mánadagur 9. september 2013síða 24

Mánadagur 9. september 2013 · Nr. 103 24 Sosialurin Hugskot og viðmerkingar – send sms til 225000 Jóannes Hansen Hóast tað á mannfólkasíðuni í vikuskiftinum bara var ein landskappingardystur í tvei­mum teimum ovastu deild­unum, so vakti útsetti dyst­urin í 1. deild við Stórá mill­um TB og B71 ans. Úrslitið var málleysur javn­leikur. Harvið eru hesi bæði liðini framvegis niðan­ fyri strikuna, og serliga hjá sand­oyingum sær tað nú svart út. TB hevði fyrireikað seg væl. Í royndini at varðveita plássið í deildini hevði tað stóran týdning at vinna øll stigini. Tí vóru sjey spælarar, sum eru á og í nánd av besta liðnum, millum teir fyrstu ellivu. TB trýsti, og TB hevði nógvar møguleikar. Leik­lut­ urin hjá sandoyingum var at verja og at sparka burtur. At tað ikki eydnaðist var málverjanum hjá B71 fyri at takka. Millum B71 stólparnar stóð superveteranurin Walde­mar Nowicki, sum í jan­uar verðu 53 ár! Men sambært høvuðsleik­ aranum skal ikki roknast við, at hann verður fastur maður í B71 málinum, har hann var fastur fúsur frá 1994 og fram til 2005. Í 2008 spældi hann ein dyst, men síðani hevur hann hjálpt til sum hjálparvenjari: - At eg leygardagin fór í málið var av neyð. Fleiri spælarar vóru ov seinir til Smyril. Tá ið hann loysti, vóru tað níggju spælarar umborð og so venjarin Allan Mørkøre og eg. Vit tosaðu um støðuna og funnu skjótt út av, at tað var einki annað at gera, enn at eg fór í málið at standa, og Allan spældi við. Hann hevur spælt í síðstuni og víst, at tað framvegis er dugur í honum. Men eg havi ikki staðið í málinum í fleiri ár, og eg hevði ikki ímyndað mær, tá ið vit fóru frá húsum leygarmorgunin, at tað skuldi tørna soleiðis út, sum tað gjørdi. Tað verður sagt, at tú megn­aði uppgávuna so fram­ úr væl? - Trýstið var stórt, so eg keddi meg ikki. Tað ráddi um at gera tað sum frægast, og hjá málverja er tað altíð hugaligt, tá ið tað eydnast at halda mótstøðumonnunum frá at gera mál. Serliga tá ið teir hava nógvar møguleikar at skora. So tað kann roknast við, at Allan fer at biðja teg aftur? - Nei, nei. Hetta var av neyð. Nú mugu ungu menn­ in­ir hava ábyrgdina, og so fæst at síggja, hvussu tað lagar seg, sigur Waldemar Nowicki, sum er føddur 23. januar í 1961 og harvið er 52 ára gamal. Hann kom fyrstu ferð til Føroyar og B71 í 1994. Tá var B71 í bestu deildini. Árið fyri vunnu sandoyingar steypa­ kappingina eftir minniliga finalu ímóti HB. Tí royndu Waldemar og liðfelagarnir seg í 1994 í europeisku steypa­ kappingini, har mótstøðuliðið var HJK Helsinki. Kennir tú teg sum skop­ uning? - Her hava vit búð í so nógv ár, so tað sigur seg sjálvt, at vit kenna okkum heima her. Genturnar báðar hava gingið í skúla her í Skopun og á Meginskúlanum. Nú arbeiða tær í Havn. Drongurin gong­ ur í skúla her. Hann er bitin av fótbóltinum, og leygar­ dagin luttók hann í U10 kapp­ ing á Sandi. Waldemar arbeiðir á flaka­ virkinum í Skopun: - Í síðstu viku var ikki so nógvur fiskur, men í morgun sær betri út. Trolarar hava landað, og her er nógv at gera. Røkja tit sambandið til Polen? - Har hava vit familju, og nútíðar tøknin ber við sær, at tað