hósdagur 23. januar 2014síða 13

13 Fríggjadagur 24. januar 2014 · Nr. 10 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svara Holger og Bjørg tær her í Sosialinum. Kvotu 2-krøv til hægri útbúgvingar í Føroyum og í Danmark Spurnarsíðan Spyr og fá svar um útbúgvingar. Allar. Allastaðni. Sjálvlesandi Vit fáa sera nógvar spurningar um , hvussu mann skal bera seg at, um man ætlar at vera sjálvlesandi á einum miðnámsskúla. Svar: Nú fer øll tilmelding sum sjálvlesandi fram hjá Mentamálaráðnum. Tú skalt fara inn á www. innskriving.fo. Har stendur millum annað : Treytir fyri innskriving í miðnámsskúla til próvtøkur á sumri 2014 : • Tú skalt sjálv/ur í seinasta lagi 1. februar 2014 hava tosað við ein lestrarvegleiðara á skúlanum, ið tú hevur innskrivað teg til sum sjálvlesandi. • Hevur tú ikki í seinasta lagi 1. februar 2014 tosað við ein lestrarvegleiðara og faklærara og avtalað fyribils pensum, ert tú ikki innskrivað/ur til próvtøku, og inngoldna upphæddin verður ikki goldin tær aftur. • Tú skalt í seinasta lagi 25. februar 2014 hava avtalað endaligt pensum við faklærara í tí/ teimum lærugrein/um, tú hevur innskrivað teg til próvtøku í. Skúlin vísir á faklærara. Bæði tann sjálvlesandi og faklærarin skulu í seinasta lagi 25. februar 2014 hava undirskrivað pensumuppgevingarnar. • Tá ið tú innskrivar teg til próvtøku í lærugrein á A- ella B-stigi, skalt tú í nógvum lærugreinum hava lokið stigið beint undir. Uttan at hava lokið stigið beint undir, kanst tú ikki fara til próvtøku. Tú skalt sjálv/ur skjalprógva, at tú hevur lokið tey kravdu stigini. Hetta ger seg tó ikki altíð galdandi, og tí er tað sera neyðugt, at tú tosar við vegleiðara um krøvini í teimum einstøku lærugreinunum. • Innskrivingin kostar 300 kr. fyri hvørja lærugrein. Tá tú hevur verið til próvtøku, fært tú peningin aftur. Eisini fært tú peningin aftur, um tú meldar frá próvtøku í seinasta lagi 1. apríl Meira útgreinað vegleiðing er á innskriving.fo Á studentaskúlanum í Hoydølum eru eisini hesar treytir : Tá tú hevur innskrivað teg á innskriving.fo, skalt tú umframt prógv (nevnd omanfyri) eisini senda navnabræv/dópsváttan til skúlan, og tá skúlin hevur móttikið hesi skjøl, fært tú navn á lærara, sum skal føra teg til próvtøka, og tú fært pensumlista. Vinarliga Holger og Bjørg Staðið eller ikki? Góðu tit, Eg eri vorðin studentur. Nú ætli eg mær at lesa víðari, men eg eri í iva, um eg uppfylli treytirnar at sleppa inn til ta útbúgvingina, sum eg ætli mær. Eg skal hava staðið støddfrøði, men próvtøkan í skrivligum støddfrøði gekk illa, eg fekk bert 5. Eg var ikki upp í munnligum í støddfrøði, so ársmetið er ført yvir - eitt 7-tal. Ársmetið í skrivligum støddfrøði var 7. Svar : Góða tú, Tú hevur staðið støddfrøði. Munnligt er miðal av skrivligum og munnligum støddfrøði 7, og skrivligt er miðal 6 (5 og 7). Í tínum føri verður tú “bjargað” av tínum ársmeti. Vinarliga Holger og Bjørg Upptøkan eftir kvotu 2 er fyri umsøkjarar, sum av ymsum orsøkum ikki kunnu verða tiknir upp á hægri útbúgvingum eftir kvotu 1, ella har umsøkjari hevur annað javngott prógv á sama stigi ella hægri. Tá verða eisini aðrir førleikar enn gym­ nasialt miðnámsskúlaprógv tiknir við í