mánadagur 30. desember 2013síða 4

Mánadagur 30. desember 2013 · Nr. 148 4 Sosialurin Hugskot og viðmerkingar – send sms til 225000 Jón Brian Hvidtfeldt Borgarstjórar í Tórshavn og Klaksvík liggja báðir framvið, nú senditíð er til sølu í al­ menna sjónvarpinum. Við at gjalda ávíkavist 50.000 krónur og 60.000 krónur úr sín­um kommunukassum fáa Heðin Mortensen og Jógvan Skorheim profilerað sín­ar býir. Tað verður gjørt um­vegis smápartafelagið Fjøl­vinna, sum hevur fingið nærum fullan ræðisrætt yvir sendiflatuni í sjónvarpinum nýggjársaftan. Sum landsstýrismaður í mentamálum hevur Bjørn Kalsø evstu ábyrgd av Kringvarpinum. Tí spyrja vit hann, um tað er í lagi, at senditíð í almenna sjón­ varp­inum verður seld til hægstbjóðandi. Men lands­ stýrismaðurin hevur ilt við at svara spurninginum. - Tað má so vera púra opið, hvat fer fram. Tað má vera fult gjøgnumskygni í, soleiðis at øll vita, at her er talan um keypt tilfar, svarar Bjørn Kalsø trilvandi. Er tað public service, tá tað ber til at keypa senditíð? - Tað havi eg biðið mína umsiting um at kanna, og eg fái eina frágreiðing um hetta, svarar Bjørn Kalsø stutt. Ítøkiliga dømið merkir, at tað eru pengarnir sum gera av, um almenna Kringvarpið sendir frá nýggjárshaldi í Havn og Klaksvík, heldur enn úr Vági, av Sandi ella úr Runavík. Pengarnir stýra innihaldinum. - Ja, tað kann sjálvandi vera óheppið, ásannar Bjørn Kalsø, sum tó ikki vil longur inn í málið enn at hann hevur biðið sína umsiting í Mentamálaráðnum um eina frágreiðing. Stýrið Dia Midjord, kringvarpsstjóri, og Kári Durhuus, stjóri í smápartafelagnum Fjølvinna, hava skrivað undir sáttmálan um nýggjárssendingina. O­man fyri kringvarpsstjóran er eitt kringvarpsstýri, sum liggur millum stovnin og Mentamálaráðið. Sambært grein-5 í lóg­ ini um kringvarp er Kring­ varpsstýrið ovasta leiðslan á stovninum og hevur yvirskipaðu ábyrgdina av, at ásetingar í lógini og øðrum fyriskipanum um virksemi stovnsins verða fylgdar. Bjørn Kalsø hevur í dag ongar meining um, hvørt Kringvarpsstýrið røkir sína uppgávu. - Sjálvandi skulu lógir og reglur haldast. Eg havi sum nevnt biðið mína umsiting um eina frágreiðing, og hon vil væl vísa, um nakað skeivt er farið fram, sigur Bjørn Kalsø. Sama lóg um kringvarp heimilar stovninum at krevja inn 3625 krónur frá hvørjum einasta húski í landinum, umframt øllum fyritøkum og stovnum. Tilsamans gev­ ur tað umleið 48 milliónir krónur í lógarryggjaðum kring­varpsskatti. Afturfyri lovar stovnurin sakliga og óhefta upplýsing, sum tað stendur orðað í grein-10 í somu lóg. Men Bjørn Kalsø vil sum nevnt ikki svara, um Kring­varpsstýrið røkir sína skyldu, tá tað opin­ lýst ber til at keypa sær sendi­tíð inni í eini sending í almenna sjónvarpinum. Lands­stýrismaðurin vil fyrst hava frágreiðingina frá um­sitingini í Menta­mála­ráð­ num. Bjørn Kalsø ásannar, at sum almennur public service stovnur við lógartryggjaðum rætti at krevja inn pengar frá hvørjum einasta húski í landinum, hevur Kringvarpið ábyrgd fyri at hjúkla um sítt trúvirði. Men enn vil landsstýris­ maðurin ikki meta um, hvat tað ger við trúvirðið hjá almenna Kringvarpinum, at sendiflatan í sjónvarpinum verður handlað fyri nógvar pengar. Útbjóðing 1. oktober kom í gildi eitt rundskriv, sum áleggur øll­ um almennum stovnum at bjóða út keyp av vørum og tænastum, sum hava eitt virði á meira enn 50.000 krón­ur. Men arbeiðið at gera