mánadagur 25. november 2013síða 24

Mánadagur 25. november 2013 · Nr. 136 24 Sosialurin Hugskot og viðmerkingar – send sms til 225000 Nøkur orð til Jenis av Rana Sólborg Dulavík Tað sum fekk meg at skriva lesarabrævið vóru tey hagtøl, sum koyrdu øll sam­kynd í ein bólk, nýtt vóru orðini tey samkyndu og síðan kom reksan av teirra lívsførslu. Eg havi verið 17 ár á einum arbeiðsplássi har eg møtti hundratals menn­ iskju, ikki ein av teimum vóru eins, øll høvdu sína egnu søgu. Hvat um eg nú brúkti eina kanning sum eg so smoygdi niður yvir øll – hevði tað verið virðuligt? At tú ikki kennist við tað eg skrivið, havi eg ilt við at trúgva. Síðan legg­ur tú eftir mær og skýrir meg fyri at eg skrivi niðr­andi greinar og at tað klæð­ ir mær illa. Hettar kann so standa fyri tína rokn­ ing. Um tú hyggur eftir teimum mongu við­merk­ ingurnum sum hava verið til mína og tína grein, eru vit mong í tali sum hava sama hugsjón sum eg um hesi viðurskiftir. So leingi eg livi og orki, ætli eg mær at brúka tali og skrivifrælsi. Røktarheim – Sambýlir Sigvald Kristiansen Nú orðaskifti aftur er um røktarheimspláss og sam­ býl­ir, harmar tað meg al­ mik­ið, at tað er nevndin fyri Landsfelag Pensjónista (LP), sum leggur upp til at niður­leggja sambýlir og ikki byggja fleiri røktarheim. Nevndin fyri LP hevur sum ein av sínum fremstu upp­gávum at ráðgeva lands­ mynd­ugleikunum um viður­ skiftini á eldraøkinum. Og so kemur nevndin nú við hesum óundirbygdu ráð­um, sum avvarandi myndug­leik­ ar fegin taka til sín, tí teir halda sjálvandi, at tað er hetta, sum flestu føroysku fólk­apensjónistar vilja, tá umboð teirra kemur við slík­ um útsøgnum. Núverandi nevnd hevur fleiri ferðir hesi seinasti tvey árini borið hetta upp á mál bæði á pensjónistafundum og alment, og fleiri hava mót­ mælt harðliga henda hug­ burð hjá núverandi nevnd í LP. Fyrrverandi nevndir í LP hava tvørturímóti mælt til at útbyggja á hesum økinum, bæði røktarheimspláss og sam­býlir, til komið var á mál. Signar Dam hevur so púra rætt í tí, sum hann førir fram í lesarabrævi í Sosial­inum. Tað er enn tørvur á røkt­ ar­heimsplássum og sam­ býlum. Vit komu nakað seint í gongd við at útbyggja eldra­ økið, men tey seinastu 40 árini hava vit megnað at fing­ið til vega meira enn 600 búpláss til óhjálpin eldri, tað er gott klárað, men vit eru ikki komin á mál enn, og tí er burturvið at mæla lands­ myndugleikum og kommu­ nalum myndug­leik­um at steðga hesari út­bygg­ing. Vónandi fara fleiri at mæla ímóti, at hesin nýggi hug­ burður hjá LP vinn­ur frama, so avvarðandi mynd­ug­leikar fá eyguni upp fyri, at enn er tørvur á bæði sam­býlum og røkt­ar­heims­plássum. Broy­ tingar á hesum økinum fara ivaleyst at koma, tá tann akutti tørvurin er nøktaður. Skála 21.11.13 Ellis- og avlamisheimið á Sýnini Kristoffur Gaardlykke Kálvalíðvegur 17 Miðvágur Ellis og Avlamisheimið á Eftir at hava sæð Anniku Olsen sitið og gorrað um, at tað skal gerast avtala millum landið og Vága Kommunu um bráðfeingis ábøtur av heiminum Á Sýnini. Vil eg hervið skriva nøkur fakta um málið. Hettar kundi verið støðgað fyri nógvum árum síðani, um bara eitt líti sindur av vilja var til staðar hjá okkara løgtingsumboðum í Vágum. Tað var eitt liðugt upp­ skot um útbygging av Ellis­ heim­inum fyri eftir hondini nógvum árum síðan. Tá var tað Felagskommunan í Vágum, iið tók