mánadagur 26. august 2013síða 8

Mánadagur 26. august 2013 · Nr. 97 8 Sosialurin Hugskot og viðmerkingar – send sms til 225000 Kvinnurenning Kvinnurenningin 2013 Útvið 2000 kvinnur luttóku í árligu Kvinnurenningini leygardagin, sum var tann 5. í røðini. Kvinnur í øllum aldursbólkum gingu og runnu frá Tórsbreyt og oman í Niels Finsensgøtu í Miðbýnum, har tey í ár fyri fyrstu ferð høvdu málið. Byrjað varð við eini felags upphiting á Tórsbreyt, áðrenn tær 1980 kvinnurnar hildu til beins í allarbesta sólskinsveðri. Tá klokkan var farin av fýra, fóru tær fyrstu kvinn­ urnar um málstrikuna. Gott og væl ein tíma seinni vóru allar komnar á mál og kundu njóta frukt, vatn og annað, ið fyrireikararnir bjóðaðu. Eisini undirhelt Jensina Olsen undir Tinghúsinum á Vaglinum. Av tí at talan var um ta 5. Kvinnurenningina, høvdu fyrireikararnir gjørt eitt sindur eykað burturúr, og høvdu eisini skipað fyri einum sokallaðum afterparty við tónleiki og dansi seinni um kvøldið. Hóast metið frá 2011, tá umleið 2100 kvinnur luttóku, ikki bleiv sligið hesaferð, so eru fyriskipararnir væl nøgdir við Kvinnurenningina í ár.