáva var so at verja tað, vit høvdu fingið. Og tað er soleiðis, vit spæla, at vit mugu bara royna at verja og so vóna, at vit fáa onkrar kjansir. Men tá teir so fingu málið til 2-1 ímóti enda­num, var alt avgjørt, segði Tór-Ingar Akselsen, ið ann­ars mátti síggja besta mann­in hjá 07 Vestur, Jovan Panic, fara út við skaða, tá sjey minuttir vóru eftir. Harvið mistu vágamenn nógv av tí skapandi, ið kundi gera Víkingi fortreð, og Atli Gregersen mátti eisini ásanna, at tað hevði fyri ein part eydnast 07 Vestur. – Nakrar ferðir blivu teir vandamiklir upp á umstill­ ingar, og teir dugdu at gera tað trupult fyri okkum, men allíkavæl haldi eg ikki, at nakar ivi var um vinnaran, stað­festi liðskiparin hjá Víkingi, ið hesa ferð ikki yvir­ hálaði nakran á stiga­talv­uni, men tó kom upp undir liðina á EB/Streymi. hilmarjan@sosialurin.fo Víkingur herjar enn Tað tók sína tíð, men ímóti endanum eydnaðist Víkingi at fáa hálað stigini í land á heimavølli ímóti 07 Vestur, ið vardi væl og eisini megnaði at hótta viðhvørt. Og tað kløkkaði teir ljósabláu, at gestirnir løgdu seg á odda í fyrra hálvleiki Víkingur - 07V 3-1 (1-1) 0-1: Gunleif Olsen, 37. 1-1: Sølvi Vatnhamar, 41. 2-1: Hanus Jacobsen, 87. 3-1: Finnur Justinussen, 90. Dómari: Dagfinn Forná Venjaraskifti so tad baskar. Flott avrik av unga Magnus Jarnskor í fyrsta Effodysti sínum Besta SMS'ið um dystin í Triða Hálvleiki: Myndir: Álvur Haraldsen Fimm til ÍF og tvey til KÍ Sjálvt um teir mistu sigurin ímóti KÌ ímóti dystarenda, so kunnu ÌF-spælararnir verða rættiliga væl nøgdir við úrtøkuna ímóti KÍ í hesum kappingarárinum. ÌF fekk í ár 5 stig ímóti KÌ. Dystirnir í Fuglafirði endaðu 3-3 og 3-1 til ÌF, meðan dysturin í Klaksvík endaði 2-2. Tvey ár aftrat 31 ára gamli landsliðsspælarin, Atli Gregersen, hevur longt sáttmálan við Víking í tvey ár aftrat, so hann spælir við teimum ljósabláu til og við kappingarárið 2015. Atli hevur spælt 216 dystir fyri besta liðið hjá Víking og skotið 10 mál, og somuleiðis hevur hann spælt 21 A-landsdystir fyri Føroyar. fótbóltur Andras Gango Petur G. Dalbø Emil Mikkelsen Torstein Mýlingstind Gunleif Olsen Jovan Panic Eli F. Nielsen ■ (Uni F. Nielsen, 83.) Tór-Ingar Akselsen Jákup S. Olsen (Hørður H. Johansen, 71.) Holgar Durhuus (Høgni E. Nielsen, 77.) Ibrahima Camara Geza Turi Atli Gregersen Erling D. Jacobsen ■ Bárður J. Hansen Hanus Jacobsen Magnus Jarnskor ■ Sverri Jacobsen (Heðin Hansen, 79.) Jann Ingi Petersen Sølvi Vatnhamar Filip Djordjevic (Hjartvard Hansen, 57.) (Martin Olsen, 69.) Finnur Justinussen