er nógv lættari at fylgja við nú, enn tað var tey fyrstu árini. Í summar vóru vit og vitjaðu í tveir mánaðir. So jú, vit røkja heimlandið og familjuna, men okkum dámar væl í Skopun og Sandoy, her vit kenna okkum at vera part av lokalsamfelagnum. Hugsa tit um at flyta aftur til Polen? - Tað er spurningurin. Har eru konan og eg fødd og upp­vaksin, og vit siga, at í summar vóru vit heima og vitjaðu. Børnini vita ikki um annað, enn at búgva í Føroy­ um, so tað er torført at siga, hvat fer at vísa seg í fram­ tíðini. Spurningurin er so, um tað er nakar, sum kann vísa á, um nakar spælari, sum er eldri enn 52 ára gamli Walde­ mar Nowicki, sum hevur spælt í bestu ella næstbestu deildini! ítróttur 1. deild kvinnur støðan nr. lið dystir vunni javnt tapt + mál - mál +/- stig 1 EBS/Skála 13 12 0 1 51 7 +44 36 2 KÍ 13 11 1 1 68 9 +59 34 3 HB 12 7 1 4 39 13 +26 22 4 B36 13 6 2 5 17 20 -3 20 5 ÍF 13 4 0 9 15 59 -44 1 6 Víkingur 13 1 2 10 4 50 -46 5 7 AB 13 0 2 11 4 40 -36 2 8 B68/NSÍ 0 0 0 0 0 0 0 0 1. deild menn støðan nr. lið dystir vunni javnt tapt + mál - mál +/- stig 1 B68 23 12 8 3 60 27 +33 44 2 HB II 23 13 3 7 55 36 +19 42 3 Skála 23 11 6 6 57 35 +22 39 4 FC Suðuroy 23 11 4 8 52 43 +9 37 5 B36 II 23 10 3 10 53 47 +6 33 6 Víkingur II 23 10 3 10 42 40 +2 33 7 KÍ II 23 9 2 12 47 49 -2 29 8 EB/Streymur II 23 7 5 11 36 51 -15 26 9 TB II 22 7 2 13 33 60 -27 23 10 B71 22 5 2 15 19 66 -47 17 KÍ-B36 2-1 (1-1) 0-1: Vár Næs 20. 1-1: Sigrid Jacobsen 24. 2-1: Maria K. Thomsen 66. ÍF-EBS/Skála 0-6 (0-3) 0-1: Kára Djurhuus 5. 0-2: Margunn Lindholm 15. 0-3: Sigrun K. Kristiansen br 31. 0-4: Silja Johannesen 49. 0-5: Ansy Sevdal 60. 0-6: Íðunn Magnussen 75. AB-Víkingur 1-1 (1-0) 1-0: Ásleyg Súnadóttir 36. 1-1: Bjørg Jarnskor 88. fótbóltur 16. umfar í kvinnudeidini í fótbólti var á skránni í góð­ veðrinum í gjár. Støðu­talvan segði, at KÍ, EBS/Skála og HB vóru favorittar, og allir favo­ rittarnir vunnu fulla úrtøku. KÍ var á útivølli ímóti Víkingi, og tað var eingin slingur í valsinum hjá teimum úr Klaksvík. Tær vunnu 7-0, eftir at hálvleiksstøðan var 4-0. Við Margáir hevði odda­ liðið EBS/Skála vitjan av AB, sum er aftast. Heimaliðið skor­aði tvey mál fyrrapartin av 1. hálvleiki, og tað var tað. Tað verður nýtt umfar mikukvøldið, og tá verður í Klaksvík mest sum avgjørt, um tað verður EBS/Skála ella KÍ, sum skal vinna FM. Í gjár varð tað mest sum greitt, at tað verður HB, sum vinnur bronsukrónurnar. Í grannauppgerðini ímóti B36 vann HB 3-0. Øll málini vórðu skorað í 2. hálvleiki. Víkingur-KÍ 0-7 (0-4) 0-1: Sigrid Jacobsen 1. 0-2: Laila Pætursdóttir 4. 0-3: sjálvmál 30. 0-4: sjálvmál 45. 0-5: Rannvá B. Andreasen 47. 0-6: Rannvá B. Andreasen 67. 0-7: Sigrid Jacobsen 75. EBS/Skála-AB 2-0 (2-0) 1-0: Silja Johannesen 10. 2-0: Sólja Eiðisgarð 19. B36-HB 0-3 (0-0) 0-1: Elin Maria Isaksen 65. 0-2: Milja Simonsen 67. 0-3: Elin Maria Isaksen 90. Støðan á faroesoccer.com Favorittarnir fingu fult Neyðin noyddi Waldemar aftur í málið Hóast TB hevði nógvar úr besta hópinum á liðnum, so megnaði 52 ára gamli Waldemar Nowicki at halda tætt í B71 málinum, og harvið var úrslitið við Stórá málleysur javnleikur