mánadagur 26. august 2013síða 4

Mánadagur 26. august 2013 · Nr. 97 4 Sosialurin Hugskot og viðmerkingar – send sms til 225000 Starvsfólk kúgað til at halda kjaft ÁGANGUR Á STARVSFÓLK Í Nærverkinum er vanlig mannagongd, at starvsfólk, sum gera vart við vánaligar umstøður hjá starvsfólkum ella brúkarum, verða sett á svartalista og fáa ikki starv aftur Áki Bertholdsen - Nærverkið fremur reinan yvirgang ímóti sínum starvs­ fólkum. Hetta er niðurstøðan á fundi í Miðvági um viður­ skiftini hjá teimum eldru í Føroyum. Fundurin, sum felagið Eldra­málið, skipaði fyri, skuldi snúgva seg um um­ støðurnar hjá búfókunum á ellis- og røktarheimum, sam­ býlum. Men fundurin tók eina aðra vend, tí heilt óvæntað bleiv eitt av høvuðsevnunum, hvussu harðrendur starvs­ fólkapolitikkurin hjá Nær­ verkinum er. Nógv fólk reistu seg upp á fundinum og greiddu frá dømum, har tað hevði fingið stórar avleiðingar fyri starvs­ fólk, at tey høvdu gjørt vart við umstøður, sum ikki vóru nøktandi. Fleiri dømi vórðu nevnd um starvsfólk, sum vórðu søgd úr starvi fyri at hava gjørt vart við ymisk viður­ skifti. Somuleiðis vórðu fleiri dømi nevnd um starvsfólk, sum enntá vórðu sett á svartalista og ikki fingu arbeiði aftur nakrastaðni í Nærverkinum, eftir at tey høvdu víst á onkur viðuskifti, sum ikki vóru nøktandi. Tordi ikki Og tað gav at bíta á sjálvum fundinum, tí har skuldi eitt starvsfólk í Nærverkinum greiða frá, ”hví starvsfólk flýggja úr heimarøktini”, sum fyrilesturin nevndist. Men tá ið fyrilesturin skuldi vera, mátti Rúna Siv­ ertsen, forkvinna í Eldra­ málinum, reisa seg upp og greiða fundarfólkinum frá, at fyrilesturin varð av ong­ um, tí starvsfólkið, sum skuldi halda hann, tordi ikki kortini, tí tað stúrdi fyri eini uppsøgn. – Tað er tíverri eingin, sum torir at halda fyrilestur um hetta evnið, staðfesti hon. Hon sigur, at síðani Eldra­ málið varð stovnað tíðliga í summar, hevur nevndin fingið innlit í nógv mál, har tað hevur fingið avleiðingar fyri starvsfólk, at tey hava sagt sína meining um um­ støðurnar hjá starvsfólkum og búfólkum. Men tað er torført at gera nakað við hesi viðurskiftini, tí heldur ikki tey tora at stíga fram alment. Rósa Samuelsen, løgtings­ kvinna og fyrrverandi lands­ stýriskvinna í almanna­mál­ um, sigur, at tað er eisini komið fram á øðrum fundum, at eingin torir at siga nakað, tí tey eru bangin fyri av­ leiðingunum. Í hesum sambandi kann eisini vísast á skriv, sum ovasta leiðslan í Nærverki­ num sendi starvsfólki fyrr í summar, har mint varð á, at tað er bara leiðslan, sum myndar Nærverkið úteftir. Gerandiskostur Sum skilst er tað fyri ein stóran part tey mongu starvs­fólkini, sum ikki eru í føstum starvi, sum ikki tora at siga sína meining. – Gera tey vart við nakað, verða tey bara ikki biðin aftur og dømi eru enntá nevnd um, at tey verða sett á svartalista og ikki fáa arbeiði aftur nakrastaðni í Nær­ verki­num. Av tí sama, at støðan er so spent, hevur tað heldur ikki eydnast at fáa navngivin starvsfólk at greiða frá støð­ uni. Men Ása Holm, forkvinna í Heilsuhjálparafelagnum, vísir á, at tað er gerandis­ kostur at nevndin í felagnum fær fráboðanir frá fólki, sum merkja sviðan av hesum sermerkta starvsfólka­poli­ tikkinum hjá Nærverkinum. – Men felagið kann ikki brúka hesar upplýsingarnar til nakað, tí at tá ið saman­ umkemur, tora starvsfólkini ikki at standa við tað alment, tí tey eru so bangin fyri at tað fer avleiðingar fyri teirra framtíð í Nærverkinum. – Og tá ið tað ikki ber til at skjalprógva trupulleikan, er torført at gera nakað við hann. Óluva í Gong, forkvinna í Felagnum Føroyskir Sjúkra­ røktarfrøðingar, sigur, at tey hava lat merki til, at skerj­ ingarnar seinastu árini hevur gjørt starvsfólk ótrygg. Men hon sigur, at felagið hevur kunnað starvsfólk um teirra ábyrgd fyri leiðslu og búfólki og hon kennir ikki til, at starvsfólk ikki tora at siga sína meining. Men hon hevur hoyrt um, at starvsfólk verða sett á svartalista og ikki sleppa aftur til arbeiðis, men hon sigur, at her er talan í mesta mun um starvsfólk, sum ikki eru í føstum starvi. Majbritt Mohr, forkvinna í Heilsurøktarafelagnum, sigur, at tey fáa ikki so nógvar ítøkiligar fráboðanir um hetta. Men trupulleikin, at starvs­fólk ikki tora at siga sína meining, verða útihýst, er ikki ókendur. Og hetta hetta hevur verið ein trupulleiki, tey hava mett er so mikið stórur, at tey hava tikið tað upp á fundi við leiðsluna í Nærverkinum. – Starvsfólk siga, at tey vilja ikki gera vart við ónøktandi viðurskifti tí tey tora ikki at koma í klammarí við leiðsluna. Hon sigur, at Starvsfólk fáa at vita, at eru tey ónøgd, kunnu tey bara fara, og so er lok lagt á. Ágangur Fundurin, sum felagið, Eldramálið, skipaði fyri í Miðvági hóskvøldið fekk eina heilt óvæntaða vend, tá ið tað brádliga bleiv eitt høvuðsevni, hvussu Nærverkið kúgar síni starvsfólk til at halda kjaft um vánaligar umstøður hjá brúkarunum hjá Nærverkinum Tað er tíverri eingin, sum torir