metingina. Útlendskir umsøkjarar og tey sum skulu hava undantaksloyvi skulu eisini søkja gjøgnum kvotu 2, har um­sókn­a­ rfreistin ­er 15. mars 2014 bæði í Føroyum og í Danmark. (Tá mann søkir eftir kvotu 1, verður bert hugt at miðal­tali­num frá miðnámsskúlapróvnum. Um­sókn­ar­freist­ in er fyrst í juli.) Tað er útbúgvingarstaðið, sum setir treytirnar fyri kvotu 2 á ymsa út­búgv­ing­ unum. Útbúgvingarstaðið tekur upp við støði individuellari meting av hvørjari kvotu 2-umsókn. Krøvini kunnu vera ymisk frá útbúgving til utbúgving. Hvør kann søkja? Lestrarplássini á kvotu 2 eru fyri tað mesta avmarkað frá 10 % og uppeftir, og tey kunnu søkjast av fylgjandi: • Umsøkjarar, sum hava annað upp- tøku­grundarlag enn gymnasialt mið­ náms­skúlaprógv, men sum kann javn­ setast við tað. • Umsøkjarar við einum altjóða, út­ lendsk­um prógvi. • Umsøkjarar, sum søkja inn á eina útbúgv­ing við upptøkuroynd og/ella upp­tøku­sam­røðu sum upptøkukrav. • Umsøkjarar, sum ynskja/søkja undan­ tak frá kravinum um atgongu­gevandi prógv. • Umsøkjarar, sum hava atgongugevandi prógv og lúka upptøkutreytirnar, men sum hava tørv á at verða mettir eftir øðrum skjalprógvaðum førleikum, aftur­at miðaltalinum – t.d.: * Partur av hægri útbúgving * Viðkomandi ískoytisfak og karak­ter­ir­ nir frá atgongugevandi próvnum * Arbeiðsroyndir (viðkomandi) * Háskúlauppihald ella uppihald í út­ landi­num * Frítíðarleiðari, venjari og líknandi Tann motiveraða umsóknin Í sambandi við flestu kvotu 2-umsóknir skal mann eisini skriva eina motiveraða umsókn/ævisøgu, sum kann vera sera av­ gerandi. Motiveraða umsóknin skal siga nakað um tína motivatión, tínar orsøkir og mál við at søkja inná útbúgvingina, og tínar førleikar, evni og eginleikar. Tað skal vera ein persónlig lýsing av tí, ið tú vilt leggja áherðslu á í sambandi við um­ sókn­ina. Hon skal geva eina fatan av tær, hvussu búgvin tú ert, tínum førleikum og tínum hugsanum í sambandi við lest­urin. Vís, at tú hevur kunnleika til út­búgv­ing­ ina. Minst til at hugleiða yvir tínar royndir frá vinnulívsarbeiði, ískoytis­út­búgv­ing­ um, sjálvbodnum arbeiði, uppihaldi uttan­ lands o.s.fr. Spyr teg sjálva/n: Hvørjar før­ leik­ar hava ymsu royndirnar givið mær? Hvat havi eg lært? Og hví haldi eg, at hetta hev­ur týdning fyri lesturin? Set teg til dømis saman við øðrum, sum kenna teg væl. Tosa við tey um, hvørjar førleikar ella gávur, tey síggja í tín­um royndum. Hvat vísa tínar royndir, at tú dugir væl? Kom í gongd við umsóknina í góðari tíð, soleiðis at tú nært at rættlesa hana væl. Á nøkrum útbúgvingum er um­sókn­ar­ trýst­ið stórt, og tí eru ávísir førleikar ofta eitt krav, fyri at verða tikin upp. Umvent kanst tú ikki vera vís/ur í upptøku, hóast tú heldur, at tú lýkur nevndu krøvini. Ein heild­ar­meting verður gjørd av hvørjum um­søkjara. Mann skal ikki søkja inn á somu út­búgv­ing eftir bæði kvotu 1 og kvotu 2. Søkir tu eftir kvotu 2, verður tú mett/ur eftir báðum kvotum. Søk eftir kvotu 2, um tú ikki ert vís/ur í, at títt miðaltal er nóg høgt, og tú metir, at tú hev­ur førleikar, sum samsvara við kvotu 2-krøvini á útbúgvingini. Umsóknarfreistin fyri kvotu 2-umsøkjarar er tann 15. mars www.setur.fo www.optagelse.dk