hósdagur 10. oktober 2013síða 16

Fríggjadagur 11. oktober 2013 · Nr. 117 16 Sosialurin Hugskot og viðmerkingar – send sms til 225000 kent fyribrigdi, at tað skal loysa seg at arbeiða. Tí hevur tað stóran týdning fyri eitt land ella samfelag, hvussu skattaskipanin virkar. Í teim londum, sum hava ment væl­ferðar­ tænasturnar mest hevur skatta­ trýstið verið harðast. Her kunnu vit serliga taka Norðurlond sum dømi. Men seinru árini sær út til, at skipanirnar ikki halda til tað longur. Sparingar og skerjingar á teim ymisku fíggjarlógunum verða framdar, og roynt verður at lækka skattirnar hjá teim hægru inn­tøkunum, sum hava verið harðast raktar av ovurskatting. Politiska skipanin í teim ymisku londunum hevur so smátt skilt, at skattur ikki er nakað, sum staturin eigur, men nakað sum staturin tekur frá teim sum eiga og hava forvunnið inntøkuna. Núsitandi landsstýri og sam­ gonga gjørdu eitt megnar­arbeiði, tá tann sokallaði flatskatturin varð samtyktur fyri sløkum tveimumm árum síðani. Tað var í tøkum tíma hetta varð gjørt, sjálvt um skatturin ikki vart heilt flatur. Størri inntøkurnar fáa framvegis ein lutfallsliga nakað hægri skatt. Hendan skipanin hevur fingið nógvar atfinningar, men einki er at ivast í, at sum frálíður verður hon góðtikin av flest øllum. Eisini verða líknandi skipanir so líðandi innførdar í teim londum, vit annars samanlíkna okkum við. Hon skal helst hava onkrar justeringar, men stórt sæð er hon røtt. Landskassans inntøkur frá hesi skattaskipan fara eisini at økjast í framtíðini. Eisini er skattingin av pensiónum eitt bragd. Tær verða nú skattaðar við inngjald, men ikki við útgjald. Tá er øll útgjaldingin skattafrí. Fyri skattaborgaran er tað stórt sæð líka mikið, um skattingin fer fram við inngjald ella útgjald. Munurin er, at landskassin held­ur enn tryggingarfeløgini fær skatta­ peningin at arbeiða við. Okkurt skatttatiltak hjá lands­ stýrinum virkar tó heldur løgi. Uppskot er lagt fram um eykaskatt á fiskivinnu- og alifeløg uppá 7 % av yvirskotið yvir 1 mió. kr. Hetta virkar darvandi fyri góð vinnuvirki og virkar í heila tikið ólogiskt. Um neyðugt er at fáa eitt sindur meira í landskassan, so var meiri regluligt, um tingið hækkaði vanliga parta­ felagsskattin fyri øll feløg eitt sindur. Hóskandi hevði helst verið at sett partafelagsskattin afur til 20 % frá teim núverandi 18 %. Ein skattur uppá 20 % er framvegis væl kappingarførur við flest øll onnur lond nærindis okkum. Tey flestu hava eitt partafelags skattaprocent millum eini 23 og 26. Spurningurin um eitt serligt tilfeingisgjald afturfyri at fáa lut í einum tilfeingi kann altíð kjakast um. Men um slíkt skal gerast, so lat tað vera við varsemi. Onkrar viðmerkingar afturat Ein partur av yvirskriftini var politiska umhvørvið. Eg royni at fylgja við á føroysku miðlunum um hendingar, sum fara fram á ymiskum økjum, ikki minst teim politisku. Politikkarar skriva og úttala seg. Viðmerkjarar skriva og úttala seg. Og “vanlig” fólk hava viðmerkingar, mest á netinum og portalum. Eg kann ikki lata vera við at lesa ein stóran part av tí. Men at siga, at tað er uppbyggjandi lesn­aður er ikki í tráð við sannleikan. Eitt at gera sakligar atfinningar móti tí politikki landsstýrið og sam­gong­an føra, men tann niðurgering og tað óhøviska orðalag, sum meginparturin av teim skrivandi hava, finnur neyvan sín líka millum vanlig hampafólk. Tíbetur er tað nøkulunda tey somu 20-30 fólkini sum ganga aftur í teim flestu viðmerkingunum. Flestu politisku viðmerkjarnir leggja eftir Fólkaflokkinum, og taka nærmast synd í Sam­bands­ flokkinum. Hesin flokkur átti held­ur at veri glaður um at vera í sam­gongu við ein politiskan flokk, sum fær nakað av skafti. Og tað haldi eg eisi, at hann er. Tó vil eg finnast at báðum flokkunum fyri at hava hækkað ríkisstuðulin við prís­vøkstrinum. Tað var betri ógjørft. Heldur skuldi veri arbeitt dúgligari á leiðini móti meira sjálvstýri. Nú er bert hálvt valskeið eftir at náa málinum hjá