hósdagur 31. oktober 2013síða 46

nr. 126 · 1. november 2013 10 VIKUSKIFTI Fyrst mistu vit Uttanríkisráðið, tí vit høvdu ikki longur brúk fyri ein­ari slíkari fullveldisleivd. Vit sleppa at vera við í danska Uttan­ríkisráðnum. Tey har orðna tað, sum orðnast skal fyri okkum utt­an fyri ríkið og í ES. Mótmæla boykottum, men ikki boykotta tey, eitt nú. Og tað er so lítið uttan fyri rík­ið, at eitt heilt aðalráð er alt ov nógv. Eitt reservaráð hjá løg­ manni er ivaleyst. Og nú hava vit heldur einki Inn­lendismálaráð. Tað varð søkt á Tangafirði, har sum djúp­ast er sambært forkanning­unum. Ófriður við tí. Hvørki úti ella inni. Vit eru so lítil­látin í Føroyum. Kanska verða bæði ráðini griv­in uppaftur eftir næsta val. Ikki tí ráðini vera, men tí fýra ella fimm flokkar vera í samgonguni, fólkaræði, tit vita. Men, sum ein segði: lívið er ikki svart og hvítt. Nei, tað er svart og grátt, ofta svart, men oftast grátt. Hatta hvíta er følsk reklama og tí brot á lógina um mark­naðarføring. Myrkur heystarmorgun. Enn ein dagur hóttir har úti í surk­ i­num, sum ballar glæmuna frá lyktarpelunum. Enn ein dagur við lygnum í trún­aði, makreli og øllum hinum puss­fiskunum á landi. So skjótt sum okkara ættarlið hevur fiskað fiskin hjá okkara ættarliði, fiskar okkara ættarlið fiskin hjá næsta ættarliði. Og so framvegis til eingin fiskur er eftir. Er brúk fyri nakrari nýskipan, tá verandi skipan er so einføld og greið og riggar so væl? Enn ein dagur við langum hala í frá­faringarhøllini í Vág­um, sum verður útbygd, tí so nógv fara. Fyri at fara niður, krevst at fara upp fyrst. Og tíverri vil eing­ in vera ver­andi uppi. Øll vilja nið­ur. Og eitt afturat, í landi Guds fáa tey gráar lygnir frá einum svørt­um forseta. Teimum verða afturlønt í grá­ um imperialista­skinni øll krígg­ini. Einasta almennu lønir, pengar eru til, eru lønir hjá herfólki. Enn ein dagur uttan endaligar loysnir. Bara fyribils loysnir og út­set­ingar og einki er liðugt fyrr enn alt er liðugt, og tað er ong­an­ tíð. Tá einki er liðugt, verður alt ong­antíð liðugt. Og hvussu leingi er ein nýskipan nýggj? Eina ferð, snakkað varð um ný­skipanir, segði ein, at hvør króna, sum ferða­vinnan fær, kem­ ur níggju­falt aftur. Nógv betri enn nøkur epla­velta. Níggju ferðir 14 milliónir eru 126 milli­ón­ir. Sjálvandi fer løgtingið at síggja vandan og álvaran og leggja tær 100.000 kr. afturat aftur, sum lands­stýrið ætlar at taka frá stóra alternativ­inum. 900.000 kr. eru eisini pengar, bara 100.000 minni enn ein CIP-millión. Landsliðið, jú, teir vóru tendr­ að­ir og fóru í eldin. Tað gjørdist tó fyrst og fremst eldsløkking í verj­uni. Fyrr í tíðini endaði onkur dyst­ ur 0-0. Føroyar javnaðu við ein­um bleytum og diagonalum bólti í tíðini, sum dómarin, sum annars sum vant helt við hinum, legði afturat tíðini, sum var farin. Fótbóltssambandið fekk ljósa­ reytt kort fyri ikki at geva kvinn­ um, sum sparka, løn, tá tær fara av landinum at sparka. Tað kostar annars ikki so nógv, tí kvinnur arbeiða bara hálva tíð. Eftir røttum áttum tær bara at spælt ein hálvleik