týsdagur 22. oktober 2013síða 28

Mikudagur 23. oktober 2013 · Nr. 122 28 Sosialurin Hugskot og viðmerkingar – send sms til 225000 ítróttur fótbóltur Tróndur Arge Bestu avrikini vóru óiva á heimvølli móti Svøríki og fyrri hálvleikur móti Írlandi. Vánaligasta av­rik­ið var í Eysturríki, tá okk­ara taptu heili 6-0. Nú ber til at taka saman um hesa undan­kapp­ ingina og seta landsliðið hesa undan­kappingina. Støðið er tikið í spælara­ metingunum hjá Sosialinum. Tað er ymiskt hvussu nógv spælararnir hava spælt og einkul avrik er ikki grundar­ lag nokk til at koma á liðið, men eitt nú avrikini hjá Odmari Færø eru ógjørlig at koma uttanum. Her er ein samanumtøka av dystunum hjá landsliðnum í hesi undankappingini, sum kastaði eitt einkult sig av sær. Týskland - Føroyar 3-0 (7. septembur 2012) ————————————— Tíggju ár eftir minniliga dystin í Hannover, stendur før­oyska landsliðið framm­ an­fyri kanska størstu upp­ gáv­uni nakrantíð. Týska lands­liðið er so væl spælandi sum kanska ongantíð áður. Størsta ivamálið er um Gunnar Nielsen skal byrja ella ikki. Hann hevur ikki spælt dyst í næstan tvey ár vega skaða. Lars Olsen velur at byrja við Gunnari og tað er ein góð loysn. Málverjin spælir ein branddyst, men tað er ikki nokk at steðga týsku maskin­ uni, sum vinnur 3-0. Uttanfyri vøllin vinna før­ oysku áskoðararnir stórt. Teir undirhalda og larma meiri enn týsku áskoðararnir. Odmar Færø og Gunnar Nielsen fáa bestu metingina í Sosialinum við hvør sínum fimm stjørnum av seks. Føroyar - Svøríki 1-2 (12. oktobur 2012) ————————————— Zlatan, Zlatan og Zlatan. Alt snýr seg um svensku heiims­ stjørnuna, tá Svøríki vitjar á Tórsvølli. Hann avgerð dystin við at leggja upp til fyrra málið og skorar sjálvur tað seinna. Hann eigur eisini báðar søgur­nar í Sosialinum. Ein er, at hann og Fróði Benjaminsen fara til hendurs í hálvleikinum. Hin søgan er, at 12 ára gamli Tórur Rasmussen fær brøkurnar hjá Zlatan, tá hann royndir at spyrja um troyggjuna. Føroyska avrikið er fram­ úr gott. Vit hepni, so fingu okkara í minsta lagi stig í dystinum. Avgerandi løtan er, tá Jónas Tór Næs fer at bløða og má av vøllinum at blíva seymaður. Í somu løtu skoarar Svøriki. Allir spælararnir fáa góð ummæli, men aftur eru tað Odmar Færø og Gunnar Nielsen, sum fáa mest. Teir fult hús – seks stjørnur í part. Føroyar – Írland 1-4 (16. oktobur 2012) ————————————— Vónirnar eru góðar til dystin móti Írlandi. Lars Olsen ger fáar broytingar og tað er ikki so løgið, tá hugsað verður um avrikið móti Svøríki. Í ein hálvleik spæla okkara fult upp við Írlandi og tað er málleyst í hálvleikinum. Faktist hava vit bóltin meiri enn gestirnir, sum tó skulu vísa seta at verða betri fyri. Í seinna hálvleiki gongur bara lítil løta, so leggur Írland seg á odda. Løtu seinni blívur 2-0, áðrenn Arnbjørn Hansen tendrar ein neista, men tað endar við vónbrotið. Støðan blívur heili 4-1 og tað er eitt vónbrot, tá alt kemur til alt. Jónas Tór Næs, Hallur Hansson og Fróði Benjamin­ sen fáa allir fimm stjørnur fyri síni avrik. Eysturríki – Føroyar 6-0 (22. mars 