mánadagur 30. september 2013síða 23

23 Mánadagur 30. september 2013 · Nr. 112 Sosialurin Hugskot og viðmerkingar – send sms til 225000 ítróttur Jóannes Hansen Tað restar eitt umfar í næst­ bestu deildini. Tað verður á skránni leygar­dagin. Longu undan tí umfarinum er tað greitt, at B68 og Skála fara at flyta upp. Tað er eisini greitt, at B68 leygardagin fer at fáa gullkrónurnar, og at Skála fer at vinna silvurmerkini. Í síðsta umfari fær B68 vitjan av B71. Eisini á Skála fer tað at bera viðhaldsfólkunum til á heimavølli at vera eygna­vitni til handanina av heiðurs­merkjum, tí Skála fær vitjan av teimum næstbestu hjá EB/Streymi. Leygardagin vann B68 trivaligan 5-2 sigur í Streym­ nesi. Jónleif Højgaard skoraði fýra ferðir, og nú er hann topp­skjútti í 1. deild við 22 málum. Skála var á útivølli í Leirvík, har tað eydnaðist at vinna sannførandi 4-1 sigur. Leygarkvøldið og í gjár varð spurnartekin sett við uppflytingina hjá Skála, tá ið tað vísti seg, at spæliloyvið hjá Jákupi Jacobsen lá í Dan­ mark. Í gjárkvøldið varð stað­ fest í FSF, at kæru­freistir­ nar fyri teir 20 dystirnar, sum hann hevur spælt í næstbestu deildini, er farin, og at tað ikki verður gjørt meiri við hetta málið. Tí verður roknað við, at Skála næsta kappingarár verður partur av bestu deildini. Meðan tað bara er eitt ár síðani, at B68 flutti niður, so hevur tað verið meiri turbo­lent, áðrenn Skála nú fótaði sær aftur. Eftir niður­ flytingina úr bestu deildini í 2008, flutti Skála í 2009 niður í triði bestu deildina. Steðgurin har var tvey ár. Í fjør var um reppið, at Skála flutti upp, og næsta ár – eftir at hava verið burturi í fimm ár – verður tað aftur sunnu­ dagsfótbóltur á Skála. Fyrireikingarnar Felags fyri bæði B68 og Skála er tað, at liðini, sum nú hava kvalifiserað seg at spæla í bestu deildini, hava havt lokalar venjarar. Øssur Hansen, sum í síni tíð var ein av lyklaspælarunum á Svanga­skarði, hevur verið venj­ari á Toftum, og Eliesar Olsen, sum 14. september fylti 24 ár, hevur verið venjari á Skála. Fyrireikingarnar til næsta kappingarár eru byrjaðar, nú tað er greitt, at tey bæði liðini kring Skálafjørðin og hvør sínu megin NSÍ, næsta ár skulu spæla í bestu deildini. Felags fyri bæði Tofta Ítróttar­felag og Skála Ítróttar­felag er, at ætlanin er, at bulurin á liðunum skal vera spælarar, sum eru upp­ vaksnir ávikavíst í B68 og Skála, og – ivaleyst orsaka av ringum royndum hvat tí við­víkur – eru fráboðanirnar tær somu í báðum støðum, tá ið tað verður undirstrikað, at feløgini ongar ætlanir hava um, at fíggjarligi bogin skal spennast órímuliga nógv. Bæði á Skála og á Toftum verður ásannað, at tað er neyðugt at styrkja um liðini, um tað skal bera teimum til at sleppa undan niðurflyting. Og í báðum støðum verður sagt, at tað hevði passað væl til konseptið, sum tað eitur so fínt nú á døgum, um tað vóru lokalir spælarar, ið hesi síðstu árini hava verið aðra­ staðni, sum komu aftur at lívga barndómsfelagið. Einki ítøkiligt hevur enn verið at frætta um flytingar, men í og kring feløgini verður tað