nýggjárssendingina er ongan­tíð bjóðað út. Sambært kring­varps­ stjóranum og stjóranum í sp/f Fjølvinna er tað ikki neyðugt at bjóða uppgávuna út. Dia Midjord og Kári Dur­ huus eru nevniliga sann­ førdir um, at eingin triði partur hevur ”sýnt veruligan áhuga í at framleiða nýggj­ árs­sendingina,” sum teir orða seg í sáttmálanum, undir­ skrivaður 23. desember. Tulkingin kann tó illa tulk­ast øðvrísi enn ein krea­ tiv roynd at sleppa undan tí rundskrivi, sum hevur verið í gildi síðani 1. oktober. Sama rundskriv sigur eisini, at einstøku stjórnarráðini hava ábyrgd fyri, at stovnar undir teimum fylgja rund­skriv­ inum. Tí spyrja vit Bjørn Kalsø, hví Kringvarpið ikki fylgir rundskrivinum. – Eg havi biðið mína um­siting í Mentamála­ ráð­num um at kanna tað, ljóð­ar eftirhondini kate­ gor­iska svarið frá lands­ stýris­manninum. Sjálvur hevur hann ikki fleiri viðmerkingar til, at Kringvarpið ikki helt seg til ásetingarnar í rund­skriv­ inum. – Nei, eg vil fyrst hava eina frágreiðing frá míni umsiting. Men tað er greitt, at stovnar undir Mentamálaráðnum skulu halda sínar skyldur, leggur Bjørn Kalsø afturat. Frágreiðingin Hóast landsstýrismaðurin við evstu ábyrgd av Kringvarpinum í øllum sínum svarum vísir til ta frágreiðing, sum hann hevur biðið sína umsiting gera, so tykist samstundis greitt, at frágreiðingin kemur ikki fyrr enn eftir nýggjár. Bjørn Kalsø ætlar sær ikki at gera nakað fyri at fáa frágreiðingina lidna, áðrenn sendingin fer í luftina. - Nei, eg veit ikki, um eg fái frágreiðingina áðrenn nýggjár, og eg havi ikki fleiri viðmerkingar til málið, sigur Bjørn Kalsø. Trilvandi lands­ stýris­maður Hóast tað er staðfest, at senditíð verður seld í almenna Kringvarpinum, so aftrar landsstýrismaðurin seg við at fara inn í málið. – Eg havi biðið mína umsiting um at koma við eini frágreiðing, sigur Bjørn Kalsø, sum eisini er komin í trupulleikar av einum rundskrivi úr Fíggjarmálaráðnum Jón Brian Hvidtfeldt Smápartafelagið Fjølvinna við Kára Durhuus hevur eftir øllum at døma fingið fríar teymar at selja senditíð í almenna Kringvarpinum til hægstbjóðandi. Fjølvinna hevur gjørt sáttmála við Kringvarpið um at standa fyri nýggjárssendingini í almenna sjónvarpinum. Sáttmálin varð undirskrivaður 23. de­ sember, uttan at uppgávan er bjóðað út. Millum tey, sum fegin vilja gjalda pengar aftur fyri umrøðu í almenna sjón­varp­ inum, eru borgarstjórarnir í størstu og næststørstu kommununum í landinum, sum báðir vilja brúka nakrar skattakrónur til at profilera sín bý. Jógvan Skorheim, borg­ arstjóri í Klaksvík, váttar at hansara kommuna rindar sp/f Fjølvinna 60.000 krónur aftur fyri senditíð í almenna sjónvarpinum. - Vit vilja fegin seta fokus á Klaksvík og okkara mentan. Kommunan skipar fyri ein­ um stórum nýggjárstiltaki við posthúsið mitt í býnum, og hetta vilja vit fegin vísa øllum føroya fólki, sigur Jógvan Skorheim. Sáttmálin millum Klaks­ víkar Kommunu og sp/f Fjølvinna skuldi ætlandi undirskrivast millum jól­ anna. Heðin Mortensen, borg­ arstjóri í Tórshavn, váttar at hansara kommuna rindar sp/f Fjølvinna 50.000 krónur aftur fyri senditíð. Sentitíð til sølu Sendiflatan í almenna Kringvarpinum er til sølu nýggjársaftan. Borgarstjórar í Klaksvík og Tórshavn liggja báðir framvið og keypa jaliga umrøðu fyri tilsamans 110.000 krónur Bjørn Kalsø hevur biðið sína umsiting um eina frágreiðing, ið tó ikki kemur fyrr enn eftir nýggjár