2013) ————————————— »Amatørar uttan geist í Wien«, er yvirskriftin í Ítróttar­sosialinum, eftir at føroyska liðið hevur tapt 6-0. Ongin troyst er at finna í Eysturríki uttan at hetta er tað vánaligasta tað kann blíva. Fyrireikingarnar til dystin vóru undir alt lágmark og fleiri spælarar vóru als ikki í venjing. Taktiska uppleggið er ikki gott og kostar dýrt. Einki hongur saman á føroyska liðnum og kjakið í Føroyum er heitt eftir dyst­ in. Í landsliðshópinum verð­ ur roynt at vísa á, at slíkt kann henda fyri ein tjóð sum Føroyar í altjóða fótbólti. Dysturin kemur at hanga yvir Lars Olsen og lands­lið­ num restina av árinum. Allir spælararnir fáa av at vita í spælararmetingunum. Bara Gunnar Nielsen og Christian L. Holst fáa tvær stjørnur, meðan allir hinir fáa eina. Írland – Føroyar 3-0 (7. juni 2013) ————————————— Robbie Keane stjelur allar yvirskriftirnar, tá hann skor­ ar hattrick. Okkara spæla ikki nakran góðan dyst, men Írland á útivølli er ikki nakar lættur dystur. Tríggjir spælarar fáa debut á landsliðnum. Ári Mohr Jónsson, Páll Andrasson Klettskarð og Heini Vatnsdal fáa allir eld­ dóp í landsliðshøpi. Ongan av teimum skarðar framúr í einum dysti, har føroyska liðið leingi er trýst langt aftur á vøllin. Serliga Páll Klettskarð hevur tað trupult í álopinum. Hetta skuldi verða dyst­ urin, har vit fingu vaskað 6-0 tapið av okkum, men tað bleiv ikki heilt so, men eitt betri avrik enn í Wien. Gunnar Nielsen er besti maður á føroyska liðnum við einum 5-tali. Svøríki – Føroyar 2-0 (11. juni 2013) ————————————— Aftur snýr alt seg sum Zlatan Ibrahimovic. Hann skorar bæði málini í dystinum og skuldi fingið reytt kort tvær ferðir! Vit kenna søguna og Zlatan fekk sjálvandi einki reytt kort, sjálvt um hann bæði tveitt ein bólt í høvdið á Gunnar Nielsen og langar albogan í høvdið á Atla Gregersen. Støðan er 1-0, tá Svøríki fær ein mann útvístan, men bara minuttir seinni fær Zlatan eina gávu av einum brots­sparkið, sum verður um­sett til mál. Eftirspælið av dystinum verður eitt munnligt kríggj millum Zlatan, sum metir at føroyskir spælarar grenja ov illa, og føroyskar spæl­ ar­ar, sum ikki vilja hava slíkt sitandi á sær. Símun Samuelsen skrivar mail til Expressen, sum verður lagt fram í blaðnum. Johan Troest Davidsen spælir sín dyst landsdyst undir Lars Olsen og verður dagsins spælari. Hann fær fimm stjørnur. Kasakstan – Føroyar 2-1 (6. septembur 2013) ————————————— Tað eru stórir trupulleikar við at fáa Gunnar Nielsen við til Kasakstan. Passið er blivið vekk í postinum og tað er um reppið, at landsliðsmálverjin ikki sleppur inn í landið. Tíðliga á dystardegi lend­ ur Gunnar í Kasakstan og er við í dystinum. Fróði Benjamin­sen leggur Føroyar á odda 1-0 í fyrra hálvleiki. Tíðliga í seinna hálvleiki verður føroyska liðið presen­ tera fyri Johnny Casanova. Dómarin bríkslar púra óskiljandi fyri brotssparki til Kasakstan, sum teir skora uppá. Løtu seinni skorar Kasakstan aftur. Hesa ferð meta fleiri føroyskir spælarar, at talan er um rangstøðu. Øði er til at fáa eyga á hjá føroysku spælarunum, sum eru