mánadagur 30. september 2013síða 12

Mánadagur 30. septmeber 2013 · Nr. 112 12 Sosialurin Hugskot og viðmerkingar – send sms til 225000 Vilmund Jacobsen - Eg haldi, at eg var tann mest róliga her inni, tá gekkahjólið steðgaði á miljónini, og tað var greitt, at vinningurin var mín. Tað sigur Astrid Eiriksdóttir Reynheim, tá vit stutt eftir, at hon var vorðin miljóningur, spurdu hana, hvussu tað kendist at vinna ein so stóran vinning. - Mamma mín Leila var fjarritari, tí eg eri so smæðin. Eg haldi, at øll hini, sum inni vóru, leikaðu meira í enn eg. Eg eri rólig av lyndi, og tað var eg eisini í kvøld. Astrid dylur tó ikki yvir, at hon gjørdist serstakliga glað, tá gekkahjólið í triðju og seinastu royndini hjá henni steðgaði á miljónini, sum hetta kvøldið var í bláa gekkinum. - Jú, eg gjørdist mega glað, og eg eri eisini ógvuliga glað um, at eg nú kann rinda onkra rokning, sum liggur. Hvat eg annars fari at brúka pengarnar til, veit eg slett ikki í løtuni. Eg fari at hugsa meg væl um, áðrenn nøkur støða verður tikin til tað. Vil hava koyrikort Eitt er Astrid Reynheim tó sannførd um. Tá hon fyllir 18 ár hin 24. juni næsta ár, skal hon hava koyrikort til bil. - Men, um eg fari at keypa mær ein nýggjan bil - nei, tað er slett ikki sikkurt, leggur hon aftrat. Astrid sigur, at hon ætlar sær eisini ein túr niður til Liverpool at vitja 26 ára gomlu fostursytir sína, sum lesur har niðri. - Annars ætli eg mær at taka tað púra róligt og síggja tíðina ann, sum hon tekur til. Misti pápa sín Astrid misti pápa sín Eirik Reynheim í januar í ár, tá hann eftir minni enn einum ári doyði av krabbameini. Tá Sosialurin hitti Astrid í telefonini stutt eftir, at hon hevði vunnið miljónina fríggjakvøldið, hittu vit eisini mammu Astrid, Lailu Reynheim. - Tað hevur verið tungt hjá okkum, síðan maður mín doyði. Vit áttu fýra børn saman og eina fosturdóttir. Astrid er næst yngst, og í kvøld vóru vit í Sørvági og vitjaðu elstu dóttir mína, Barbaru Reynheim Mouritsen, sum er gift og býr í Sørvági, segði ein ógvuliga fegin, Leila Reynheim, við Sosialin fríggjakvøldið. 17 ára gamla Astrid gjørdist miljóningur Astrid Eiriksdóttir Reynheim er sannførd um, at tá hon fyllir 18 ár hin 24. juni næsta ár, skal hon hava koyrikort til bil. - Men, um eg fari at keypa mær ein nýggjan bil - nei, tað er slett ikki sikkurt, sigur miljóningurin Tað er Astrid Eiriksdóttir Reynheim, sum er vinstru megin á myndini. Fríggjakvøldið var hon heppin og vann hon eina miljón krónur í gekkinum Vilmund Jacobsen Árini 2008 til 2010 økti­ st útflutningurin av óvirkaðum fiski úr 23.413 tonsum í 2008 upp í 34.952 tons í 2010. Í 2011 minkaðu nøgd­ir­nar aftur, og í 2012 var talið 2% minni enn í 2011. Út­flutningurin av óvirk­að­um fiski - sam­ an­lagt - er mink­aður árini síðan 2010, og tað eru serliga nøgd­ir­nar av toski, hýsu og up­sa, sum eru javnt mink­að­ ar tey seinnu árini. Minni verður útflutt av óvirkaðum Vilmund Jacobsen Tá nólsoyingar leygarkvøldið bjóðaðu til nátaveitslu, høvdu tey dekkað borð til 90 fólk. Úr Nólsoy verður sagt, at bert nøkur heilt fá pláss vóru eftir, og tí var talið av fólki, sum hetta kvøldið høvdu leitað sær til góðan mát og hugna, næstan 90. Hetta er eitt stórt tal í eini bygd, har íbúgvaratalið liggur væl niðan fyri 300. Á veitsluni í Nólsoy var gott undirhald, bæði við skemti og tónleiki, og tá sjálvt borðhaldið var av, varð dansað til langt út á náttina. - Tiltakið eydnaðist stak væl, og vit eru sera væl nøgd við undirtøkuna. Úr Nólsoy verður sagt, at tey, sum vóru við á nátaveitsluni, í fyrsta lagi vóru nólsoyingar, sum búgva í Nólsoy og síðan nólsoyingar, sum búgva aðrastaðni. Við á nátaveitsluni vóru eisini fólk við ymiskum tilknýti til bygdina. Stór nátaveitsla í Nólsoy VEITSLA Leygarkvøldið var stór nátaveitsla í Royndarhúsinum í Nólsoy Nólsoyingar hugnaðu sær á stórari nátaveitslu leygarkvøldið Á Vísindavøkuni varð heiðurslønin fyri framúr góða almenna miðling av gransking 2013 latin Páli Weihe, yvirlækna og granskara. Saman við heiðursbrævinum fylgdi kekkur á 5.000 krónur. Fleiri enn 100 kampingvognar í Vestmanna Í vikuskiftinum hevur stórt kampingtreff verið í Vestmanna, har fleiri enn 100 húsvognar og nógv fólk vóru savnað. Ymisk tiltøk vóru á skránni, og bæði børn og vaksin hugnaðu sær óført.