mánadagur 4. november 2013síða 27

Mánadagur 4. november 2013 · Nr. 127 Sosialurin Hugskot og viðmerkingar – send sms til 225000 27 Áki Bertholdsen - Tað er ikki nóg mikið, at tað loysir seg at arbeiða. Tey, sum vilja arbeiða meiri, mugu sleppa til til tað Tað staðfestir Jørgen Niclasen, formaður Fólka­ floksins. Á landsfundinum hjá Fólkaflokkinum leyg­ar­dagin, fegnast hann um, at tað er toliliga friðarligt á føroyska arbeiðsmarknaðinum Størsti sáttmálin hjá Fíggjarmálaráðnum er við Lærarafelagið, og hann varð undirskrivaður hós­ dagin. Samstundis eru manningarfeløgini og Fíggj­ ar­málaráðið aftur farin til samráðingarborðið og verkfallið á Strandferðsluni er útsett. - Talan er um sámiligar sáttmálar, tí fakfeløgini vísa samfelagsábyrgd, staðfestir Jørgen Niclasen. Nýggir tónar Hann fegnast eisini um, at fakfeløgini hava broytt kós. - Fyrr hoyrdu vit oftast fakfeløg krevja longri feriu og styttri arbeiðstíð. Men nú hava fakfeløg­ini hinveg­in sterk ynski um at sleppa at arbeiða meir. Formaðurin í Fólkaflokkinum staðfestir, at stór mis­ nøgd er um, at nógv fólk í almennum starvi sleppa ikki at arbeiða fulla tíð. - Hetta eru tónar, ið vilja framburð og hetta fer sam­ gongan at gera nakað við, sigur Jørgen Nic­la­sen. - Vilja vit hava framburð, mugu vit tryggja teim­um sum vilja, møguleikan at arbeiða meir Hann heldur, at flatskatturin er ein politiskur stór­ sigur, tí nú loysir tað seg at arbeiða. - Men tað er ikki nóg mikið, tí tey, sum vilja, mugu sleppa at arbeiða meir. Jørgen Niclasen sigur, at samgongan hevur eisini sett sær fyri at krevja av almennum stovnum, at teir taka inn lærlingar. Jørgen Niclasen verður formaður í Fólkaflokkinum í minst eitt ár afturat. Tað hendi á floksleiðslufundi í Fólkaflokkinum leygarmorgunin, har formansval var á skránni. Og har varð Jørgen Niclasen afturvaldur til for­ mann hetta næsta árið, einmælt og uttan mótvalevni Hetta er sjeyndu ferð, hann verður valdur til formann. Fyrstu ferð var í 2007. Á landsfundinum vóru tey væl nøgd við Jørgen Nic­lasen, sum formann, tí tað varð nevnt, at tá ið hann tók við sum formaður í 2007, var Fólkaflokkur­ in fjórstørstur á Løgtingi við sjey tinglimum og sótu á aftasta bonki í Løgtinginum. Í dag er hann størsti flokkur á Løgtingi við heili níggju tinglimum og situr við fremsta borð í Løg­ tinginum. Áki Bertholdsen - Eg kann verða umstríddur og viðhvørt sigi eg kanska eisini ov nógv. Tað viðgongur Hanus Samró, yngsti tinglimur Fólkafloksins. Tað slepst ikki undan, at Hanus Samró, hevur mang­ an verið umstríddur hesi bæðu árini, hann hevur sitið á Løgtingi. Og á landsfundinum hjá flokkinum leygardagin ásannaði hann eisini, at hann er ikki ein, sum altíð fylgir rákinum. - Eg eri eitt óskrivað blað. Eg fylgi ikki altíð rák­inum og eg kann hava umstrídd sjónarmið og viðhvørt sigi eg eisini ov nógv, sigur tingmaðurin. - Men eg eri við fyri at læra, leggur hann afturat og hann duldi heldur ikki fyri, at hann droymir um at kunna halda eina formansrøðu í Fólkaflokkinum einaferð. Manglandi stoltleiki Men á landsfundinum livdi hann eisini upp til sítt umdømið sum umstríddur politikari, tí hann fýlist á, at tað eru ov nógv fólk, sum vilja hava pengar fyri einki at gera. Hann saknar, at fólk eru stolt av at arbeiða. Hann vísir á pedag­og­ verkfallið nakað síðani, sum hann sigur, snúði seg um at fáa pengar til fyri­reik­ing­ artíð. Og hann vísir eisini til sam­ráðingarnar um yvir­ menn­inar hjá Strand­ferðsl­ uni, sum skulu hava peng­ar fyri hvílitíð. Og hjá teimum ungu snýr tað seg um, at lesandi skulu sleppa upp í ALS. - Tað snýr seg ov nógv um at fáa pengar fyri einki at gera. Er hetta at vera politiskt korrektur, eri eg pol­ itiskt ókorrektur, staðfestir Hanus Samró. strevjabátur dir Føroyum Eg havi nógv at læra Jørgen Niclasen einmælt afturvaldur Hann er valdur til formann í Fólkaflokkinum fyri sjeyndu ferð Skulu sleppa at arbeiða fulla tíð Nýggir tónar frá fakfeløgunum vilja framburð, heldur formaðurin í Fólkaflokkinum Yngsti tingmaðurin hjá Fólka­flokkinum droymir um at verða floks­ formaður, men hann við­gongur, at onkuntíð var betri at hann tagdi Fólkaflokkurin vónar ikk, at Sambandsflokkurin torpederar ætlaðu fiskivinnunýskipanina við einum kravi um uppboðssølu Hanus Samró sigur, at hann fylgir ikki altíð politiska rákinum. Tað kann vera um­strítt, men kanska eis­ini eitt sindur sjarm­ er­andi, heldur hann