vónbrotnir eftir dystin. Málskjúttin og liðskiparin hjá føroyska liðnum, Fróði Benjaminsen er saman við Gunnari Nielsen besti spæl­ arar á vøllinum. Teir fáa fimm stjørnur hvør fyri av­ rikið í Astana. Føroyar – Týskland 0-3 (9. septembur 2013) ————————————— Týskland er á vitjan og alt er á gosi, tí Mesut Özil er við. Hann hevur fyri kortum skift til Arsenal og tað hevur vakt stóran ans millum føroyskar Premier League fjepparar. Føroyska liðið stendur móti trýstinum eina løtu, men so skorar Týskalnd eitt býtt mál. Okkara megna ikki at rudda vekk eftir horna­ spark og Per Mertesacker kann lættliga leggja Týskland á odda. Støðan er framvegis 1-0, tá eitt stórt korter er eftir av dystinum og føroyska lið­ið byrjar at bíta frá sær. Tíverri endar ein álopsstøða við, at Thomas Müller blívur púra leysur. Atli Gregersen eltur hann og tað endar við brots­ sparki og útvísting til gøtu­ mannin. Týskland vinnur 3-0 og tað er eitt sindur óheppið, at tað skal blíva trý mál á muni, tí vit vóru ikki langt frá at fáa eitt betri úrslit. Viljormur Davidsen og Pól Jóhannus Justinussen eru bestu menn á føroyska lið­ num. Teir fáa fimm stjørnur í part. Føroyar – Kasakstan 1-1 (11. oktobur 2013) ————————————— Lars Olsen sigur á tíðinda­ fundi, at næstan allir spæl­ ararnir hjá Kasakstan spæla í Russlandi. Stutt eftir gera miðlarnir vart við, at so er ikki. Søgan endar í donsku miðl­unum og Lars Olsen er argur um støðuna. – Eg var mis­mæltur, sigur hann við Sosialin. Tað gerst skjótt greitt, at Kasakstan eru til at hava við at gera í hesum dystinum. Føroyska liðið er omaná og Hallur Hansson skorar eitt framúr mál, sum verður víst kring allan heimin. Føroyska liðið megnar tó ikki at halda fast um leiðsl­ una. Kasakstan javnar og før­ oysku útskiftingarnar koma ov seint. »Sum at fáa undirbuksur í jólagávu« skrivar Sosialurin. Teir eru til nógva nyttu, men ikki líka stuttligt sum at fáa onkran stóran pakka. Hallur Hansson verður dagsins spælari. Umframt at skjóta málið, so er hann eis­ini miðpunktið á liðnum. Hann fær fimm stjørnur. Føroyar – Eysturríki 0-3 (15. oktobur 2013) ————————————— Joseph Hickersberger er aftur í Føroyum. Hann vátt­ ar fyri Sosialinum, at hann undirmetti Føroyar und­an minniliga dystinum í Lands­ krona í 1990. Eysturríki hevur ongantíð vunnið á útivølli móti Før­ oyum og tað er lagt upp til, at føroyska liðið skal legga trýst á Eysturríki. Tíverri, so kemur Eystur­ ríki á odda tíðliga í dystnum. Hóast leikluturin hjá Eystur­ ríki er útspældur í bólka­ spæl­inum, so stilla teir við sterk­astu manning. Teir spara heldur ikki upp á krútið og vinna 3-0. Føroyska liðið hevur nakr­ar málmøguleikar, men Eystur­ ríki er betra liðið og vinnur uppiborið. Súni Olsen spælir sín sein­ asta dyst og verður kosin til dagsins spælara við fimm stjørnum. Pól Jóhannus Justinussen fær somuleiðis fimm stjørnur. trondur@sosialurin.fo HM undankappingin 2014 er av fyri okkara viðkomandi. Hetta var fyrsta undankappingin við Lars Olsen sum venjara. Úrslitini hava verið eitt sindur misjøvn HM undankappingin 2014