týsdagur 17. desember 2013síða 46

Mikudagur 18. desember 2013 · Nr. 146 46 Sosialurin Hugskot og viðmerkingar – send sms til 225000 fótbóltur ítróttur UEFA Youth League er ein Champions League kapping fyri U19 lið. Kappingin byrjaði við, at verða eitt kopi av Champions League kappingini. Bólkarnir og dystirnir vóru teir somu og spældir á sama leikdegi sum teir í Champions League. Nú byrjar endaspælið og spælt verður í fyrsta umfari ein dystur. Tað verður bólkavinnarin, sum hevur heimavøll í avgerandi dystinum. Fyri FCK merkir tað, at teir skulu spæla móti Barcelona á útivølli í áttindadeilsfinaluni. Í fjórðingsfinalunum verða so tveir dystir, ein heima og ein úti. Skuldi tað eydnast Brandi og FCK at koma víðari, so skulu teir spæla móti vinnaranum av Arsenal og Shakhtar Donetsk. Tróndur Arge Frederiksberg Idrætspark Tað er kalt, men stilt í veðr­ inum, tá U19 liðini hjá FCK og Real Madrid koma á vøllin á Frederiksberg Idrætspark at hita upp. Dreingirnir úr FCK eru fyrstir á vøllin. Teir renna nakrar ferðir aftur og fram. Tað gera teir einar tvær ferðir, tá ein myrkhærdur spælari byrjar at ótolnast. Hann vil hava ein bólt at hita upp við. Tað gongur eina løta, so roynir hann aftur at fáa fatur á onkrum, sum hevur við bóltarnar at gera. Jú, nú koma bóltarnir til stóra gleði fyri skálvíkingin, sum tímur best at spæla fót­bólt við einum bólti. Tað vitnar bóltførleikin eisini um. Dysturin verður spældir á Frederiksberg Idrætspark. Talan er um fótbólts­vøll við rennibreyt og áskoðara­ plássum á aðru langsíðuni. Fyribils ljós­mastrar eru settar upp í hvørjum av teimum fýra horn­unum kring vøllin. Hinu­megin áskoðaraplássini eru íbúðarblokkar. Onkur hevur tikið av møguleikanum og sett seg at hyggja út gjøgnum vind­eygað. Tað er ókeypis at koma inn og nógv fólk er komið at hyggja. Umframt, at áskoðara­plássið er fult, so standa fólk eisini kring vøllin. Enzo, sonur Zidane Á vøllinum renna bestu ungu spælararnir hjá FCK og Real Madrid. Navnframasti spæl­ arin á vøllinum er óiva Enzo Fernández. Tað ljóðar ikki av so nógvum, men fulla navn­ið er Enzo Alan Zidane Fernández. Hann er sonur fronsku legenduna, Zinedine Zidane. Hann vil helst verða kend­ur undir navninum Enzo Fernández, fyri ikki at blíva tyngdur av stóra eftir­ navn­inum og skugganum hjá pápa­num. Hetta er eisini nakað Andreas og Mads Laudrup, synir hjá Michael Laudrup, hava víst á, at tað kann verða ein byrða at verða sonur ein legendariska heims­stjørnu. Á vøllinum er eisini langt frá Zinedine Zidane á topp­ inum til Enzo Fernández á U19 liðnum hjá Real Madrid. Enzo hevur 10 talið á rygginum og spælir á fram­ rættaða miðvøllinum. Hann er íblandaður tí mesta, sum Real Madrid fyritekur sær, men tað verður sjáldan um­ sett til nakað. Tað er ilt at meta um hvussu góður Enzo Fernández kann blíva, men um yvir­leggjarin er støðið hjá pápa­num, so hevur hann ongan kjans og tað er eisini órætt­víst at leggja so stórt trýst á unga mannin. Brandur í álopinum og leggur upp Tá dómarseðilin kemur út, er Brandur settur sum áleyp­ari. Hann hevur ann­ars spælt allar dystirnar á mið­vøll­ inum í eini 4-4-2 spæli­skipan, har hann er 8’arin, sum hevur eina meiri fram­rætt­aða upp­ gávu enn 6’arin, ið somu­leiðis spælir mitt á miðjuni. Hesa ferð var skipanin nakað broytt, tí Brandur lá longur frammi á vøllinum. – Tann íslendski áleyparin hjá okkum(Kristján Flóki Finn­bogason, blðm.) hevur leik­bann, og tí bleiv eg settur í álopið. Meiri sum ein 10’ari og tað var fínasta slag, sigur Brandur. FCK kemur á odda, tá dysturin er eitt stórt korter gamal. FCK fer í mótálop, tá bólturin endar hjá Brandi. Hann er knappur í vendingini og setur ferð á. Hóast hann hevur bóltin millum beinini, so hyggur hann fleiri ferðir upp. Úr eygnakrókinum sær hann framherjan Younes Felfel. Við neyvari og hegnis­ ligari avlevering lyftur hann boltin upp um verjuna til Felfel, sum í aðru atløgu skorar. Eftir hetta fær Real Madrid tamarhald á dyst­ inum. Fáar minuttir fyri hálv­ leik javnar Real Madrid eisini uppiborið. Hesa løtuna fær Brandur lítið burtur úr og er ónøgdur, tá viðspælararnir byrja at sparka vekk, heldur enn at spæla bóltin. Einasta ljóspunktið er, tá Brandur í besta Zinedine Zidane stíli ger roulettina. Tað er tá ein spælarin traðkar á bóltin, fyri síðani at føra bóltin víð­ari við hinum beininum, meðan hann sneiðir rundan um seg sjálvan. Brandur avgerandi – reytt kort til Real Madrid Í seinna hálvleiki er Real Madrid omaná frá byrjan. FCK er víðari í UEFA Youth League, eftir at teir koppaðu favorittunum úr Real Madrid, sum høvdu sonin hjá Zinedine Zidane við á liðnum. Tað hjálpti lítið, tá FCK hevði Brand Hendriksson Olsen. Nú stendur FC Barcelona á skránni Myndir: Tróndur Arge Barcelona Madrid – nú bíðar Brandur vann á Zidane og Real Brandur vann