mánadagur 19. august 2013síða 42

vika 34 l 19. august 2013 Ókeypis lýsingarblað 10 seinsummardagar á sandi Lokalar kreftir á málningaframsýning Tað verða fólk av Sandi og úr Sandoynni, sum fara at sýna fram sína list á seinsummardøgunum á Sandi Vilmund Jacobsen Tað er altíð áhugavert at síggja, hvat kreativ fólk kunnu fáa burtur úr. Soleiðis verður eisini, tá málninga­ fram­sýning verður í Gamla skúla á Sandi fríggjadagin og leygardagin. Her verða fólk, sum hava fingist við málinga­list – og eisini fólk, sum í listarligum høpi eru nýggj undir sólini. Av Sandi verður sagt, at her rokna tey við eini áhugaverdari og for­vitnisligari framsýning, har eini seks ella átta fólk alment fara at sýna fram sínar listarligu gávur. Úr skránni fyri seinsummardagar á Sandi eru eisini kappingar fyri børn og vaksin Leygardagin millum klokkan 13 og 15 verður skipað fyri fiski­kapp­ing fyri børnum Úti í Støð. Lítið er at ivast í, at hetta verður ein áhugaverd løta, har børnini sleppa at royna seg við tráðuni. Vaksin skjóta Tá fiskikappingin er liðug, fer Skjóti­felagið í oynni at skipa fyri skjótikapping, sum verður teir báðar tímarnar millum klokkan 15 og 17. Klokkan 19 verður steypa­ handan í Virkinum fyri hesar báðar kapp­ingar. Børn at fiska og vaksin at skjóta Ein av kendu málarunum í Sandoynni í løtuni er Einar Joensen í Skopun Fríggjadagur 23. august: 17.00 - 20.00 Málningaframsýning í Gamla Skúla 17.30 - 18.30 Jákup Veyhe lesur nýggjar partar úr Mórugøtu, í Sands skúla 19.00 - 21.30 Barnadiskotek 20.00 - 21.00 Konsert í Sands kirkju, við Rana Nolsøe og Ingibjørg Hansen 23.00 - 02.30 Diskotek Leygardagur 24. august: 10.00 - 12.00 Morgunmatur á Mørkini Miklu 12.00 - 21.00 B71 skipar fyri hoppiborgum, Candy Floss, popcorn og annað, á Ljósafløtti 12.00 - 18.00 Sølutorg, ymisk matsøla og annað í Virkinum 13.00 - 14.00 Vinnufelagið skipar fyri fyrilestri við Ben Arabo á Mørkini Miklu 13.00 - 15.00 Fiskikapping fyri børn Úti í Støð 14.00 - 18.00 Grótteigar og Koyta hava opið 14.00 - 16.00 Listasavnið hevur opið 14.00 - 18.00 Málningaframsýning í Gamla Skúla 15.00 - Katarina Nolsøe og Hans Tórgarð framføra »Keisarans nýggju klæði« 15.00 - 17.00 Skjótifelagið skipar fyri skjótikapping 15.00 - 17.00 Bygdatúrur við Jógvan Nicodemussen 17.00 - 21.00 Virkið selir leskiligar seinsummarbúffar, saman við ymiskum barnamatskráum 19.00 - Steypahandan í Virkinum 21.00 - 22.30 Bál og felagssangur Niðri á Hamri, um viðrar 23.00 - 04.00 Dansur í Virkinum við Hans Jacob Hjelm og Vinmonnum Skrá Høvi verður at vitja forvitnisligu søvnini Nógv ymiskt verður á skránni á Sandi, nú Sands kommuna saman við áhugabólkum á Sandi og í Sandoynni skipa fyri seinsummardøgum Vilmund Jacobsen Tað er Sands kommuna, sum bjóðar morgunmat, B71 sum skipar fyri ymiskum til børn­ini, eitt nú hoppiborgum, candy­floss og øðrum. Ungmanna­felagið Virkið skipar fyri sølu­torgi, matsølu og dansi. Hanna á Reynatúgvu, leið­ari á Sandoyar Kunningar­stovu, sigur, at søvnini á Sandi – Norðara Koyta og Grót­teigar – fara at hava leingi opið, og her er okkurt ser­ligt á skránni. – Eitt nú verður gamli handilin á Grótteigum opin, har gamlar myndir verða víst­ar fram og høvið verður at fáa ein kaffimunn. Á Listasavninum fara Katarina Nolsøe og Hans Tór­garð at framføra barnaleikin – Nýggju klæði keisarans.   Grótteigar og Koyta Hanna á Reynatúgvu vísir á, at tað var Mortensen á Tvør­oyri, sum bygdi handilin á Grótteigum seinast í 1850- unum, beint eftir at eina­handilin varð avtikin. Í byrjan­ini varð handilin rikin av monn­um úr Havn og fyrsti sand­ingur, sum rak handilin, var Mourits Mohr.  – Tað var á heysti í 1988, at Sands Bygdasavn keypti húsini í norðaru Koytu. Á vári í 1989 varð farið undir at seta húsini í stand, men av tí, at húsini høvdu staðið tóm í meiri enn fimmti ár, mátti stór­arbeiði gerast. Hon sigur, at í dag eru hús­ini í góðum standi og verða nýtt sum bygdasavn. – Í Koytu er ein av mongu gomlu býlingunum á Sandi, og í seinnu helvt av 17. øld bú­settist maður úr Hesti, nevndur Rasmus Jákupsson, í Koytu, sigur Hanna.   Listasavnið gáva Listasavnið á Sandi er gáva, sum er latin av Sofusi Olsen. Savnið er eisini karmur um listina, sum hann savnaði gjøgnum eitt langt lív. – Í savninum eru útvald lista­ verk eftir yngri og eldri føroyskum listafólkum, eitt nú eftir S. Joensen Mikines, Poul Horsdal, Elinborg Lutzen, Jack Kampmann og Frimod Joensen umframt nógv lista­verk av Ingálvi av Reyni, sigur Hanna á Reynatúgvu, kunn­ingar­leiðari, sum annars vísir til áhugaverdu og forvitnisligu skránna fyri seinsummardagarnar.