tosað og vónað, og dreymarnir liva sítt fríska lív. Útisetarnir Á Toftum snýr tað seg um eitt nú Harald R. Højgaard, sum síðani í summar hevur spælt í NSÍ, um Jann Inga Petersen, sum nú spælir í Víkingi og um, André Olsen, sum undan summarsteðginum var í Víkingi, men sum ikki hevur spælt síðani, tí hann er so skaðaplágaður. Dreymurin og trumfurin hevði tað verið, um Fróði Benjaminsen nú gjørdi av, at hann kvittaði HB og høvuðs­ staðin, og at hann endaði fína fótbólts­tíðar­skeiðið við aftur at spæla fyri B68! Fleiri evnaríkir spælarar av Skála og Strondum hava seinnu árini spælt aðra staðni. Eitt nú er talan um Jónhard Frederiksberg, sum fyri stuttum fylti 33 ár. Eftir at Skála flutti niður í 2008, fór Jónhard til Runavíkar at spæla, og har hevur hann verið síðani burtursæð frá í fjør, tá ið hann umboðaði EB/ Streym. Ein annar er 21 ára gamli Andrass Frederiksberg, sum er uppvaksin hinumegin fjørðin, men sum í fjør og inntil eftir summarsteðgin í ár spældi við NSÍ. Nú er hann farin av landinum í útbúgvingarørindum. Hanus Thorleifsson, sum hevur spælt í bæði B36 og HB, og sum fyrr í ár umboðaði ÍF, er eisini millum teirra, sum vuksu upp á Skála. Síðsta árið, hann spældi við Skála, var í 2005. Onkrir spælarar eru fyrr í ár aftur farnir at spæla við Skála, eftir at teir hava verið burtur í nøkur ár. Her verður hugsað um 20 ára gamla Jákup Johansen, ið hevur spælt á Skála síðani í summar, eftir at hann í hálvt annað ár royndi seg í Fuglafirði, og um 33 ára gamla veteranin Paula G. Hansen, sum hevur spælt við síðani í summar. Fyrra partin av hesum kappingarárinum helt hann frí frá fótbóltinum. Síð­ ani Skála flutti niður í 2008 hevur hann annars umboðað EB/Streym í fýra ár. Jóannes Hansen Tá ið føroyskur fótbóltur stet­ laði fyrstu fetini í europeisku liðkappingunum, var tað KÍ, sum var fyrsta liðið at royna seg í meistarakappingini – á mannfólkasíðuni. Mót­støðu­ liðið í 1992 var Skonto Riga úr Letlandi, sum vann 3-1 á Svangaskarði. Málið hjá klaksvíkingum skoraði Olgar Danielsen. Hetta kennist ivaleyst eitt sindur óviðkomandi at draga fram, tá ið tað snýr seg um føroyskan kvinnufótbólt, men tað er ein samanhangur í hesum. Skonto Riga lut­tók í europeisku meistara­kapp­ ingini í 1992, tí liðið hevði vunnið meistaraheitið í 1991. Hetta var fyrsta árið í langari røð av meistaraheitum. Skonto Riga vann meistara­ heitið øll árini frá 1991 og fram til 2004. Tað vil siga fjúrt­an meistaraheiti á rað. KÍ kvinnurnar siga seg bara hava fokus á næsta dysti og ikki á talinum á FM heitum. Síðani 2000 hava tær vunnið 13 ferðir, og eftir úrslitini í gjár er vegurin breiður og tryggjur fram ímóti fjúrtanda FM heitinum á rað. Harvið hava tær møgu­ leika at leggja seg upp á síð­ una á meistarametinum hjá Skonto Riga. – Nú fokusera vit bara upp á næsta dystin, men vit kunnu ikki siga annað, enn at tað nú er upp til okk­ um sjálvar at gera av, um vit skulu vinna FM eina ferð aftrat, sigur Malena Josephsen, liðformaður hjá KÍ, og hon heldur fram: – Vit eru sera fegnar um 6-1 sigurin á HB í