og fingið løn fyri hann. Besta landsliðið hjá monn­ um fær lønina endurgoldna, varð sagt. Eg helt annars, at teir í A-lands­liðnum, og ikki U21- liðnum, fingu løn fyri hvørki at raka dag­in, bóltin ella málið. Føroyingar kappast í fræls­ari ítrótt í øðrum londum, í fræls­um londum. Hvussu er, kann ein koloni kapp­ast í frælsari ítrótt? Ein jólabók er á veg um mis­ lukk­aðar skorirepblikkir. Tann besta er hendan: “Veitst tú hvat, tú líkist einari millión – íslendskari.” Umafturafturum høgni djurhuus Móðurmálsviðursløn 2012 Óli Breckmann lagt til rættis: LEO POULSEN Elski allan góðan mat, serliga før­oysk­ an (vigi hareftir!) Tað sigur Óli Breckmann, sum við gleði minnist aft­ur á nógv gott í Politiska lívinum. Gott veður, familju­ lív, evangeliskt møti, lesnaður, vinalag og sam­ vera við næm­ingarnar ger hann í góðum lag, og so lurt­ar hann eftir Country & western, gospel, kór­sangi (serliga manskórum), harmoniku, góðum dansi­løgum og lættari klass­iskum tónleiki Grátt ráðloysi Hvat hevur verið tað besta í politiska lívinum? At búskapurin er 5-faldaður, at danski statsstuðulin er fallin úr 40% niður í 12% av fíggjarlógini, at Før­oyar eru samanbundnar samferðsluliga, at 10.000 fleiri før­oyingar búgva í landinum nú enn fyrst í 70-árunum, at vit eiga rættin til ráevnini í undirgrundini, at bert løg­ting­ið og før­oy­ingar nú av­ gera, um og nær vit taka sjálvstýri. Hvørja positiva hending minnist tú best frá politiska lívinum? Fólkatingsvalini í 1987 og 1998, tá eg fekk slakar 3.700 og 4.000 persónligar atkvøður. Banka­avtaluna í 1998 millum lands­ stýrið og ríkisstjórnina. Hvør er mest negativa hending? Tá javnaðarstjórnin hjá Nyrup Rasmussen í 1993 gjordi »bankakvett« í Føroyum og bant okkum niður politiskt og fíggjarliga í 5 ár. Hvat ger teg í góðum lag? Gott veður, familju­lív, evang­eliskt møti, lesn­ að­ur, vina­lag og samvera við næm­ingarnar. Hvat ger tú í frítíðini? Gangi túr (altíð við lítlu Rósu og ofta við Birnu (15-20 km um vikuna), lesi og skrivi. Tú ert nýggjur vertur á Rás2, hvat dámar tær tað? Havi bert roynt tað eina ferð og vóni at standa mát. Tú hevur áður spælt flogbólt, men hvussu er áhugin fyri ítrótti?: Tíverri ikki so stórur. Tú hevur skrivað fleiri bøkur, hvør hevur verið mest gevandi at skriva? Hvør meiri enn onnur. »Jól á Halanum« var hin fyrsta stóra og gjørdi meg ernan. »Skálvíksdrongur Sildar­ kongur« (føroyska uppsjóvarvinnan frá 1945 til 2000) í 3 bindum kravdi mest orku. »Á skatturin, skatturin« var lærurík um søgu og politikk. Hvørjum tónleiki lurtar tú eftir? Spyr ikki: Country & western, gospel, kórsangi (ser­liga manskórum), harmoniku, góðum dansi­ løg­um og lættari klassiskum tónleiki. Hvørjum hyggur tú at í sjónvarpinum? D&V, føroyskum sendingum og annars øllum, sum tíðin loyvir, og sum ein lærir av. Hvussu eru tínir matvanar? Minn meg ikki á tað: Elski allan góðan mat, serliga foroyskan (vigi hareftir!). Hvat er tín lívrættur? Steikt ræst kjøt við rót og míni egnu súrsøtu eplasalat. Hvør bók liggur á náttborðinum? George Gilder: The Israel Test.