mánadagur 26. august 2013síða 44

vika 35 l 26. august 2013 Ókeypis lýsingarblað 12 Bilar Vikutema Vilmund Jacobsen John Vaagseid, sum er hálvur skálamaður og hálvur havnarmaður, hevur koyrt størri akfør í útlandinum. Í februar í ár byrjaði hann av álvara at koyra hýruvogn við støð á Skála, har hann býr. - Eg koyrdi í sínari tíð lastbil hjá DTT, Dansk Tank Transport, og eg koyrdi eisini serflutning við eitt nú vindmyllum fyri Thorben Rafn, sigur hann. Nú hýruvogn John Vaagseid sigur, at nú hevur hann sína egnu fyritøku við hýruvogni, ið er ein 4-hjólstrektur Jeep Grand Cherokee, góðkendur til fýra ferðandi. - Eg koyri ferðandi á flogvøllin og av flogvøllinum, og í samstarvi við Hammer Shuttle samli eg eisini fólk upp til bussin hjá Hans Eileri Hammer, sum eisini koyrir á flogvøllin. Hann sigur, at tá hann kemur á flogvøllin um middagsleitið, plagar hann at bíða eftir næsta flogfari, og tá ”fiskar” hann eins og aðrir eftir ferðafólki. - Eg havi eisini koyrt onkrar útlendingar, sum arbeiða í Føroyum, fast í summar. Somuleiðis havi eg koyrt útlendingar sightseeing-túrar til eitt nú Saksun, Tjørnuvík, Gjógv og Oyndarfjørð. Vælegnaður jeepur John Vaagseid sigur, at 4-hjólstrekti bilurin hevur leðursetur, nógv beinpláss, stórt viðførisrúm, er vælegnaður til hýruvognsflutning og sightseeing-túrar. - Ferðafólk sita høgt í bilinum og síggja væl út, leggur hann aftrat. Tey, sum vilja hava fatur á John Vaagseid, kunnu ringja á 269869. John Vaagseid hevur egna fyritøku og koyrir ferðandi í einum Jeep Grand Cherokee. Mynd: Vilmund Jacobsen Við Grand Cherokee á flogvøllin - Bilurin, sum er 4-hjólstrektur, er góðkendur til fýra ferðandi. Hann hevur leðursetur, nógv beinpláss og stórt viðførisrúm, sigur John Vaagseid, hýruvognsførari á Skála Vilmund Jacobsen Í Vikublaðnum í dag er fokus á bilar, koyrifrálæru og ymiska hýru­vogns­ koyring. Onkur bilastøð sigur, hvussu teirra kon­sept er samanskrúvað, og síðan eru aðrir stakir hýruvognsførarar, ið siga, hvussu teirra koyring er skipað. Fleiri á flogvøllin Líkt er til, at fleiri síggja møguleikar í at koyra fólk á flogvøllin og heimaftur úr Vágum, tá flogfør eru lend. Tá tú tosar við útbjóðarar, sum koyra tað, ið rópt verður Airport­ Shuttle, skilst eisini, at prísirnir fyri hesa tænastu eru ymiskir, eins og tæn­as­tan, sum bilførarar veita, eisini er ymisk. Ein orsøk til, at koyring á og av flog­vøllinum er vorðin meira attraktiv enn áður, er kanska, at nógvir før­oy­ ing­ar arbeiða uttanlands, eitt nú í Noregi og aðrastaðni. Ferðast ofta Hesir eru burtur í nakrar vikur og so heim aftur í nakrar vikur. Teir, sum eitt nú arbeiða í Noregi und­ir føroyskum veitarum, koma úr ymisk­um heraðshornum í Føroyum, og tí hava teir eisini brúk fyri tænastum, sum byrja og enda, har teir búgva. Nógvir bjóða seg fram Ein orsøk til, at koyring á og av flogvøllinum er vorðin meira attraktiv enn áður, er kanska, at nógvir føroyingar arbeiða uttanlands, eitt nú í Noregi og aðrastaðni