hósdagur 22. august 2013síða 37

nr. 96 · 23. august 2013 5 LØGMANSSTEYPIÐ Rólant Waag Dam rolant@sosialurin.fo Sigfríður, hvussu var Rúni sum leikari? – Rúni hevði nógvar dygdir, og hann broytti seg eisini nógv gjøgnum sína karrieru. At byrja við var hann ein fram­rættaður miðvallarleikari við einari øgiligari rennistyrki, men tey seinnu árini í HB varð hann tann verju­ kendi og spælstýrandi leikarin. Men tað var serliga arbeiðssemi og renniorkan, sum eyðkendi hann. Hann hevði eisini temperament. Og tá eg seinni spældi í móti Rúna, so gjørdi hann ómetaliga nógv fríspørk. Hann er nokk tann leik­ arin í Føroyum, sum hevur fingið fæst gul kort í mun til tað, sum hann hevur uppiborið. Men tað er helst tí, at hann sær so fittur út. Rúni, hvussu var Sigfríður sum leikari? Sigfríður var eitt ótrúligt talent. Hann hevði teknikk, sum fáur maður í Før­ oy­um hevur havt. Tað var heilt fan­ tastiskt sum tað lá væl fyri. Hann var eisini øgiliga skjótur, serliga á fyrstu metrunum. Hevði hann ikki givist so tíðliga, so hevði tað helst borið langt hjá honum. Hevði hann verið eitt sindur meiri viljasterkur, so hevði tað kanska eydnast. Sigfríður hevði astma, sum sjálvandi ávirkaði eitt sindur, men eg haldi eisini, at hann brúkti tað í so ofta, sum undanførslu. Hvat minnist tú best frá tíðina, ið tit spældu saman, Sigfríður? Vit spældu saman frá 1993 til 1996. Í 1995 vunnu vit steypakappingina, har Rúni gjørdi fyrsta málið. Tað var tað størsta hjá mær. Men vit komu eisini út í Evropa, har vit spældu tríggjar dystir, sum vóru rættiliga serligir, hóast úrs­ litini ikki vóru so góð. Vit høvdu eisini eina ómetaliga keðiliga uppliving í 1995, har vit mistu FM, tá GÍ skoraði í yvir­tíðini. Og Rúni? Ja, hasum eri eg samdur í. Men dysturin móti Riga stendur eisini frammaliga í minninum. Vit taptu 1-0 á útivølli og teir komu so henda vegin við egnum flog­ fari. Men tað var mjørki, so flogfarið setti seg ongantíð og soleiðis komu vit víð­ari. Síðani hevur ofta verið sagt, at skulu føroysk lið koma víðari, so má mjørki koma okkum til hjálpar. Sigfríður, hvussu er Rúni so sum venjari? – Vit eru neyvan so ólíkir báðir, tí vit hava somu útbúgving og hava verið í gjøgnum tað sama. Hann er sum venjari eins og hann var sum leikari. Tað er hart arbeiði fyrst og fremst, og so skal organisatiónin vera í ordan. Men Rúni dugir eisini at umstilla seg. Tá hann var í HB, tá hevði liðið bóltin nógv, men nú í EB/Streymi koyrir hann nógv upp á umstilling. So hann dugir væl at arbeiða við fólkinum sum hann hevur. Rúni, hvussu er Sigfríður sum venjari? – Sigfríður er ógvuliga uppfarandi, og tað er ikki uttan orsøk, at hann hevur ein so róligan hjálparvenjara. Hann er eisini ógvuliga væl fyri taktiskt, og fær nógv burtur úr hópinum, sum hann hevur. Hann loypir ikki framav, og er ómetaliga vælorganiseraður í verju­ part­inum. Sigfríður, hví vinnur Víkingur steypafinalun? – Eg haldi, at vit hava eitt sterkt lið, har pílurin peikar rættan veg. Vit skora mál og so duga vit eisini at binda fyri. Deyðbóltsstøður hava verið okkara veik­leiki, men hetta skulu vit nokk fáa upp á pláss. Okkara lið hongur sam­ an og vit eru ikki eins tengdir av ein­ støkum leikarum, sum eg haldi, at EB/ Streymur er. Rúni, hví vinnur EB/Streymur steypafinaluna? – Víkingur er ein lítil favorittur, haldi eg. Men eg ivist ikki í, at vit fara at vinna, tí vit hava nakrar leikarar, sum elska henda pallin, har tað er ein dystur, sum snýr seg um alt ella einki. Og eg trúgvi veruliga uppá, at leikararnir fara inn at hugna sær, samstundis sum teir offra alt. Liðfelagar dystast um steypið Rúni Nolsøe og Sigfríður Clementsen spældu saman í fleiri ár hjá HB. Nú standa teir yvir av hvørjum øðrum sum venjarar. Á hesum síðum kanst tú lesa um, hvussu teir minnast hvønn annan sum leikarar, og hvat teir halda um hvønn annan sum venjarar Sigfríður S. Clementsen 21. januar 1973 Hevur vant: 2002: B36 2003-04: ÍF 2005-06: B36 2007: AB 2008-09: EB/Str. 2010: B36 2011-12: HB 2013: Víkingur Rúni Nolsøe 21. mai 1971 Hevur vant: 2006: AB 2007: B68 2008: HB 2009: 07 Vestur 2010: FC Hoyvík 2011: ÍF 2013: EB/Streymur Fakta mynd: Ingi Sørensen mynd: Ingi Sørensen