týsdagur 17. desember 2013síða 47

47 Mikudagur 18. desember 2013 · Nr. 146 Sosialurin Hugskot og viðmerkingar – send sms til 225000 fótbóltur ítróttur Teir trýsta FCK í botn, sum bara í einkltum álopum megna at spæla seg um miðj­ una. Tað er eisini uppiborið, tá Marcos Legaz leggur Real Madrid á odda 2-1, tá ein tími er spældur. Nú eru góð ráð dýr. FCK skal í minsta lagi hava mál fyri at koma víðari. Tíggju minuttir seinni kemur aftursvarið. Brandur verður spældur leysur inn um verjuna. Hann tvísporar eftir bóltinum og rennur samstundis frá verjuni hjá Real Madrid. Komin móti brotsteigarmarkinum er hann ein brotpart av einum sekundi áðrenn málverjin á bóltin. Brandur verður feldur og málverjin fær reytt kort. – Tað var klárt fríspark og reytt kort. Eg bleiv raktur á tjúkkan. Tú hevur ikki nógva tíð at hugsa teg um. Tað snýr seg bara um at koma til bólt­ in fyrst, og tað eydnaðist, greiðir Brandur frá. Lítla løtu seinni fær FCK brots­spark, sum Mikkel Wohlegemuth, liðskipari, um­setur til mál. Eitt korter fyri tíð fellur avgerðin, tá FCK eftir innlegg kemur á odda 3-2. Rómurin er til at fáa eyga á. U19 liðið hjá FCK hevur framt eitt satt bragd, og er víðari til endaspæli í UEFA Youth League. – Hetta er fantastiskt. Hetta høvdu vit ikki droymt um, tá vit byrjaðu upp á kapp­ingina, men nú tá vit standa her, so kennist tað fan­tast­iskt, sigur Brandur Hendriks­son Olsen, sum eigur sín stóra lut í góðu gongdini. Tað kemur eitt óvart á, at U19 liðið hjá FCK er kom­ ið víðari í einum bólki, sum telur Real Madrid, Juventus og Galatasaray. Men tað gong­ur skjótt upp fyri Brandi og hinum í FCK, at teir kunnu klára seg móti teim­um stóru. – Tað gera vit longu í fyrsta dystinum, tá vit spæla 2-2 móti Juventus. Vit eru við allan dystin, men eru eitt sindur trýstir, men spæla fult upp við teir, sigur Brandur, sum ikki ræðist nakra mótstøðu nú. Frá Real Madrid til FC Barcelona Mánadagin var lutakast til Champions League, Europa League og í UEFA Youth League. Tá lutakastið er liðugt er greitt, at FCK og Brandur skulu spæla móti katalanska risanum, FC Barcelona á útivølli. – Nú sótu vit allir saml­ aðir og hugdu eftir lutakast­ inum. Allir høvdu síni ynskir, men teir fægstu mundu hava Barcelona sum dreyma­ mót­støðuna. Hetta var ikki dreymamótstøðuliðið, men altíð spennandi at møta teimum bestu, sigur Brandur og leggur afturat. – Barcelona eru favorittar til at vinna kappingina, so vit møta einum sera sterkum liði. Teir hava eitt tað besta ungdómsakademiið í heim­ inum, og eru kendir fyri at fáa spælarar allan vegin. Dysturin verður minst líka krevj­andi sum undarfarnu dystirnir, og tað fara vit at fyri­reika okkum til eftir jól­ ini, sigur Brandur. – Tað størsta eg havi upplivað higartil Luttøkan í UEFA Youth League er tað størsta, sum Brandur hevur upplivað í fót­bóltssamanhangi higartil, sigur skálvíkingurin sjálvur. – Tað er sjálvandi spenn­ andi og eitt tað størsta, ið eg hagartil havi upplivað innan­fyri fótbóltin. Vit møta stórum feløgum og nøkrum av bestu spælarunum í aldurs­bólkinum. Tað er við til at menna okkum spælarar nógv, tí at tú verður tvingaður upp í eitt enn hægri tempo og niveau enn vanligt, sigur Brandur. Brandur nevnir disiplin, sum størstu orsøkina til góðu gongdina. – Vit hava allir verið væl fyri­reikaðir og verið saman um hetta. Okkara disiplin er størsta orsøkin til góðu úrs­litini, sigur Brandur H. Olsen at enda, meðan hann skrivar autografar til fleiri av yngru fjepparunum, sum somu­leiðis fegnast um góða úrslitið móti Real Madrid. Brandur Hendriksson Olsen er bara 17 ár og hevur longu sett sítt fingramerkið á U19 liðið hjá FCK, UEFA Youth League og á føroyska U21 landsliðnum. Í feburar mánaði skal hann takast við kanska besta U19 liðið í heiminum. Brandur hevur av álvara fing­ið sítt gjøgnumbrot í ár, nú fáa vit at síggja, um trøini eis­ini veksa í UEFA Youth League himmiríki. Myndir: Tróndur Arge Bólkur B: 1 Real Madrid . . . . 11 2 FCK . . . . . . . . . . 10 3 Juventus . . . . . . . . 8 4 Galatasaray . . . . . 2 17/9: FCK - Juventus 2-2 2/10: Real Madrid - FCK 1-1 23/10: Galatasaray - FCK 0-1 5/11: FCK - Galatasaray 2-2 27/11: Juventus - FCK 2-2 10/12: FCK - Real Madrid 3-2 Í mun til Tórsvøll vóru ljós­mastrarnar á Frederiksberg Idrætspark heldur meiri alternativar