gjár. Satt at siga stúrdu vit eitt sindur fyri júst hesum dystinum. Tað komst av, at venjingin í felagnum hevur verið rættuliga óreglu­lig seinast vikurnar. Tíggju av okkara spælarum hava verið upptiknar av lands­liðs­fótbólti – U19 og a-landsliðnum. Vit hava allar verið nógv í eldinum. HB hevði fimm á landsliðunum báðum, og tær spældu ikki so nógv. Men tað gekk væl, staðfestir KÍ liðformaðurin og endur­tekur, at tær taka ein dyst í senn, og at einki er liðugt fyrrenn alt er liðugt! Í tveimum teimum sein­ astu umførunum skal KÍ spæla ímóti ÍF í Klaksvík og ímóti AB á Argjum. EBS/ Skála, sum er einasti av­bjóð­ ari hjá KÍ, og sum er eitt stig aftanfyri KÍ, hevði frí hetta vikuskiftið. Mótstøðuliðini hjá EBS/Skála eru B36 á úti­ vølli og HB á heimavølli. Stóra London felagið Arsenal er í løtuni ovast í bestu eingilsku deildini hjá mann­fólkunum. Eisini hjá kvinn­unum roynist tað væl. Arsenal kvinnurnar hava vunnið meistaraheitið níggju tey seinastu árini. Harvið eru Arsenal kvinnurnar tær næstu KÍ í meistaraheitum á rað í europeisku lands­kapp­ ingunum. Tað ber eisini til at siga, at Arsenal rennur aftan á KÍ! Í hinum báðum dystunum í gjár gekk tað soleiðis, sum tað út frá støðutalvuni kundi roknast við. B36 vann 6-2 í Gundadali á AB. Har var Guðrið Thomsen tví­faldur málskjútti. Í granna­upp­gerð­ ini millum Víking og ÍF vann Víkingur 2-0. joannes@sosialurin.fo 1. deild støðan nr. lið dystir vunni javnt tapt + mál - mál +/- stig 1 B68 26 15 8 3 70 30 +40 53 2 Skála 26 14 6 6 71 37 +34 48 3 HB II 26 14 3 9 63 42 +21 45 4 FC Suðuroy 26 12 4 10 59 49 +10 40 5 B36 II 26 12 4 10 59 49 +10 40 6 Víkingur II 26 10 4 12 46 50 -4 34 7 KÍ II 26 9 3 14 50 55 -5 30 8 EB/Streymur II 26 8 5 13 41 60 -19 29 9 TB II 26 8 4 14 42 71 -29 28 10 B71 26 6 3 17 22 80 -58 21 1. deild kvinnur støðan nr. lið dystir vunni javnt tapt + mál - mál +/- stig 1 KÍ 16 14 1 1 82 10 +72 43 2 EBS/Skála 16 14 0 2 58 8 +50 42 3 HB 15 9 1 5 49 19 +30 28 4 B36 16 8 2 6 25 25 0 26 5 ÍF 16 4 0 12 16 68 -52 12 6 Víkingur 17 2 2 13 6 68 -62 8 7 AB 16 1 2 13 11 49 -38 5 8 B68/NSÍ 0 0 0 0 0 0 0 0 Einki fortilfeldi við størri revsing Ætla sær at rógva aftur á aftur Eftir stórsigur á HB í Gundadali er vegurin breiður og tryggur hjá KÍ kvinnunum fram ímóti fjúrtanda FM heitinum á rað og harvið metinum hjá Skonto Riga Felags fyri uppflytararnar á Toftum og Skála er, at ætlanin er, at bulurin á nýggju liðunum í bestu deildini skulu verða lokalir – teir sum hava vunnið uppflytingina og teir, sum síðstu árini hava roynt seg aðra staðni B36 - AB 6-2 (3-2) 0-1: Ásleyg Súnadóttir 12. 1-1: Elisabeth Vang 30. 2-1: Katarina K. Saxov 33. 3-1: Anja M. Weyhe 37. 3-2: Tóra Olsen 39. 4-2: Vár Næs 60. 5-2: Guðrið Thomsen 77. 6-2: Guðrið Thomsen 79. HB - KÍ 1-6 (0-5) 0-1: Sofía Purkhús 18. 0-2: Maria K. Thomsen 24. 0-3: Sofía Purkhús 31. 0-4: Annika Ragna Petersen 41. 0-5: Maria K. Thomsen 43. 1-5: Bjørt Magnussen 60. 1-6: Maria K. Thomsen 80. Víkingur - ÍF 2-0 (0-0) 1-0: sjálvmál 66. 2-0: Jensa Olsen 88. Sí fakta á faroesoccer.com fótbóltur