løgmanni: at skipa eitt Ríkjasamband av trimum sjálv­støðuðum londum. Framhald av síðu 15 www.torshavn.fo tórshavnar kommuna Leys størv í Tórshavnar kommunu Søkt verður eftir samskipara til KT-deildina hjá Tórshavnar kommunu at byrja skjótast gjørligt. Okkum tørvar ein samskipara, sum megnar at hava nógvar bóltar í luftini og við evnum at fáa verkætlanir á mál. Arbeiðsuppgávur KT-deildin er skipað í ávikavist 1. level, sum loysir dagligar supportuppgávur, og 2. level, sum arbeiðir við størri verkætlanum, rakstri av teldukervinum hjá kommununi og servarum. Samskiparin skal vera við til at broyta deildina frá at vera ein rakstrardeild til at vera ein deild, sum umframt rakstur, skal samskipa KT í kommununi og veita øðrum kommunalum eindum ráðgeving. Arbeiðsuppgávurnar hjá KT-samskiparanum eru býttar í tvey øki: • At samskipa dagligu uppgávurnar á deildini • At hava ábyrgdina av verkætlanum. Talan er um eitt avbjóðandi starv í eini stórari umsiting við nógvum og fjøltáttaðum arbeiðsupp- gávum. Førleikakrøv Vit vænta, at tú hevur 3-5 ára útbúgving og minst 3-5 ára royndir innan økið. Viðkomandi, sum verður settur, skal kunna vísa á royndir sum verkætlanarleiðari. Tað er eisini ein fyrimunur, um tú hevur gott tøkniligt hegni. Sum KT-samskipari er neyðugt at samskifta á føroyskum, donskum og enskum. Setanarviðurskifti Starvið verður sett skjótast til ber og lønt sambært avvarðandi sáttmála. KT-SAMSKIPARI Býarbókasavnið søkir eftir avloysara fyri bókavørð í farloyvi at byrja skjótast gjørligt. Starvið er 29,25 tímar um vikuna, og setanartíðin er fram til 31. oktober 2014. Arbeiðsuppgávurnar hjá tí, ið settur verður, fevna um vaktir í útláninum og á barnabókasavninum, bókarøkt og bókaval, skráseting og rættlestur. Harumframt skal viðkomandi eisini saman við øðrum fyriskipa tiltøk. Førleikakrvøv o.a. Ein stórur partur av arbeiðinum á Býarbókasavni- num fer fram í toymum, og tí krevst, at umsøkja- rin hevur góð samstarvsevnir og dugir at laga seg til skiftandi umstøður. Umsøkjarin skal hava góðan málsligan og tøkniligan førleika, og duga væl at samskifta og miðla í skrift og talu. Prógv ella lestrarváttan frá viðurkendum bókasavnsskúla ella samsvarandi útbúgvingar- stovni krevst. Setanarviðurskifti Starvið verður lønt sambært sáttmála við avvarðandi fakfelag. BÓKAVØRÐUR Umsókn saman við prógvum, viðmælum og upplýsingum um útbúgving og royndir skal sendast til torshavn@torshavn.fo ella Tórshavnar kommunu, Vaglið, Postboks 32, 110 Tórshavn. Umsóknarfreistin er hósdagin 24. oktober 2013 kl. 12.00. Meiri fæst at vita um starvið við at venda sær til Petur Mittún, KT-leiðara, peturm@torshavn.fo ella fartelefon 218284. Tórshavnar kommuna søkir vegna Dagstovnin á Hamrinum eftir einum pedagogi til barnagarð, fyri pedagog í farloyvi, at arbeiða 30 tímar um vikuna at byrja 1. november 2013 ella eftir nærri avtalu fram til 31. oktober 2014. Eisini verður søkt eftir einum hjálparfólki til vøggustovu, fyri hjálparfólk í farloyvi, at arbeiða 30 tímar um vikuna at byrja 1. november 2013 ella eftir nærri avtalu fram til 30. Juni 2014. Um pedagogur ikki søkir kann hjálparfólk sett í tíðaravmarkaðstarv. Setanarviðurskifti Størvini verða sett sambært sáttmála millum Føroya Pedagogfelag og Kommunala Arbeiðs- gevarafelag Føroya. Umsókn saman við viðmælum, upplýsingum um útbúgving og royndir skal vera Dagstovninum á Hamrinum, Glyvursvegur, 160 Argir í hendi í seinasta lagi mánadagin 28. oktober 2013. Meiri fæst at vita um størvini við at venda sær til Anniku Wenning- sted Jacobsen, stovnsleið á telefon 225784 ella við at hyggja inn á www.dag-ham.fo. STARVSFÓLK Umsókn Umsókn saman við prógvi ella lestrarváttan og upplýsingum um royndir skal sendast til Býarbó- kasavnið, Niels Finsens gøtu 7, FO-100 Tórshavn, ella við teldposti til: bbs@bbs.fo Umsóknarfreistin er 27. oktober 2013. Meira fæst at vita Meira fæst at vita um starvið við at venda sær til Arnbjørn Dalsgarð, býarbókavørð, telefon 302030.