hósdagur 23. januar 2014síða 20

Fríggjadagur 24. januar 2014 · Nr. 10 20 Sosialurin Hugskot og viðmerkingar – send sms til 225000 ítróttur Tróndur Arge Í farnu viku gjørdi HB leigu­ sáttmála við Brøndby um, at René Shaki Joensen komandi hálva árið skal spæla við HB. Ein tíð í stóra søguríka danska felagnum er komin at enda. René er ikki í iva um, at hann hevur tikið røttu av­ gerð­ina, og væntar ikki at steðgurin verður longur enn eitt ár. – Hetta er tann rætta av­ gerðin fyri meg. Tað eru ongi útlit fyri spælitíð í Brøndby meðan HB kann bjóða vaksna­manna­fótbólt og tað sosiala sum fylgir við, sigur René Shaki Joensen, sum síðani 2009 hevur verið sátt­ málabundin í Brøndby. – Tað er ein løgin kensla at siga farvæl, men tað er somu­leiðis ein góð kensla, at fáa eina nýggja avbjóðing og koma til eitt nýtt felag, leggur René afturat. Hví Føroyar og hví HB? Lagið á René er gott. Sein­ astu fimm árini hevur hann livað sum yrkisspælari í stóra danska felagnum, men nú ein nýggjur kapitul er byrj­aður í lívinum hjá René. Hann skal á fyrsta sinni spæla vaksna­ mannafótbólt. Hann hevur bara spælt eykaliðsfótbólt og ung­dómsfótbólt í Brøndby. Tað vóru fleiri ting, sum spældu inn, tá René valdi HB fram­um onnur feløg í triðj bestu deildini í Danmark, og onn­ur feløg í Føroyum. – Avgerðin um at velja HB er bygd á tann ítróttarliga part­in. Eg eri útleigaður og tí vigar tann fíggjarligi part­ urin einki í mun tað ítróttar­ liga. HB hevur ein sterkan hóp og spælir tað slagið av fót­bólti, sum passar til mín, og so er tað eisini mítt barn­ dóms­felag, sigur René. Tað verður mangan funn­ ist at føroyskum spælarum, sum koma aftur til Føroyar at spæla. Mett verður, at teir ikki hava tað, sum skal til fyri sláa í gjøgnum. Hetta verð­ur mangan illa sæð, men hesum kritikkinum ræðist René ikki. – Hetta er tað besta valið fyri meg. Eg kundi eisini verið farin til Jylland og spælt við einum liðið, sum nokk ikki er betri enn tey her í Føroyum. Nú kann eg koma heim og spæla vaksnamannafótbólt og fáa ment meg, sigur René Shaki Joensen víðari. Einsemi í Brøndby René hevur í tíðini í Brøndby upplivað upptúrar og niður­ túrar. Frá at vera á gáttini til eitt pláss á liðnum í 2011, til at ganga skaddur megin­part­ in av 2013. Lívið í einum stór­ felagið kann verða einsligt og avbjóðandi. – Eg kann taka nógv við mær úr Brøndby. Eg havi lært at liva sum yrkisspælari, og komi nokk altíð at duga at ansa eftir kroppinum hjá mær, men eg havi eisini lært av mót­ganginum, sigur René og heldur fram. – Í einum stórum felagi sum Brøndby eru spælararnir ikki vinir, men heldur ar­ beiðs­kollegar. Tá venjing er lið­ug, so fara allir hvør sín veg. Tá tú sum eg ikki hevur ging­ið í skúla við síðuna av og hevur verið skaddur, so kann gerandisdagurin blíva eins­ligur, greiðir René frá. – Fótbóltsverðin er stór og tað mást tú læra at liva við. Tað krevur nógv at spæla við ein­um felagi sum Brøndby IF, sigur René, sum eisini hev­ur fleiri góð minni frá tíðini í Dan­mark. – Besta tíðin var fyrra hálva í 2011. Eg var á gáttini at koma á besta liðið. Eg spældi allar venjingardystirnar og skor­aði enntá í seinasta dyst­ inum áðrenn kappingin fór í gongd aftur, greiðir René frá, sum tó ikki fekk nógvar min­ uttir á besta liðnum alíka­ væl. – Eg fekk debut móti AGF, men annars bleiv tað ikki til nakað av spælitíð. Tað iðrar meg mest, at eg ikki fekk møgu­leikan tá, sigur U21 lands­liðsspælarin, sum eisini vísir á hvussu skjótt tað kann ganga í fótbólti. – Vit kunnu taka eitt dømi í Dario Dumic. Hann hevur spælt nógv hetta kappingar­ árið og klárað seg væl sum triðja val í miðverjuni. Nú hev­ur Brøndby brádliga keypt mið­verja og hava ætlan um at keypa ein afturat. Nú kann hann blíva fimta val, sjálvt um hann hevur spælt væl, sigur René Shaki Joensen og fortelur víðari. – So skjótt kann tað ganga. Tað er eitt kalt umhvørvi. Spælir tú illa ella klárar teg illa til venjing, so kanst tú blíva útifyrstur av hinum í hóp­inum. Spælir tú hinvegin væl, so er tú brádliga besti vin­maður hjá venjaranum, sum prátar við teg og heldur um teg, greiðir René Shaki Joensen frá. René er framvegis Brøndby IF spælari, men tað tykist greitt, at framtíðin ikki liggur í bláa og gula felag­ num. Gleði meg at spæla í Gundadali Hóast René hevur verið part­ ur av einum stórum fel­agi í Danmark, so gleðir hann seg at sleppa at spæla í Gunda­ dali við HB. – Tú skal minnast til, at eg havi ikki spælt »senior« fót­bólt í Brøndby. Tí síggi eg eisini góðar møguleikar fyri at menn­ast í HB. At skula spæla hvørt vikuskifti hevur stóran týdning. Og so gleði eg meg at sleppa spæla í Gunda­ dali móti eitt nú B36. Tað gleði eg meg til, sigur nýggi spælarin hjá HB, sum ætlar sær at spæla á bakk­inum. – Eg havi verið fluttur runt á fleiri pláss, men nú tími eg ikki bara at verða ífylla. Eg eri komin í ein aldur, har eg má finna mítt pláss og tað er á høgra bakki, sigur René og leggur afturat. – Eg komi helst at arbeiða við síðuna av fótbóltinum, men eg ætli mær at liva sum ein yrkisfótbóltsspælari með­ an eg eri í Føroyum. Ætlanin er, at steðga í mesta lagi í eitt, sigur René. Eftir at hava livað í óvissini í eina tíð, so fegnast René bara um, at hann veit hvat hann skal gera komandi hálva árið. – Eg angri ikki, at eg fór til Brøndby og eg eri glaður fyri tíðina í felagnum, men nú gleði eg meg bara at sleppa at spæla, sigur René Shaki Joensen at enda. trondur@sosialurin.fo fótbóltur Tað sigur René Shaki Joensen, sum eftir skjótt fimm ár í Brøndby hevur valt at koma aftur til barn­ dóms­felagið at spæla HB er rætta valið fyri meg Mynd: Álvur Haraldsen rené til meistararnar