mánadagur 27. januar 2014síða 20

Mánadagur 27. januar 2014 · Nr. 11 20 Sosialurin Hugskot og viðmerkingar – send sms til 225000 ítróttur Hondbóltur Jóannes Hansen EM endaspælið í Danmark er av. Noreg megnaði ikki at spæla seg víðari úr inn­ leið­andi umfarinum. Svøríki varð sent til hús, eftir at sviar í mið­umfarinum høvdu sett punktum við sigri á Frak­ landi – einasta franska tapið í allari kappingini. Fríggjadagin megnaðu illa skaðaplágaðu íslendingarnir bragdið at vinna uppgerðina um fimta plássið ímóti Pól­ landi. Úrslitið var 28-27. Dystar­gongdin undirstrikar, at íslendski hugburðurin er fram­úr, og at grannar okkara fyri vestan eru óvanliga treyst­ir. Pólland var frammanfyri alla tíðina, og onkuntíð hótti stórtap, tá Ísland var aftan­ fyri við fýra málum. Fleiri av størstu íslendsku stjørn­ unum vóru ikki við orsaka av skaðum, men teir sóu lið­fel­ agarnar stríðast og spæla, og at tað í evstu løtu eydnaðist Íslandi fyri fyrstu og einastu ferð at leggja seg á odda, tá ið tað restaðu tjúgu sekund. Tað var avgerandi, og bæði í Ís­landi og í europeiska hond­bóltsheiminum verður ís­lendsa avrikið fagnað. Fríggjadagin spældi Frak­ land seg í finaluna við 30-27 sigri í grannauppgerðini ímóti sponsku heims­meistar­ unum, og so varð kynt undir danska hondbóltsbálið, tá ið donsku favorittarnir í Jyske Boxen í Herning tryggjaðu sær finalu­pláss við 29-27 sigri á Kroatia. Í gjár vann Spania bronsu­ krónurnar við 29-28 sigri á Kroatia. So var tað, at danir vónaðu, at danska liðið, sum hevði vunnið sjey sigrar á rað, skuldi seta punktum fyri væl eydnaða EM endaspælinum við at vinna gull­krónurnar. Tað eydnaðist ikki, tí Frak­land vann 41-32 eftir at leiðslan í steðginum var 23-16! Fraklendingar undir­ spældu seg sjálvur við at siga, at teir roknaðu Dan­mark at vera favoritt at vinna final­ una. Í donsku miðl­unum, sum seinastu tvær vikur­nar hava havt jól og góðar dagar, og eisini millum hond­bólts­ hugaðu danirnar, ið støðugt eru vornir fleiri, meiri enn livdi vónin um, at tað fór at eydnast, sum ikki eydnaðist á heimavølli fyri 36 árum síðani. Fjórða plássið Um mánaðarskiftið januar- februar 1978 var HM í hond­ bólti í Danmark. Tá vóru umstøðurnar at fylgja við í sjónvarpinum ikki tær somu, sum tær nú eru. Dystirnir vóru vístir á monopolrásini DR, og tað var stórt, hóast upp­tøkutólini vóru færri og vána­ligari, og sendingarnar und­an og eftir dystirnar nógv færri og fátæksligari, enn tær nú eru. Í Føroyum varð fylgt við í beinleiðis frásøgnunum á langbylgju útvarpsrásini hjá DR, og so bar til hjá teimum, ið tá vóru so heppin at eiga videokassa og at kenna onkran niðri, sum kundi taka upp og síðani senda kasett­ una henda vegin, at sita ein ella tveir dagar seinni og fylgja við. At tað ikki bar so væl til at fylgja við í sjónvarpinum í 1978 mundi vera orsøkin til, at HM endaspælið í Danmark varð hildið í meiri enn tjúgu ymiskum býum kring landið. Ta ferðina var danska vón­ brotið, at tað ikki eydnaðist lið­num at spæla seg úr hálv­finaluni og í finaluna, og at tað