mánadagur 16. september 2013síða 64

vika 38 | 16. september 2013 Ókeypis lýsingarblað 32 Vilmund Jacobsen Tað hevur verið rættiliga nógv virksemi á havnalagnum hjá Fuglafjarðar havn í summar og í heyst, og sjáldan - ella kanska ongantíð - áður hava so mong skip vitjað á Fuglafirði í ein mánaða sum í august í ár. – August er í øllum førum størsti mánaði í mínari tíð í Fuglafirði. Tað sigur Rólant Højsted, havna­ stjóri. Nógv virksemi Hann vísir á, at í august í ár hevði Fugla­fjarðar havn vitjan av 134 skip­um, harav 40 vóru útlendsk. Til samanburðar vóru 104 skip á Fugla­ firði í august í fjør, harav 42 vóru út­ lendsk. – Í bruttotonsum (brt.) var munurin ávikavist 298.942 í august í ár og 274.400 í august í fjør. Havnarstjórin sigur, at eisini juli mánaði í ár vóru nógv fleiri vitjanir enn í sama mánaði í fjør. – Vit høvdu 119 vitjanir í juli í ár og 72 í juli í fjør, leggur Rólant aftrat. Samanløgd tøl Hyggja vit samanlagt eftir árinum í ár fram til endan av august, var samlaða talið av skipum á Fuglafirði 577 móti 507 somu tíð í fjør. – Samanlagt er talan um ein vøkstur í bruttotonsatalinum (brt.) í ár á umleið 62.000 tons, sigur Rólant. Havnarstjórin vísir á, at Havsbrún hevur tikið móti nógv meiri fiski í ár enn í fjør, skip hava verið á Fuglafirði og bunkrað, farmaskip hava verið eftir fiskavørum og úrdráttum úr fiski, onnur hava verið við og eru komin eftir reiðskapi, og síðan hava russiskir trolarar og farmaskip rættiliga støð­ ugt verið á Fuglafirði í sambandi við umskiping. Havnarstjórin væntar, at september mánaði verður góður, eins og hann væntar, at oktober og november verða tað eisini. – Í september mánaða í fjør høvdu vit 90 skip, og í oktober høvdu vit 80, sigur Rólant Højsted, havnarstjóri. 14-15 miljónir Vikublaðið kann leggja aftrat, at stóru íløgurnar, sum Fuglafjarðar kommuna hevur gjørt í havnalagið gjøgnum árini, rættiliga eru farnar at geva inntøkur. Inntøkan hjá Fuglafjarðar havn liggur nevniliga um einar 14-15 miljónir krónur um árið. Nógv fleiri skip í ár enn somu tíð í fjør Fuglafjarðar havn er eitt stórt aktiv hjá Fuglafjarðar kommunu og stóru íløgurnar, sum lagdar eru í betong og jarn, geva nú fleiri miljónir krónur í inntøkum um árið Tað hevur ging­ ið væl hjá verk­ smiðju­skipinum Ólavi Nolsøe, síðan skipið fór fyrsta túrin um hálvan juli í ár Vilmund Jacobsen Tá Vikublaðið vitjaði í Fuglafirði í síðstu viku, kundi Rólant Høj­ sted, havnarstjóri, fegnast um, at verksmiðjutrolarin, Ólavur Nol­søe hjá Jón Nolsøe Olsen hevur gjørt fimm góðar túrar á makrelveiði, síðan skipið fór fyrsta túrin um miðjan juli í ár. – Ólavur Nolsøe tekur um­ leið 450 tons, og allar túrarnar hava teir havt fult skip. Veiðan er løgd upp til Bergfrost í Fugla­firði. Havnarstjórin veit at siga, at Ólavur Nolsøe landaði fyrstu ferð hin 22. juli. – Síðan gjørdu teir tríggjar túrar í august, og landaðu so aftur í Fuglafirði hin 5. sep­ tember, sigur Rólant Højsted. Við avskurði Eitt skip, sum javnan hevur siglt millum Tvøroyri og Fuglafjørð í ár, er Tinganes, sum er hoyra­ heim­andi í Havn. – Hetta er fyrrverandi Hav­ sand, og teir sigla við avskurði frá framleiðsluni hjá Varðanum Pelagic á Tvøroyri til Havsbrún í Fuglafirði, sigur havnarstjórin hjá Fuglafjarðar havn. Tað hevur gingið væl hjá Ólavi Nolsøe, síðan skipið fór fyrsta túrin um hálvan juli Mynd: Vilmund Jacobsen Fult skip fimm túrar á rað Tað hevur verið nógv virksemi við bryggjukantin í Fuglafirði í summar og í heyst Mynd: Vilmund Jacobsen – August mánaði er hin størsti til skipavitjanir, síðan eg byrjaði á Havnarskrivstovuni í Fuglafirði, sigur Rólant Højsted Mynd: Vilmund Jacobsen