hósdagur 21. november 2013síða 31

31 Fríggjadagur 22. november 2013 · Nr. 135 Sosialurin Hugskot og viðmerkingar – send sms til 225000 ítróttur Tvey føroysk mál. Vit hava ikki skorað nokk mál seinnu árini, so tað er altíð gott at vit fáa tvey mál. Annars má avrikið hjá Pálli Klettskarð metast sum eitt pluss fyri møguleikunum í álopinum. Slapt verjuspæl. Hetta er ikki fyrstu ferð, at lið skorað móti okkum í deyðbóltsstøðum og mótálopum. Serliga í hornaspørkum eru vit veikir og ov lítið tendraðir. Tykist ikki sum dentur verður lagdur á tað til venjing. Ikki gott nokk. Gunnar Nielsen: 3 Hevur faktist bara eina góða bjarging í dystinum. Skal møguliga fáa hondina á fyrsta málið, sum er eitt langskot. Kann einki gera við málini til 2-0 og 3-0. 1 Rógvi Baldvinsson: 3 Tvey fram og eitt aftur. Soleiðis kann tíðin hjá Rógva á landsliðnum lýsast. Tí hann ger framstig og líkist einum framtíðar miðverja á landsliðnum, men ger framvegis feilir, hóast hann er sjónligur í framrættaða spælinum, sum málið eisiini vitnar um. Eigur sín lut í 3-0 málinum, tá hann missur bóltin í uppspælinum. 4 Hallur Hansson: 4 Er dagsins spælari saman við Pálli Klettskarð. Skorar eitt flott mál og er sjónligur á miðvøllinum. Gongur á odda í trýstinum, torir at hava bóltin og skapa nakað. Hevur nógva orku og er ágrýtin í trýstinum, tá hann eltir bóltin. Tykist mennast í løtuni, tá hann spælir eisini taktik væl nú. 6 Páll A. Klettskarð: 4 Átti uppleggið til fyrsta málið hjá okkum. Stóð annars sterkur í myndini. Bæði í verjupartinum, har hann arbeiður hart, og í álopspartinum, har hann luttekur í uppbyggjandi spælinum og kemur til møguleikar. Páll er helst fremst í røðini av “hinum” áleyparunum, sum allir hava staðið aftanfyri Jóan Símun Edmundsson. 11 Klæmint A Olsen: 2 Stóð ikki líka sterkur í myndini sum Páll Klettskarð, men arbeiddi hart og søkti allar bóltar, men kom ikki til nakrar møguleikar. Hevði eitt fínt upplegg til Páll, tá hann sleit seg leysan í høgru og legði innfyri. Er framvegis aftanfyri Páll í kø’ini, men landsliðsroyndirnar blíva fleiri og fleiri, so støðan hjá toppskjúttanum blívur betri. 10 Heini Vatnsdal: 3 Skal framvegis slípast til og mennast, áðrenn hann kann taka yvir á miðvøllinum. Serliga eru tað avspælingin og bóltførleikin, sum ikki er á landsliðsstigi enn, men tað skal nokk koma. Hevur eitt drive, sum kann seta upp til fleiri spælara av í einum. Spældi als ikki illa, men nakað óstøðugur á bóltinum. Hevði eitt kanónskot í seinna hálvleiki, áðrenn hann bleiv skiftur út stutt fyri tíð. 7 Jónas Tór Næs: 3 Hevur ikki vakin í málinum til 3-0, tá hann ikki fylgir sínum manni. Er annars nógv við í spælinum og kundi lættliga komið upp í móti einum 5-tali, men málið til 3-0 telur nógv niður. Annars ein góður dystur frá fyribils liðskiparanum. 2 Erling Jacobsen: 4 Er ikki vinstri bakkur, men miðverji. Hevur fyrr røkt leiklutin, men vísti ikki at hann er eitt alternativ á vinstra bakki. Er gjøgnumførdur í øllum tvídystum og hevði fatur á Misfud, tá hann økti til 2-0. Fekk hann beini á tá, so var talan um eitt 4-tal. Hevur nakað at geva landsliðnum. 3 Pól J. Justinussen: 3 Prógvaði enn eina ferð, at hann skal spæla á vinstra kanti. Hevði stórar trupulleikar í miðverjuni og megnaði ikki at fylgja kviku spælarunum hjá Malta. Bleiv í seinna hálvleiki fluttur út á vinstra vong og har var hann sjónligur, uttan at spæla upp til sítt besta. 5 Daniel Udsen: 2 Er púra vekk í fyrra hálvleiki og hevur sítt fyrsta innlegg í dystinum aftaná 73 minuttir. Er arbeiðssamur í verjustøðu, men bjóðar lítið fram eftir vøllinum. Eigur langa bóltin, sum er upphavið til fyrsta málið hjá okkum, men talan er ikki um eitt upplegg, men heldur ein langan bólt. Skapar ov lítið til at spæla á einum so skapandi plássi. 9 (▼82.) Christian R. Mouritsen: 3 Hevur ein misjavnan dyst. Byrjar illa og missur tríggjar teir fystu bóltarnar, men er kanska besti fram eftir vøllinum í seinnu hálvu av seinna hálvleiki við fleiri uppleggum. Prógvaði bara í løtum, at hann skal spæla fast á landsliðnum. Okkara mest skapandi spælari, men misti eisini bóltin til 2-0 málið. 8 (▼46.) (▼71.) (▼87.) Sonni Ragnar Nattestad: 3 (▲46.) Hevur sum so ikki so nógv at gera. Malta hevur bara eitt ella tvey vandamikil álop í seinna hálvleiki. Har ger Sonni Ragnar ongan feil og tað er at fegnast um, at hann nú hevur fingið ein smakk av a-landsliðsfótbólti. Sølvi Vatnhamar: 3 (▲71.) Kom inn á miðvøllin og skumpaði Hall Hansson longur fram. Vísti góðar dygdir við bóltinum, har millum annað okkurt gott síðuskift við langari avlevering. Eitt spennandi íkast til føroyskan landsliðsfótbólt. René Shaki Joensen: 3 (▲82.) Kemur eisini inn og ger tað gott. Torir at hava bóltin og bjóða av á høgra kanti. Manglar at fáa sítt gjøgnumbrot á Brøndby liðnum, men mennist heilt víst. Ein fram­tíðar­ maður á landsliðnum. Karl Løkin: (▲87.) Kom inn seinastu minuttirnar og hevði eina skot roynd á mál, men annars ov stutt inni til at fáa eina meting. Metingar: 1 til 6