sær av felags­ málum. Tað var klárt at fara í gongd, men av einari ella aðrari merkiligari grund blokeraði táverandi borg­ ar­stjórin í Sørvágs Komm­ unu fyri, at arbeiðið fór í gongd, fíggingin var tá 100% landið, alt var klárt, skuldi bara søkjast av øllum kommununum í Vágum. So tað er kanska ikki so løgið, at stýrisformaðurin, sambandsmaðurin Marius Dam er fáorðaður nú, hann veit sjálvandi væl, at tað er avloysarin og partamaðurin Eivin Jacobsen, ip er atvoldin til, at støðan er sum hon er. Eg kann ikki góðtaka, at okkara gomlu borgarar liva í einari kroysu tey seinastu árini av lívinum, tað hava tey ikki uppiborið. At Annika Olsen situr í sjón­varpinum og skrápar um, at tað er landið, ið hevur ábyrgdina, og at tey í ára­ vís hava vitað, at støðan er kritisk og lívsfarlig fyri búfólkini, so syrg fyri at hettar bráðfangis arbeiðið verður gjørt í stundini. Tú hevur súltað málið nú í 2 ár, og hetta eigur at kosta tær ministarapostin eyga­blikki­ liga, men tað ger tað sjálvandi ikki í Føroyum. At koma við fleir svadum um, at tað er tað og tað gjørt, kunnu vit ikki brúka til nakað sum helst Annika, vit skulu hava tær 6 milliónirnar nú. Tað er tykkara uppgáva at finna tær, bara land og einki tvætl um land og kommunur bara land tit eiga heimi enn. Lív í Baianstovu “Tá ið Onki Myrkir Fyri” – tað ger tað ikki! Fríðálvur Jensen Tá eg hoyrdi um fløguna, var tað eitt ella annað, sum segði mær, at eg vildi fáa hendur á henni, tí ivaleyst mátti hon vera serlig. Tað vísti seg, at Lív er júst komin at búgva í gøtuni hjá okkum, so eg skunda mær at senda abbadóttrina eftir útgávuni og eg eri ikki skuffaður! Eg visti, at hon er sprottin úr tónleikaríkum umstøðum, so har mátti vera nakað, sum kundi fanga oyrað. Sum eg havi nevnt, hevur henda samanrenningin mill­ um tað dagliga – tær um­ støður vit eru farin ígjøgnum – og tey gávaðu evnini til at skapa og seta orð á, altíð havt mín serliga áhuga. Eg føli, tá eg siti og lurti, at Lív onkursvegna vil siga okkum, at hon hevur lagt for­ tíðina frá sær, fyri at koma víðari á leiðini. Tekstirnir eru rámandi og væl skrivaðir, sum so eisini gevur útgávuni ein dám av uppgerð, ið fær meg at føla eina ávísa kenslu av líðing, men so sanniliga eisini ein vilja til tað positiva. Øll løgini hava sín serliga dám, men eg eri ikki sørt bergtikin av teimum ensku løgunum, sum eg haldi onkursvegna kennast frí og eksperimenterandi. Skal eg taka eitt av teim­ um føroysku, er lagið “Eydna” ein byrjan við einum ávísum stíli við hjá Eivør, sum so glíðir yvir hennara serstaka stíl. Taka vit so til dømis “Mín Veninda,” eru vit í einum eldri 60´ara ella 70´ara stíli, ið ikki sørt minnir okkum um Anniku Hoydal. Sum eg byrjaði við at siga, eru tónleikaligu evnini borin henni, tí hon spælir flestu ljóðførini sjálv, sum hon kemur sera væl frá. Á eyka lagnum: “Á Konga­ brúnni” eru onnur ljóðfør, men á flestu av hinum løg­ unum leikar hon á guitar og munnhørpu. Onkur vil kanska siga, at allir tónarnir ikki verða raktir heilt, men eg vil siga, at hetta er útgávan hjá Lív, ið er væl og hegnisliga løg úr hondum. • Upptøkur, ljóðbland & mastering: Smart Recordings v/Búgva Hanusarson • Cover-layout: Tone Production • Arrangerað & samansett: Lív í Baianstovu • Orð og løg: Lív í Baianstovu Avgjørt ein væl gjøgnumførd útgáva, sum skal fáa 8 av 10 stjørnum frá mær.