síðani endaði við tapi í uppgerðini um fjórða pláss­ið. Hondbóltshugaðir føroy­ingar, ið minnast aftur til 1978, komast við millum aðrar liðformannin Anders Dahl Nielsen, sum seinni var lands­liðsvenjari, málverjan Mogens Jeppesen og stór­ skjúttan Michael Berg. Harvið var besta avrikið framvegis silvurkrónurnar, sum danir vunnu í HM enda­ spæl­inum í Svøríki í 1967. Silvur krónurnar Eftir fjórða plássið á heima­ vølli í 1978 helt danskur hond­bóltur í nøkur ár seg í topp­inum. Síðani gekk tað minni væl, tí seinnapartin í áttati árunum, í níti árunum og fram til túsund ára skiftið datt danska liðið heilt burtur ímill­um tey bestu. Hesi árini var tað Svøríki, sum helt norðurlendskum mans­hondbólti á toppinum. Tað sást í, at Svøríki vann fleiri gullkrónur – 1990 (HM), 1994 (EM), 1998 (EM), 1999 (HM), 2000 (EM) og 2002 (EM). Harafrat vunnu sviar silvur í OL í 1992, 1996, 2000 og 2012. Íslendsku avrikini og úrs­litini eiga eisini at verða nevnd. Ísland vann silvur í OL í 2008 og bronsu í EM í 2010. Munadygt arbeiði við yngru landsliðunum, sum rakk góðum úrslitum, bar um aldar­skiftið boð um, at tað sá ljósari út í donskum mans­ hond­bólti, og úrslitini siga, at tað síðani hevur gingið væl. Í 2005 tók Ulrik Wilbek, sum áður – og við góðum úrs­ litum – hevði havt ábyrgdina av kvinnuliðnum við venj­ara­ starvinum, og síðani hevur danska landsliðið verið millum tey bestu. Ulrik Wilbek og landsliðið hava síðani vunnið seks heiðurs­merki og millum hesi eru tvey sett av gullkrónum, sum vórðu vunnin í EM kapp­ing­unum í 2008 og 2012. Hini eru silvurkrónurnar í HM í 2011 og 2013, og bronsu­ merkini í EM í 2006 og HM 2007. EM endaspælið í Dan­ mark tvær tær seinastu vikur­nar var síðsta kapp­ ing­in hjá Uirik Wilbek – 20 ár eftir fyrstu gulkrónurnar saman við danska kvinnu­ lands­liðnum. Tað var í EM endaspælinum, sum í 1994 var í Noregi. Dreymurin var, at tað skuldi eydnast at siga farvæl við gullkrónum um hálsin. Í sjey dystum gekk tað sum eftir ánni. Hondbóltshugaðir føroy­ ingar hava seinastu tvær vikur­nar havt møguleika at síggja íslendska og danska landsliðið í enda­ spæl­inum. Danmark vann allar dystirnar í inn­leið­andi um­far­inum, og Dan­mark vann allar dystir­nar í mið­ umfarinum. Tað eydnaðist at vinna hálvfinaluna ímóti Kroatia fríggjakvøldið. Í gjár kiksaði tað ímóti Fraklandi, sum við avriki á so høgum støði, sum tað valla er sætt áður, setti Danmark, stuðlað av 14 túsund í Jyske Boxen í Herning, upp á pláss. Frammanundan tíðar­ skeið­num saman við Ulrik Wilbek hevði tað verið fram­ úr at vinna silvur. Í gjár kend­ist tað sum vónbrot, at Dan­mark stóð eftir við silvur­krónunum, men tey, sum hava skil fyri hondbólti, eru samd um, at tað er, sum tølini siga. Frakland var minst ein flokk omanfyri mót­støðuliðið. Fullkomnir fraklendingar flongdu favorittarnar Eftir tvær vikur í barónaseingini var franska útpurringini ógvuslig ímóti Danmark, ið varð spælt niður og norður í finaluni av framúr heimsstjørnum, sum struku avstað við 41-32 sigri og harvið gullkrónunum