mánadagur 19. august 2013síða 44

vika 34 l 19. august 2013 Ókeypis lýsingarblað 12 vikustólurin Gleðir meg at røkka málum, eg havi sett mær Lýs teg sjálvan við trimum orðum: Positivur, miðvísur og tolin. Hvat merki er bilur tín? Havi ongan bil Hvat merki er telefon tín? Eg havi eina Apple Iphone 4 Hvat er tín besta summarfrítíðaruppliving? Har eru nógvar, men skal eg siga eina, so er tað oyggjaleikirnir á Bermuda 2013. Ítrótturin gekk ótrúliga væl, og so var staðið bara heilt ótrúligt. Umframt allar kappingarnar og venjingar, so gjørdu vit millum annað eisini forbergsútleypan, kavaðu og lógu og slappaðu av á nøkrum fantastiskum strendum. Hvat orð ella hvønn setning nýtir tú oftast? Super Hvørjum hyggur tú eftir hjá hinum kyninum: Sjarmerandi, stuttlig at vera saman við, og so hevur útsjóndin nokk eisini eitt sindur at siga. Hvat ger teg í góðum lag? At verða úti í náttúruni við vinum ella familju er fantastist. Hvat stressar teg? At verða noyddur at gera nakað eg ikki tími ella onki at gera. Hvør er tín yndisrættur? Tað broytist rættiliga ofta, men í løtuni er tað allarhelst burritos. Bara har er nokk av kjøti, so er fínt! Hvat gleðir teg? At røkka málum, ið eg havi sett mær. Hvat var seinasta ynskið, sum tú fekst uppfylt? Tað var nokk fyri hálvu aðru viku síðani, tá eg fekk at vita, at eg var sloppin inn at lesa ítrótt á Københavns Universitet. Hvar arbeiðir tú? Í løtuni havi summarferiu og fari niður at lesa nú í august, men aftaná eg varð liðugur við student, arbeiddi eg á frítíðarskúlanum við Løgmannabreyt í 2 ár. Hví valdi tú at arbeiða innan júst hesa vinnu ella øki? Tað var fyrsta arbeiði eg fekk, so tað var bara av tilvild, at eg fór at arbeiða á frítíðarskúla. At eg valdi at verða verðandi har í tvey ár, er tí at eg fann útav, at tað er ótrúliga gevandi og stuttligt at arbeiða við børnum og fólki sum heild. Hvør er stuttligasta uppliving tín í starvinum? Har eru so nógvar, at eg ikki dugi at velja eina ávísa. Hvørjum tónleiki lurtar tú eftir? Mest avslappandi tónleiki. Hvat er besta uppfinningin og hví? Internetið er nokkso gott. Hvat er besta íløgan, tú hevur gjørt? Tað má nokk verða vátdraktin, eg keypti fyri nøkrum árum síðani og kavaraskeiðið, eg fekk fyri einum ári síðani. Hetta hevur ført við sær, at eg eri farin at elska at vera úti á sjónum rundan um Føroyar. Bæði at hoppa á sjógv frá ymiskum høgum støðum og kava niðri á botninum. Hvat er títt besta heimaráð? Ert tú troyttur, so fá tær ein powernap. Hevur tú nakað húsdjór? Nei, men eg havi altíð vilja havt hund. Hvat hevði tú gjørt, um tú vann eina millión? Fari at ferðast heimin runt, og goymt restina til eg einaferð fari at keypa hús. Hvat hevði tú gjørt, um tú vann tíggju milliónir? Tað sama og so keypt mær ymisk ting, sum eg droymi um, og givið familjuni eitt sindur burturav. Hvat er best við Føroyum og hví? Ótrúliga flott land við dejligum fólki, og so er man ongantíð serliga langt frá einari fantastiskari náttúru. Hvar ert tú um 10 ár? Tað er torført at siga, men planurin er at koma aftur til Føroyar einaferð, tá eg eri liðugur at lesa. Navn: Øssur Debes Eiriksfoss Besta summar­frítíðar­ uppliving var oyggja­ leikirnir á Bermuda 2013. Ítrótturin gekk ótrúliga væl, og so var staðið bara heilt ótrúligt