hósdagur 22. august 2013síða 45

nr. 96 · 23. august 2013 9 FLØGUÚTGÁVA Rólant Waag Dam rolant@sosialurin.fo Tað er ikki so ofta, at Teitur fer á pall við bólki í Føroyum. Mikukvøldið var eitt undantak í so máta, tí Mentanar­húsið var karmur um eina frumframførslu av útgávukonsertini hjá Teiti, sum hann nú skal á ferð við kring allan knøttin. Ólavur Larsen í Mentanarhúsinum í Fuglafirði hevur evni sum eingin annar, at fáa spennandi og forkunnug nøvn á pall í Føroyum. Sein­astu tíð­ ina kunnu vit nevna Kashmir, Tim Christensen og Carpark North um­ framt eina rúgvu av føroyskum nøvn­ um, sum hava spælt í Mentanar­hús­ inum. Nú var tíðin so komin til Teit, sum valdi at hava sína fyrstu og ein­ astu útgávukonsert í Føroyum har. Fløguna hevur Teitur valt at rópa Story Music. Eitt einfalt og sigandi heitið, ber til at staðfesta eftir út­ gávu­konsertina, har Teitur og hini í bólkinum spældu fløguna úr enda í annan. Eftir konsertina greiddi Teitur so­ leiðis frá. Sigandi heiti – Eg haldi, at Story Music er tað heitið, sum lýsir tónleikin best. Vit kunnu kalla tónleikin alt møguligt, men eg haldi ikki, at tað altíð skal kallast nakað, tí hetta eru bara sangir, sum eg skrivi og sum vit framføra. Men tað er nakað føroyskt yvir hesum, at fortelja søgur. Situr tú onkrastaðni við ein­um kaffikoppi, so hoyrir tú søgur um handan mannin, hatta húsið og handan bilin. Tað er tað, sum er drív­megin í mínum tónleiki. At siga søgur. Tað hevur mín áhuga, hvussu akompagnerar tú tað og fortelur eina søgu fra A til B? Hvussu setur tú tað saman til tónleik og ger eina ljóðmynd til ta søguna? Savnar søgur – Søgurnar, eg sigi, stava alla møgu­ liga staðni frá. Men fløgan er kortini ógvuliga føroysk. Okkurt er innspælt í Klæmintsgjógv, men eisini í aðrar mátar er hon føroysk. Hon fevnir um eyðkennir í føroysku mentanini. At bíða, tað spon­tana og tað monotona. Einki hendir og so hendir brádliga øgiliga nógv. Tað er rættiliga føroyskt, og tað hevur tilgongdin eisini verið annars. Her ein eingin avtala við eitt heimskent strúkiorkestur úr Los Angeles, at um tveir mánaðir klokkan fýra, so gera vit tað og tað. Her í Føroyum er tað heilt øðrvísi. Eg ringi til grannan, Kapnas, og spyrji hvat hann ger í morgin, um vit ikki bara skulu fara í studio. Og so gera vit tað. Vit hava eisini funnið fólk í býnum eitt leygarkvøld og biðið tey koma í studio at kvøða. Mær dámar henda mátan øgiliga væl. Tað er stuttligt at gera tað á henda hátt, og tað følist eisini rætt. Samleikakreppa – Eitt ella annað stað, so havi eg kanska verið í so snobbuttur. Eg havi gjørt stóra karrieru uttanlands og fingið eina mynd av, at tað ikki ber til at spæla tónleik í Føroyum og ar­beiða í Føroyum. Tað vóru nakrar krukkuttar kenslur. Tí hevur tað verið ein ógvuliga góð uppliving fyri meg at gera eina fløgu í Føroyum við før­ oyskum tónleikarum og síggja, at verður minst líka gott, um ikki nógv betri, tí tað liggur mær so nær. Hetta hevur verið eitt slag av identitets­ kreppu, sum eg havi havt, so tað er gott at koma heim og gera ting­ini frá grundini aftur. – Tað var øgiliga spennandi at spæla í Mentanarhúsinum og eitt slag av kulminatión. Vit hava vant dagliga í fleiri tímar í Tøting í Gøtu, har vit hava spælt hvørt lag fleiri ferðir upp í slag. So vit hava glett okkum at spæla alt tilfarið út í eitt. Hetta var fyrsta ferðin, at vit upplivdu alt sum eina konsert. Tað var spennandi og deiligt at sleppa at deila tað við glaðum fólki. Hetta var ein øgiliga góð upp­ living. – Nú vita vit eisini, at hetta riggar og at vit kunnu fara á ferð við tí. Vit skulu nú á venjingarlegu í Danmark, áðrenn konsertferðin byrjar mitt í september. Vit skulu kring alt Evropa, Norðuramerika, Suðuramerika, Kina, Russland og aðrastaðni eisini. So tað verður nógv ferðing í næstum. Gott at vera heima aftur – Eg hevði fingið eina keðiliga kenslu av, at tað ikki bar til at spæla tónleik og arbeiða í Føroyum. Tað vóru nakrar krukkuttar kenslur. Tí hevur tað verið ein ógvuliga góð uppliving fyri meg at gera eina fløgu í Føroyum við føroyskum tónleikarum og síggja, at verður minst líka gott, um ikki nógv betri, tí tað liggur mær so nær, sigur Teitur um nýggju útgávu sína Story Music