mánadagur 16. september 2013síða 50

vika 38 l 16. september 2013 Ókeypis lýsingarblað Jólaborðhald 18 Tip frá Mariann og Mirjam Myrka sminku og uppsett hár... Um veturin er vanligt, at vit nýta meira kvøldsminku enn dag­sminku, tí í myrkrinum er neyðugt at nýta meira av øllum Tað merkir, at okkara sminka til eitt jólaborðhald kann vera tyngri enn van­ ligt, og húðin skal vera væl dekkað. Haraftrat er rákið innan hármóta hesa tíðina, at vit leita okkum aftur til 40’ini og 60’ini at fáa íblástur. Her eru nøkur boð uppá hvussu tú gert teg til reiðar til jólaborðhaldini frá Mirjam Reinert Olsen, sum er ein av eigarunum av Make-Up Store og Stjørnuskotinum, og frá Mariann Klein Ivansdóttir, sum eigur hárfríðkanarstovuna Royal Inter­ coiffure. Myrk eygu og myrkar varrar – Eyguni mugu gjarna vera intens, antin myrk ella við myrkum litum, og innrammað, so eygnaliturin kemur meira fram, og eyguni kennast intens. Tað er eisini vakurt við følskum eygnavippum - antin heilum vippum ella vippubukettum, sum ein setur millum sínar egnu vippur, fyri at gera hetta natúrligt, sigur Mirjam R. Olsen. Hon heldur eisini, at vit kunnu nýta myrkar litir til varrarnar. – Mær dámar væl at nýta litir sum blommu, myrkt lilla, vín­reytt ella sjokoláta fyri at geva varrunum okkurt eyka í hesum myrku tíðum. Dekka húðina væl – Kvøldsminkan skal vera tyngri enn dagsminkan. Húðin skal vera væl dekkað, gjarna við sólputrið, fyri at geva húðini eitt sindur av dæmið. Tó so er tað eis­ini vakurt at hava ljósa/bleika porselenshúð. Tað týdningarmesta er bara, at húðin er væl dekkað, og at tú hevur putur við í taskuni, so tú kanst fríska upp, tá ið húðin byrjar at feitta. Haraftrat er vakurt at nýta ein »highlightara« á kinnbeinini, undir eygnabrýrnum og á nasaryggin, og soleiðis geva húðini meira spæl, greiður Mirjam frá. Hugsa um hárið og húðina áðrenn – Fyri at sminkan skal vera eyka vøkur og sita vakurt, er tað neyðugt, at húðin er væl røktað og er frísk at líta á, greiður Mirjam frá. Hon vísir á, at ein kann t.d fara til kosmetolog nakrar dagar áðrenn, og fáa sær eina andlitsviðgerð, sum t.d reinsar og peelar tær deyðu húðkyknurnar burtur, eina viðgerð, sum gevur eitt fuktboost, ella eitt orkuboost til húðina, um húðin kennist grá og keðilig. Mariann vísir eisini á týdningin av, at vera væl fyrireikað til stórar veitslur. – Tað er skilagott at hugsa um, at litingin og klippingin er í lagið áðrenn, og at hárið hevur fingið góða viðger – eitt nú ein kur – tí veturin fer mangan illa við hárinum og hárbotninum, og kann gera, at hárið sær turt og slitið út. Tí er umráðandi at hugsa um, at geva hárinum vætu áðrenn, greiður Mariann frá. Hugsa um mótan í 40'unum og 60'unum – Mótin í dag hevur fingið íblástur frá 40'unum og 60'unum. Tað er tað eleganta og feminina vit skulu hugsa um. Tó skal hárið ikki vera líka stílreint sum tá. Uppsetan riggar ógvuliga væl til jólaborðhald, men vit skulu hugsa um, at hárið skal vera eitt sindur meira rokaligt í dag, enn tað var í 40'unum. Tað ger als einki um fólk ikki duga so væl at seta hárið upp, tí tað skal vera rokaligt, og alt er lov, greiður Mariann frá. Hon vísir eisini á, at nógv hava seinastu árini leitað sær til hárfríðkanarstovur áðrenn eina stóra veitslu, tí fólk eru blivin meira tilvitað um hvussu hárið situr. Hugsa um veðrið Tað er ógvuliga sannlíkt, at tað fer at regna, tá ið jólaborðhaldið er á skránni, og tí er snilt at hugsa um hetta áðrenn. – Takið okkurt við, sum tit kunnu leggja um høvdið, um tað fer at regna. Tí regnið kann lættliga fara illa við hárinum, so alt stríðið hevur verið til onga nyttu, vísir Mariann á. Samstundis heldur hon tað er snilt at hava ein dunk við hárlakkið við í taskuni, so at hárið kann frískast upp so hvørt. Mariann Mirjam